VOV.Xơ Đăng - Sap ing tơdroăng ki xúa mâu kơtôu kông hnông tơmeăm pêi lo ing chiâk deăng vâ pro phon hưh cơ, pro kơchâ pló sinh hok troh kơdroh ki xúa phon hoă hok, hên kuăn pơlê pêi chiâk Dak Lak dế pơhlêh túa pêi vâ rak tơnêi, kơdĭng liăn ‘no hrê ƀă mơdêk ki lĕm dêi tơmeăm pêi lo ing chiâk deăng, tơmiât troh pêi chiâk deăng ngiât, tâ tá ƀă krá ton.

VOV.Xơ Đăng - Tung 9 khế hiăng hluâ, kơxô̆ liăn châ xo ing tê tơmeăm pêi lo ing chiâk deăng, loăng pơlái, ká xi xŏng dêi kong pơlê Dak Lak châ lối 2,3 rơtal dollars, tâk lối 6% tâng vâ pơchông ƀă khế kố hơnăm nah.

VOV.Xơ Đăng - Yă tiu vêh to kơnâ nếo dế pro mâu kuăn pơlê ki pêi chiâk deăng a Gia Lai po rơdâ tơnêi pêt. La ahdrối vâ pêt, tơdroăng ki kuăn pơlê rơhêng vâ 'nâi plĕng cho tăng hdrê ki dâi lĕm, 'nâi xiâm rêi. Pơla hên tíu tê pro hdrê, ing tíu hriăn plĕng, khu pêi chiâk deăng lăm troh a mâu tíu tê pá kĭng troăng, kuăn pơlê kô rah xo hdrê ti lâi vâ tơniăn dâi khât ăm kơdrum loăng tơná pêt.

VOV.Xơ Đăng - A Lâm Đồng, Tíu xiâm Hnê mơhnhôk pêi Chiâk deăng tơnêi têa tơrŭm ƀă Khu ngăn ‘na Chiâk deăng ƀă Hyôh kong prâi kong pơlê tơkŭm po tơpui tơno 'na pơkuâ, rak vế mah kơxô̆ kơpong pêt, mah kơxô̆ tíu tâ tung kơthung ƀă troăng hơlâ mơdêk ki dâi lĕm, po rơdâ kơchơ tê mơdró tơmeăm pêi lo ing chiâk deăng.

VOV.Xơ Đăng - Tơkâ luâ tơdroăng ki tơvâ tơvân tê ngi kong têa ê plâi sầu riêng cho tơdroăng ki xiâm a Tơdroăng "Kơphế ngế tê mơdró" roh má 7, xua kong pơlê Dak Lak tơkŭm po. Mâu rơkong tơpui tối tơkŭm tung pơkuâ mah kơxô̆ kơpong pêt, tơrŭm tê ƀă 'no liăn uâ mơdiê vâ mơdêk ki kơnía dêi plâi sầu riêng.

VOV.Xơ Đăng - A bêng Pleiku, Vi ƀan kong pơlê Gia Lai ƀă Grup pơkuâ Muyuan (Sinuâ) ai rôh pêi cheăng ‘na mơ’no liăn cheăng mâu tơdroăng tơkêa bro păn mơnăn mơnôa kŏng ngê̆ rơxông nếo.

VOV.Xơ Đăng - Pêt loăng plâi sầu riêng dế po troăng mơnhông cheăng kâ nếo ăm kuăn pơlê a hên cheăm tơkăng kong dêi kong pơlê Quảng Ngãi. Ôh tá xê to po rơdâ tơnêi pêt, kong pơlê dế hnê kuăn pơlê pêi cheăng tiô kơpong pêt, mơjiâng mah kơxô̆, tơrŭm khu mơdró kâ, chôa 'lâng mơdêk ki kơnía dêi tơmeăm pêi lo ing chiâk deăng ƀă tăng cheăng pêi krá tơniăn.

VOV.Xơ Đăng - Pêi báu a Dak Lak dế ăm hlo troăng prôk ki nếo drêng kơdroh mơ'no trếo 'mêi lo pa kong tơdrêng amê kơdroh kơxô̆ liăn 'no pêi cheăng ing tơdroăng kơdroh kơxô̆ hdrê, phon, pơkeăng xôh kơdê oâ hdrong, xúa têa kơdĭng ƀă kơdroh mơ-ŭm kông hnông alâi. A cheăm Hòa Phú, kong pơlê Dak Lak, túa pêt báu kơdroh mơ'no trếo 'mêi lo pakong châ tơbleăng pêi a ƀăng tơnêi 24 ha a Tíu pêt hdrê pêi chiâk deăng Hòa Xuân. Ki rơhêng vâ tối dêi túa pơkâ ôh tá xê tơ'nôm mâu tơdroăng pêi pêt, mê cho hơ'lêh túa xúa mâu tơmeăm ki 'no pêi ƀă pơkuâ ngăn klâng chiâk.

VOV.Xơ Đăng - Việt Nam dế ai kơpong pêt kơphế kân rơdâ, ƀă pêt châ lối 720.000 ha, tung mê dâng 95% cho kơphế Robusta. Rơnó ki kố nah, tê kơphế tê ăm kong têa ê châ lối 1,5 rơtuh tâ̆n, pêi lo liăn lối 8,4 rơtal dollars. Laga, ki pơxúa 'na ƀăng tơnêi ƀă kơxô̆ ki pêt tá hâi teăm hơ'lêh chiâng ki kơnâ tơxâng, drêng ki dâi lĕm dêi kloăng kơphế Robusta xuân ối ai mâu tơdroăng ki tá hâi tơtro. Môi tung mâu tơdroăng ki pá cho tơdroăng rak ngăn, mơ'no trếo kơhiâm ăm loăng tá hâi tơtro. 

VOV.Xơ Đăng - Tơdroăng pơkâ kơxô̆ 36 dêi Chin phuh 'na pro tơ'lêi hlâu tung pro mơ-éa ƀă mah kơxô̆ kơpong pêt, mah kơxô̆ tíu tâ tung kơthung dế mơhnhôk Gia Lai tơkŭm po nếo tơdroăng pơkuâ kơpong pêt. Klêi kơ'nâi 55 hâi pêi pro, kong pơlê hiăng ăm nếo 43 mah kơxô̆ kơpong pêt, mơdêk tâi tâng kơxô̆ tâk troh 424 mah. Tơdroăng pơkâ dế ai tơdjâk tơƀrê troh pêi pêt a kong pơlê drêng kuăn pơlê pêi chiâk pơxiâm tơmâng chêh 'măn tơdroăng rak ngăn kơdrum loăng, khu mơdró kâ tơmiât po rơdâ kơpong pêt, ối mâu kong pơlê séa ngăn tơdroăng chêh 'măn ƀă hnê mơhno mơngế pêi pêt.