VOV.Xơ Đăng -  Tung 2 hâi (lơ 11 troh lơ 12/8), Tíu xiâm Mơhnhôk pêi chiâk deăng Tơnêi têa (Khu xiâm pơkuâ ‘na pêi chiâk deăng ƀă Kong prâi) tơrŭm ƀă Khu pơkuâ ‘na Pêi chiâk deăng ƀă Kong prâi kong pơlê Dak Lak tơkŭm po hôp khu chêh hlá tơbeăng, tŏng gum khu tê mơdró, khu tơrŭm cheăng ƀă kuăn pơlê pêi pro pơkâ ‘na mah kơxô̆ kơpong pêt, mah kơxô̆ tíu tâ tung kơthung vâ tê ƀă tê ngi kong têa ê tơmeăm pêi lo ing chiâk deăng.

VOV.Xơ Đăng - Kơxê hâi lơ 10/8, a Tíu pêi cheăng Chin phuh, pôa Hồ Quốc Dũng Phŏ Ngế pro xiâm hnê ngăn tơnêi têa pêi cheăng ƀă mâu Ngế xiâm, kơvâ cheăng ‘na tơdroăng cheăng, troh tê mơdró tơmeăm, tê plâi sầu riêng ăm kong têa ê pêi pro tiô hlá mơ-éa pơkâ kơxô̆ 36 ‘na pơkâ tơ’lêi hlâu pro hlá mơ-éa ‘na mah kơxô̆ kơpong, mah kơxô̆ tíu pêi cheăng tâ tung kơthung.

VOV.Xơ Đăng - Kơvâ ngăn ‘na Chiâk deăng ƀă Hyôh kong prâi Dak Lak thế pơ‘lêh rơdêi ing tuăn tơmiât “rak ngăn tơmeăm khoăng” chiâng “rak ngăn ki pơxúa tung pêi châ hên lơ ôh dêi tơmeăm pêi lo”, tơmâng mơdêk ki tơƀrê hôm tung pêi pêt, pro uâ pơliê ƀă tê tơmeăm pê lo ing chiâk deăng.

VOV.Xơ Đăng - Dak Lak pêi pro troh châ mơnhên ối má môi Guinness ƀă khu rơxế kân chơ plâi sầu riêng ki xŏn má môi lâp plâi tơnêi, pro chôu pâ tung tơdroăng tơbleăng inâi sầu riêng Dak Lak tê ăm kong têa ê.

VOV.Xơ Đăng - Kơxê lơ 5/8, Vi ƀan hnê ngăn kong pơlê Dak Lak hôp tiah hmâ khế 7 vâ mơnhên tối tơdroăng mơnhông cheăng kâ rêh ối pơlê pơla ƀă tơpui tơno ‘na mâu troăng hơlâ pêi pro pơkâ pêi thăm mơnhông tâk péa kơxô̆ tung hơnăm 2026.

VOV.Xơ Đăng - Vi ƀan kuăn pơlê kong pơlê Dak Lak hiăng tơkŭm po hôp ƀă khu chêh hlá tơbeăng ‘na Leh tơbleăng plâi sầu riêng hơnăm 2026, mơhno leh tơbleăng mê ôh ti xê to vâ tơbleăng tơmeăm tê mê ối vâ mơjiâng tơmeăm pêi pêt lĕm krúa, po rơdâ kơchơ mơdró ƀă pơxúa krá ton ăm mơngế ki pêt. “Hơ’muăn tơdroăng nếo ai” hâi kố, ai tối ‘na rôh hôp ƀă khu chêh hlá tơbeăng mê.

VOV.Xơ Đăng - Rôh apoăng môi lô sầu riêng châ tơbleăng tơ’noăng há yă a kơpong pêt a cheăm Krông Pač, kong pơlê Dak Lak, tơdroăng kố hiăng châ Khu mơdró vâ rôe ƀă yă kơnâ tâ vâ chê 24% tâng vâ pơchông ƀă yă tối apoăng. Tơdroăng tơbleăng tơ’noăng há yă cho tơdroăng ki apoăng dêi tơdroăng pêi pro tro Leh tơbleăng Sầu riêng Dak Lak 2026, vâ tơdjêp tơdrêng pơla khu ki pêt ƀă khu mơdró, tê ăm kong têa ê.

VOV.Xơ Đăng - Vâ ti tăng mâu troăng mơdêk ki dâi lĕm dêi hdrê kơphế Robusta sap ing mơjiâng pro, a Bảo Lộc, kong pơlê Lâm Đồng hiăng tơkŭm po Hôp tơno: Mơdêk ki dâi lĕm hdrê kơphế Robusta Việt ing xiâm rêi” ƀă mơhno mâu tơdroăng tơkêa bro: “Mơnhên tíu ối Robusta Việt Nam’’. Tơdroăng ki kal tơkŭm teăng mâ kơ koan pơkuâ, ngế cheăng khoa hok, khu tê mơdró, khu tơrŭm kơvâ kố rơtế ƀă lối 200 ngế kuăn pơlê pêi chiâk deăng, khu tơrŭm cheăng kong pơlê Lâm Đồng ƀă Dak Lak.

VOV.Xơ Đăng - Bú ối pá môi khế ‘nôi cho mot tung hnoăng cheăng xiâm dêi rơnó krí plâi sầu riêng a Dak Lak. Phá tơ-ê ƀă mâu hơnăm hdrối mê hía nah, kố cho roh ki tá hâi teăm hlo ai mơngế ki tí tăng mot vâ rôe plâi, lơ ăm liăn ahdrối vâ rôe plâi dêi kuăn pơlê. Tơdroăng tê mơdró plâi sầu riêng tá hâi hên to lâi ôh, laga, xuân ăm pin hlo, tơdroăng cheăng mê hiăng mot tung roh ki tăng rôe vâ ga tro tiô pơkâ.

VOV.Xơ Đăng - Mâu kong pơlê dế pơkâ thế pro hlâu “hrĭng tơdroăng tơkêa bro, pro xiâm vâ tâk ƀă troăng pêi kơpêng 10%. Laga, pakĭng ki pá ‘na luât, pro hlá mơ-éa ƀă tăng loăng ‘no pêi, cho ối trâm pá ‘na mơngế pêi cheăng chiâng tíu ki pá kân ‘nâng. Hên hơnăm hdrối mê hía nah, mơngế pêi cheăng ki ai kơpeăng kŏng rơkê hiăng pơ’lêh cheăng a Tíu xiâm cheăng kâ peăng Hdroh, pro kong pơlê chiâng pá ai mơngế ki pêi cheăng rơkê, malối a kơvâ cheăng kal pêi. Hên ƀai chêh dêi Tuấn Long, ngế chêh hlá tơbeăng ai tối nhên tơdroăng ki pá, mơnhên hnoăng cheăng pêi ƀă po troăng lêi tah tơdroăng ki pá ‘na mơngế pêi cheăng a mâu kong pơlê dêi Tây Nguyên. Bài 1, dó inâi: “Kal mơngế pêi cheăng a tíu mơjiâng tơmeăm khoăng troh pêi chiâk deăng tá troh cheăng a hngêi kơmăi”