VOV.Xơ Đăng - Kơxo hâi lơ 29/1, pôa Tô Lâm, Kăn xiâm pơkuâ hnê ngăn Đảng rơtế ƀă mâu kăn xiâm tơnêi têa têk nhang tơbâ kơ Pôa Hồ Chí Minh kăn xiâm hnê ngăn tơnêi têa hneăng hdrối a Kim Liên (Nghệ An), mơhno tuăn khíu pâ ƀă hlối mơ-eăm pêi pro tro tiô tơdroăng chêh tối Pơchân tối dêi Pôa.

VOV.Xơ Đăng - Kơxê hâi lơ 28/1, a Kơpong cheăng kâ Phú Quốc, kong pơlê An Giang, pôa Phạm Minh Chính, Ngế pro xiâm hnê ngăn tơnêi têa pơkuâ po rôh hôp rôh má péa dêi Vi ƀan Tơnêi têa APEC 2027 vâ séa ngăn tơdroăng ki hbrâ rơnáu ăm Măng tĭng APEC 2027 tung pơla hdrối nah, tơdrêng amê hlối môi tuăn ƀă tơdroăng cheăng pêi tung la ngiâ.

VOV.Xơ Đăng - Kơxê hâi lơ 28/1, pôa Tô Lâm, Kăn xiâm pơkuâ hnê ngăn cheăng Đảng veăng ai mâ ƀă tơpui a rôh pơxiâm pro Hngêi trung Phôh thong hdroâng kuăn ngo ai tíu kâ koi ối pơtê Râ má môi ƀă Râ má péa Trường Hà, kong pơlê Cao Bằng.

VOV.Xơ Đăng - Khu kăn pêi cheăng dêi Tỉnh ủi, Hô̆i đong kuăn pơlê, Vi ƀan kuăn pơlê, Vi ƀan Măt trâ̆n tơnêi têa Việt Nam kong pơlê Lâm Đồng xua pôa Y Thanh Hà Niê Kdăm - Kăn hnê ngăn Tỉnh ủi hiăng troh lăm pôu, rơkâu Têt a Đặc Khu Phú Qúy.

VOV.Xơ Đăng - Drêng vâ chê troh Têt Lo hơnăm nếo Bính Ngọ 2026, tiô hmâ dêi mâu hdroâng mơngế, a lơ 28/1, a Pơlê kong kân Hồ Chí Minh, pôa Lương Cường, Kăn xiâm hnê ngăn tơnêi têa hiăng troh lăm pôu, rơkâu Têt mâu kăn xiâm hnê ngăn tơnêi têa hneăng hdrối mê cho pôa Nguyễn Minh Triết, Kăn xiâm hnê ngăn tơnêi têa hneăng hdrối, pôa Nguyễn Tấn Sang, Kăn xiâm hnê ngăn tơnêi têa hneăng hdrối; lăm pôu rơpŏng hngêi hlối têk nhang tơbâ kơ mâu vâi pú cho Kăn xiâm pơkuâ hnê ngăn Đảng, Tơnêi têa hneăng hdrối.

VOV.Xơ Đăng - Tơbâ 85 hơnăm Hâi Pôa Hồ Chí Minh, Kăn xiâm hnê ngăn tơnêi têa hneăng hdrối troh vêh a tơnêi têa Pơkuâ hnê djâ kăn xiâm Kăch măng Việt Nam (28/01/1941 – 28/01/2026), kơmăng hâi lơ 28/1 po Tơdroăng mơ’no tơdrêng tung um tơvi “ Péa kơpeăng kong mơjiâng môi tơnêi têa” a 4 tíu tơbâ rôh rôh tơplâ ton nah “Cao Bằng – Hà Nội – Nghệ An – Pơlê kong kân Hồ Chí Minh.

VOV.Xơ Đăng - Kơxo hâi lơ 28/1, a Cao Bằng, pôa Tô Lâm, Kăn xiâm pơkuâ hnê ngăn Đảng hiăng pôu ƀă po rôh pêi cheăng ƀă Khu pơkuâ hnê ngăn Đảng ƀô̆ ‘na tơdroăng cheăng kâ rêh ối.

VOV.Xơ Đăng - Vi ƀan hnê ngăn kong pơlê Lâm Đồng nếo tơbleăng pơkâ thế mâu kơvâ cheăng ki ai tơdjâk troh khu ‘no liăn pro rĕng mơdêk rĕng pro troăng kân Bảo Lộc – Liên Khương xua cheăng hbrâ rơnáu pro hrá tâng pơchông ƀă hnoăng pơcháu.

VOV.Xơ Đăng - Kơxo hâi lơ 28/1, a kong pơlê An Giang, pôa Phạm Minh Chính, Ngế pro xiâm hnê ngăn tơnêi têa lăm séa ngăn tơdroăng mơjiâng pro tơmeăm khoăng, tơdroăng tơkêa pro vâ xúa ăm hneăng hôp APEC 2027.

VOV.Xơ Đăng - Tơdroăng kố ai trâm mâ túa lĕm tro hơdruê xuăng; diâp tơmeăm ăm rơpŏng kơtiê, rơpŏng châ tơnêi têa gum, rơpŏng xơpá; khăm, tiâ mơnhên ivá ƀă hbru pơkeăng tê kơtê.