VOV.Xơ Đăng - Pơtối hneăng hôp má môi, hâi lơ 21/4, Kuô̆k hô̆i pơtối tơpui tơno a hngêi hôp kân‘na mơnhên tối ‘mot tơ’nôm klêi kơ’nâi pêi pro túa pơkâ mơnhông cheăng kâ rêh ối pơlê pơla ƀă liăn ngân tơnêi têa hơnăm 2025; tơdroăng pêi pro túa pơkâ mơnhông cheăng kâ rêh ối pơlê pơla ƀă liăn ngân tơnêi têa mâu khế apoăng hơnăm 2026; Túa pơkâ mơnhông cheăng kâ rêh ối pơlê pơla 5 hơnăm 2026 – 2030; Tơdroăng cheăng pêi pro kơdĭng, hbrâ mơdât pro mơhrê liăn ngân tê kơtê hơnăm 2025; Tơdroăng pêi pro pơkâ pêi dêi tơnêi têa ‘na tơdâng tơ’mô pơla kơnốu ƀă kơdrâi hơnăm 2025.

VOV.Xơ Đăng - A Hà Tĩnh, Tĭnh ủi, Hô̆i đong kuăn pơlê, Vi ƀan kuăn pơlê, Vi ƀan Măt trâ̆n Tơnêi têa Việt Nam kong pơlê Hà Tĩnh tơkŭm kân krip Leh tơbâ 120 hơnăm Hâi kot mâ pôa Hà Huy Tập, Kăn xiâm pơkuâ hnê ngăn Đảng (24/4/1906 – 24/4/2026), pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa veăng ƀă xông tơpui a roh leh.

VOV.Xơ Đăng - Vâ pơkuâ krá tơniăn tơdroăng cheăng tơnăng ká xi xŏng, gâk kring ki pơxúa ton xŏn dêi kuăn pơlê tơnăng ká xi xŏng, Vi ƀan kong pơlê Lâm Đồng nếo mơjiâng Tôh pêi cheăng tơdjêp kơvâ ‘na séa ngăn tơdroăng tơnăng ká xi xŏng ôh tá tro luât, ôh tá tơbleăng ƀă ôh tá tiô pơkâ IUU tung kong pơlê.

VOV.Xơ Đăng - Kơxê hâi lơ 20/4 a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa troh veăng hôp hlối pơkuâ hâi trâm mâ mâu kăn Kuô̆k hô̆i hneăng 16 cho mâu kuăn ngo.

VOV.Xơ Đăng - Kơxo lơ 20/4, a Tíu pêi cheăng Chin phuh, pôa Hồ Quốc Dũng, Phŏ Ngế pro xiâm hnê ngăn tơnêi têa pơkuâ roh hôp ‘na tơdroăng pêi pro inâi kŏng ngê̆ ton xŏn ƀă tơmeăm kŏng ngê̆ ton xŏn.

VOV.Xơ Đăng - Kơxo lơ 20/4, a Hngêi Kuô̆k hô̆i, Vi ƀan pơkuâ cheăng Kuô̆k hô̆i hiăng hôp ăm rơkong tơpui tối ‘na kơxop mơ-éa Luât ‘mâi pơhlêh, ‘mot tơ’nôm mâu tơdroăng dêi Luât nâp hnoăng liăn mơhá krê, Luât nâp hnoăng liăn mơhá ki kơnía tâk, Luât Nâp hnoăng liăn mơhá khu mơdró kâ ƀă Luât nâp hnoăng liăn mơhá tê roê mâu kế tơmeăm.

VOV.Xơ Đăng - Khu Pêi cheăng tơrŭm Việt Nam nếo tơkŭm po Roh hôp Khu ngăn ‘na pêi cheăng tơrŭm Tơnêi têa hơnăm 2026 dó inâi “Tơdjêp ƀă Khu ngăn ‘na pêi cheăng tơrŭm ‘na cheăng krâ krê pá kong” a Hà Nội. Tơdroăng ki tơdjêp ƀă mâu kơvâ mơdró kâ krê tâ tá pá kong châ ngăn cho troăng prôk ki kal vâ tơkŭm po khu ngăn ‘na pêi cheăng tơrŭm thăm mơdêk ivá cheăng ki tơbriât, tơtro khât ƀă túa cheăng kâ ki kân dêi mâu hngêi kơchơ, ing mê, chôa ‘lâng mơjiâng po mâu troăng hơlâ ki kơnía git, krá tơniăn thăm mơdêk pêi lo liăn ngân hên ăm tơná kuăn pơlê a tơnêi têa pin.

VOV.Xơ Đăng - Hên tơdroăng trâm pá ki nhên hiăng châ kơnó, pơkâ tơdroăng mơ-eăm kân vâ tah lôi, tơmiât troh kêi đeăng hdrối hâi lơ 30/4 hơnăm kố.

VOV.Xơ Đăng - Leh tơbâ hâi mơhno khôi túa lĕm tro mâu hdroâng kuăn ngo Việt Nam (19/4), a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ai roh trâm mâ Khu râ kăn teăng mâ mâu krâ pơlê, kăn pơkuâ pơlê, ngê̆ nhân, ngế ki kuăn pơlê loi tơngah kơhnâ rơkê ai hên tơdroăng veăng gum tung tơdroăng rak vế ton, rak ‘măn, mơnhông ki kơnâ khôi túa lĕm tro vâi krâ nah dêi mâu hdroâng kuăn ngo.

VOV.Xơ Đăng - A kong pơlê Nghệ An, pôa Lê Minh Hưng Ngế pro xiâm hnê ngăn Chin phuh veăng leh tơdah xo inâi pơxá mâu lêng tơplâ khên tonôu dêi kuăn pơlê Kuân khu 4.