Tung rôh hôp a kơxo má, Kuô̆k hô̆i tơpui tơno ‘na tơdroăng tơkêa bro Luât Tê mơdró tơnêi (‘mâi rơnêu) ƀă Luât Pêi pro hnoăng kuăn pơlê a pơlê pơla (‘mâi rơnêu). Ngế xiâm Khu xiâm mơjiâng tơmeăm khoăng ƀă Ngế xiâm Khu xiâm pơkuâ kăn ƀô̆ kô tiâ, pêi pro inhên mâu tơdroăng kăn teăng mâ tối.

Peăng kơxê, Kuô̆k hô̆i tơpui tơno ‘na pơkâ mơnhông cheăng kâ – rêh ối pơlê pơla hơnăm 2026, tối hdrối pơkâ pêi hơnăm 2027; tơdroăng pêi pro liăn ngân tơnêi têa, pơkâ pêi mơ’no liăn cheăng hơnăm 2026 ƀă troăng pêi xing xoăng liăn ngân Tơnêi têa, pơkâ mơ’no liăn cheăng hơnăm 2027.

Kuô̆k hô̆i xuân séa ngăn riân tâi tâng kơxô̆ liăn ngân tơnêi têa hơnăm 2025, tơdroăng mơgêi pêi pro Tơdroăng pơkâ kơxô̆ 66 hơnăm 2013 ƀă mơgêi mơ’no liăn cheăng mơjiâng tơdroăng tơkêa bro troăng kân Hồ Chí Minh pro 2 hơlâ troăng.