VOV.Xơ Đăng - Kong pơlê Dak Lak dế tơbleăng Tơdroăng tơkêa bro mơjiâng Kơdrum reăng kiêp hmố  lâp plâi tơnêi Phú Yên tơmiât troh inâi Kơdrum reăng kiêp hmố lâp plâi tơnêi UNESCO. Vâ pơhlêh inâi chiâng ivá mơnhông, kong pơlê kal rak vế mâu ki kơnâ tơnêi tơníu, kong kế, túa lĕm tro rơtế ƀă mơnhông ôm hyô ƀă tơdroăng rêh ối pơlê pơla.

VOV.Xơ Đăng - A Tây Nguyên tối tơdjuôm, Gia Lai tối krê, rế hía rế ai hên ngế hơnăm ối nếo xúa măng pơlê pơla ôh tá xê to vâ xah hêi mê ối xúa vâ mơđah tơbleăng, livestream, tối tơbleăng mâu tơdroăng 'na pơlê xiâm, khôi túa lĕm tro, tơmeăm pêi lo ing chiâk deăng ƀă tơdroăng rêh ối pơlê pơla. Vâi dế chiâng mâu ngế ki mơjiâng tơdroăng, veăng kum djâ um méa Tây Nguyên troh achê tâ ƀă kuăn pơlê. Pin rơtế trâm mâu ngế ki kơhnâ rơkê a Hneăng hôp KOL kong pơlê Gia Lai 2026 châ tơkŭm po hâi lơ 11/9 a Pleiku.

VOV.Xơ Đăng - Kơxo lơ 10/9, a Kơpong tíu xối tơbâ Tây Sơn Tam Kiệt, cheăm Tây Sơn, kong pơlê Gia Lai, tơkŭm po leh pleăng reăng, têk nhang ƀă leh tơbâ drêng troh leh tơbâ 234 hơnăm hâi hlâ dêi Pơtáu Quang Trung - Nguyễn Huệ.

VOV.Xơ Đăng –  Kong măng lơ 8/9, a plông kơtú ƀa long Quy Nhơn, bêng Quy Nhơn, Hneăng tơ’noăng ivá kong pơlê Gia Lai rôh má I hơnăm 2026 păng ‘nâng pơxiâm po.

VOV.Xơ Đăng - Kơm buôt (khiê̆n plôi), ai tíu 'nâ tối dêi m'buôt, ding prao, bơnung prao… cho prôa ki hmâ hlo tung tơdroăng rêh ối ‘na hiâm mơno dêi mơngế K'Ho a Tây Nguyên. Laga tung tơdroăng rêh ối nôkố, xua pá vâ hlŭm mê hên vâi rơtăm ôh tá hâk vâ ƀă tơdroăng ki hlŭm khiê̆n plôi. Pro ti lâi vâ châ rak vế đi đo idrâp ki tơviah, tơniâ dêi hdroâng kuăn ngo cho tơdroăng ki tô tuăn dêi ngê̆ nhân Liêng Hót Ha Chong, môi tung iâ mơngế ki ối 'nâi mơjiâng pro ƀă hlŭm rơkê prôa ki kố.

VOV4.Xơ Đăng – Ngê̆ nhân Ưu tú A Thu, mơngế Rơteăng ối a thôn Đăk Trăm 1, cheăm Kon Đào, kong pơlê Quảng Ngãi hiăng mơdoh hên hơnăm rak vế, 'mâi mơnhông ƀă hnê mơhno ‘na tôu chêng, tơgôu koăng rơtế ƀă mâu prôa, rơvŏng hlŭm tiô khôi hmâ vâi krâ roh nah. Ôh tá xê to mơngế ki mơjiâng pro, mơđah tơbleăng rơkê, mê ngoh ối hnê tơdroăng ki hâk vâ ‘na khôi túa lĕm tro ăm rơxông ối nếo, vâ mâu idrâp chêng koăng Rơteăng pơtối châ ối pơtối đi đo tung rêm rơpŏng hngêi, pơlê pơla.

VOV.Xơ Đăng - A peăng mâ hâi Lo kong pơlê Dak Lak nôkố ai 25 túa loăng kơnía châ mơnhên. Rêm to loăng krâ ƀă môi tơdroăng dêi môi kơpong tơnêi. Tơdroăng rak vế ƀă mơnhông ki kơnía mâu xiâm loăng tơnía kố ôh tá xê to rak vế mâu tơdroăng pêi pro tơƀrê ki rơxông nah hiăng tơbêng pêt mơjiâng rak ngăn, mê ối hnê pơchân ăm mâu rơxông kơ’nâi ‘nâi rak vế mâu tơdroăng ki kơnía dêi tơmeăm ki pâ pôa hiăng ‘măn chôu ăm. Ing mê, mâu tơdroăng ‘na tơnêi, ƀă kuăn mơngế akố pơtối châ tơdjêp, pơtó.

VOV.Xơ Đăng - A cheăm Nhơn Lý, kong pơlê Gia Lai pơxiâm po leh tơbleăng rơpâu reăng ƀă dó inâi ‘’Rơpâu reăng vêh a kơphô̆ têa kơxĭ’’.

VOV.Xơ Đăng - Dế nôkố, pákĭng mơnhông túa lĕm tro gok gâ tâ, mê kơchơ châ po rơdâ tâ, khu rơxông nếo mơngế Chăm a pơlê mĕn bro tơmeăm ƀă tơnêi hneăn Bình Đức, thôn Phan Hiệp, cheăm Bắc Bình, kong pơlê Lâm Đồng dế tŭm ƀă tơdroăng kal roh ton nah ƀă chal nếo nôkố ƀă kơpeăng kŏng ki hiăng hbo dêi mâu vâi krâ ngê̆ nhân ki rơkê hiăng hên hơnăm rơtế tơdjuôm ƀă mâu túa cheăng ki chat bro um méa dêi khu rơxông nếo chiâng tơmeăm ki lĕm mơnâ.

VOV.Xơ Đăng - Tĭng rơkâu xối kơno têa cho môi túa mơdĭng ki hiăng ai trâu rơdâ tung tuăn i hiâm ƀă tơdroăng rêh kâ ối păng ‘nâng dêi pơlê pơla hdrông Bơhnéa a Tây Nguyên. Ôh tá xê to roh ki vâ rơkâu xối mêi tro tô ‘ló, pêi lo hên báu phái, prá alâi, plâi pôm. Tĭng kố ối mơhno tối hnun vêa ki kuăn pơlê rêh kâ ối lĕm tro ƀă kong prâi ƀă ki tơrŭm krá tơniăn pơla kuăn mơngế ƀă kuăn mơngế.