VOV.Xơ Đăng - Kơxo hâi lơ 19/8, a Tíu pêi cheăng Chin phuh, pôa Lê Tiến Châu Phŏ Ngế pro xiâm hnê ngăn tơnêi têa pơkuâ hôp ‘na tơdroăng tơbleăng pêi pro séa ngăn tâi tâng mâu hlá mơ-eá chêh tro tiô luât ôh tá xê to a kơxô̆ mê thế vê ngăn ƀă troăng hơlâ pêi pro ki nhên, tah ki xơpá khât a mâu tíu tơvâ tơvân dêi luât.

VOV.Xơ Đăng –  Kơxê hnah, lơ 20/8, a Tíu xiâm Chin phuh, jâ Phạm Thị Thanh Trà hiăng tơdah pôa Hà Vĩ, Kăn teăng mâ kong têa Sinuâ.

VOV.Xơ Đăng –  Pơtối tơdroăng Hneăng hôp ôh tá tiah hmâ rôh má môi, Kuô̆k hô̆i hneăng má XVI, hâi kố, lơ 21/8, mâu kăn teăng mâ Kuô̆k hô̆i tơpui tơno a hngêi hôp kân ‘na mơnhên la ngiâ troăng hơlâ ‘mâi rơnêu Luât Tơnêi tơníu hơnăm 2024 ƀă Luât Hngêi ối hơnăm 2023.

VOV.Xơ Đăng - Khu ngăn Hdrông kuăn ngo, ối tung Hô̆i đong hnê ngăn kong pơlê Dak Lak nếo lăm ngăn khât a mâu túa ki pro ôm hyô pơlê pơla a kong pơlê vâ mơnhên tối klêi kơ’nâi pêi pro Pơkâ dêi Hô̆i đong hnê ngăn kong pơlê ‘na tŏng gum mơjiâng pro ôm hyô pơlê pơla tro tơdroăng ƀă rak vế, mơnhông túa lĕm tro hdrông kuăn ngo, tơdrêng amê, hlối pro tíu ki vâ hriăn ngăn, pâ thế troăng hơlâ tŏng gum ăm tơtro tung hneăng nếo.

VOV.Xơ Đăng - Ối lối pa môi măng tĭng nếo, tơdroăng tơkêa bro Hngêi trung Phôh thong hdrông kuăn ngo ai tíu kâ koi, ối pơtê péa râ, Râ má môi ƀă Râ má péa a 7 to cheăm tơkăng kong dêi kong pơlê Gia Lai athế châ pro klêi vâ mot hơnăm mơhriâm nếo 2026-2027. Tơdroăng cheăng ối hên, kăn pơkuâ kong pơlê Gia Lai pơtối hnê mơhno mâu khu ki xo pro hngêi trung thăm mơdêk troăng hơlâ mơ-eăm pro, tăng tơ’nôm mâu ngế cheăng vâ pro, athế khŏm pro klêi tro hâi khế pơkâ vâ ăm hok tro kơpong tơkăng kong ai hngêi trung nếo, lâm hriâm nếo tung hâi lăm troh tơkŭm a hngêi trung.

VOV.Xơ Đăng - Hâi lơ 19/8, Vi ƀan hnê ngăn kong pơlê Gia Lai tơkŭm po rôh pơxiâm pro tơdroăng Tơkêa ki má 2 ối tung tơdroăng Tơkêa pro troăng kân xŏn tơdrăng ăm rơxế kơtâu têi Quy Nhơn – Pleiku.

VOV.Xơ Đăng - Ăm rơkong tơpui a tôh a kơxo má hâi lơ 19/8 ‘na troăng tơmiât mơjiâng tơdroăng tơkêa bro Luât Hngêi rak liăn tơnêi têa (tơkŭm môi), pôa Trần Thanh Mẫn, Kăn xiâm hnê ngăn Kuô̆k hô̆i tối nhên, kơxop hlá mơ-éa luât kố athế ai mâu tơdroăng ki pơhlêh tơƀrê vâ tơnêi têa mơnhông, malối cho péa to Pơlê kong kân Hồ Chí Minh ƀă Hà Nội.

VOV.Xơ Đăng - A  tíu xiâm Hngêi hôp kân kong pơlê Gia Lai, bêng Quy Nhơn, Khu xiâm mơjiâng tơrŭm ƀă Vi ƀan Kuăn pơlê kong pơlê Gia Lai tơkŭm po Hôp tơpui tơno ‘na “Tơmeăm khoăng mơjiâng pro tơrŭm ƀă – Mơ-eăm mơhnhôk tơ’mot khu ‘no liăn pêi cheăng, mơnhông ôm hyô Tơdế Tơnêi têa - Tây Nguyên”.

VOV.Xơ Đăng - Kơxê lơ 18/08, a Tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa pơkuâ Rôh hôp tơdroăng cheăng mơjiâng luât khế 8 hơnăm 2026 tơpui tung 11 tơdroăng tơkêa bro luât ƀă 1 tơdroăng tơbleăng xiâm a rôh hôp tơbleăng Kuô̆k hô̆i a Hneăng hôp má Péa.

VOV.Xơ Đăng - Leh tơbâ 81 hơnăm Kăch măng khế Tơheăm ƀă hâi mơjiâng Tơnêi têa lơ 2/9, mê a kơxê lơ 18/8, a Trung đoân ƀô̆ binh kơ yơ̆i 102, cheăm Phú Cát, Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa, kăn hnê ngăn Khu xiâm Đảng lêng ƀă khu kăn pêi cheăng dêi Tíu xiâm hiăng troh pôu pêi cheăng ƀă Sư đoân ƀô̆ binh kơ yơ̆i 308, Kuân đoân 12, ối tung Khu xiâm pơkuâ ngăn lêng Tơnêi têa.