VOV.Xơ Đăng - Ing túa cheăng ki xiâm tung tơrŭm cheăng dêi khu kuăn pơlê, hên khu pêi cheăng tơrŭm a Dak Lak dế pơhlêh ó rơdêi túa cheăng pro dêi khu ngăn ‘na mơdró kâ tiô chal nếo: hbrâ ăm hneăng ki pơkuâ ngăn, mơjiâng inâi, po rơdâ hngêi kơchơ ƀă veăng pêi pro tiô troăng ki tơdjêp ing apoăng troh tá tui lui dêi tơdroăng ki kơnía tung cheăng kâ. Ki pơhlêh chôa ‘lâng tung tuăn tơmiât tơkôm ngăn ing hnoăng cheăng tơveăng gum mơnhông chiâng troăng hơlâ ki pơhlêh nếo ăm khu pêi cheăng tơdjuôm, tơveăng gum vâ thăm mơdêk tơdroăng ki ối pêi lo kế tơmeăm ƀă thăm mơdêk ki rơdêi tơdroăng rêh kâ ối dêi kong pơlê.

VOV.Xơ Đăng - Cheăng “tơgôu hmâng kơtôu plâi sầu riêng” dế pêi lo châ dâng chât rơtuh liăn rême khế, thăm nếo ối châ troh hrĭng rơtuh liăn rêm khế xua rơkê ‘na hnoăng cheăng ki kố. Méluâ ti mê, pá rŏng kơlo ki châ pêi lo liăn ngân mê chía hên, pro mơnguân ăm hên ngế la tơdroăng ki mơhriâm mê cho kơtăng ó khât, mê cho, tâng ngế ki tơgôu plâi mê pêi pro ôh tá tro, lơ tro pôe plâi ối ‘miê, ối kơbâng kô tro xôi, athế chêl thiê̆n ki vâi.

VOV.Xơ Đăng - Vi ƀan ngăn kuăn pơlê kong pơlê Dak Lak hôp séa ngăn tơdroăng hbrâ Leh tơbleăng sầu riêng  Dak Lak  2026.

VOV.Xơ Đăng –  Kơxê lơ 2/7, pôa Hồ Quốc Dũng, Phŏ Ngế pro xiâm hnê ngăn tơnêi têa veăng Hôp tơno tơdroăng kal mơ’no tơdrêng tung măng hyôh măng lâp tơnêi têa mơgêi 6 khế apoăng hơnăm, pêi pro hnoăng cheăng 6 khế mơ’nui hơnăm dêi Khu xiâm pơkuâ ngăn ‘na Chiâk deăng ƀă Hyôh kong prâi.

VOV.Xơ Đăng - Ôh ta xê to tơveăng gum kuăn pơlê thăm mơdêk ki dâi lĕm dêi kế tơmeăm, mâu hơnăm achê pơla kố, a kong pơlê Dak Lak ối thăm mơdêk mâu tơdroăng cheăng ki vâ mơhnhôk ‘na tê mơdró kâ, tơdjêp, tơrŭm tung tê mơdró ƀă xúa mâu tơdroăng ki chêh tối tung măng internet vâ gum ăm kế tơmeăm dêi pơlê cheăm châ tê mơ’no troh hên a kơchơ, thăm mơdêk ki kơnía dêi mâu kế tơmeăm mê. Tơdroăng ki rơtế pêi pro dêi khu kăn pơkuâ hnê ngăn ƀă mâu khu râ kơvâ cheăng dế thăm pro tơ’nôm ivá cheăng vâ khu mơdró, khu pêi cheăng tơrŭm, ƀă kuăn pơlê khên mơ’no dêi liăn ngân, mơjiâng pro inâi ƀă thăm mơdêk ivá cheăng ki kâi châ tơbriât tê mơ’no kế tơmeăm ki pêi lo ing chiâk deăng.

VOV.Xơ Đăng - A mâu hbêa ngo cheăm Tu Mơ Rông, kong pơlê Quảng Ngãi lối 1 rơtuh xiâm kơphế nếo châ pêt nếo, po apoăng tơdroăng mơjiâng kơpong pêt kơphế tơkŭm môi tíu, mơjiâng cheăng pêi krá tơniăn ăm kuăn pơlê Rơteăng.

VOV.Xơ Đăng - Lâm Đồng sap ing ton nah châ ’nâi cho kơpong pêi chiâk pêi deăng xiâm dêi lâp tơnêi têa, mơjiâng hên mâu kơchâi, reăng plâi kâ ki dâi lĕm. Tung pơla hngêi kơchơ dế kố dế tơbriât tê mơdró mâu tơmeăm ki dâi krúa lĕm, mê tơdroăng ki tơ’mot tê mâu tơmeăm pêi lo ing chiâk deăng ki drêh, kơbâng ôh tá xê to troăng prôk ki krá tơniăn, mê tá kuăn pơlê ƀă khu mơdró kâ a Lâm Đồng hiăng pêi pro krâu khât tung uâ mơdi, mơjiâng mâu kế tơmeăm thăm rế dâi krúa lĕm tâ.

VOV.Xơ Đăng - Ing mâu tơnêi tíu ki pêt pôm loăng ôh pá i dâi xếo, mê plâi krui kơxái dế hiăng chôa ‘lâng pơhlêh lôi vâ po troăng hơlâ mơnhông pêi cheăng kâ nếo ăm hên pơlê cheăm a Quảng Ngãi. Hdrê plâi ki kố hiăng veăng mơjiâng chiâng mâu ƀăng chiâk deăng pêt tơkŭm hên vâ uâ mơdi ƀă mơ’no tê ngi kong têa ê.

VOV.Xơ Đăng - Việt Nam veăng kĭ Tơhrâ Ramsar sap hơnăm 1989 ƀă nôkố lâp tơnêi têa ai 9 kơpong  Ramsar (cho kơpong tơnêi hmâ tro têa xăng po lân châ lâp plâi tơnêi mơnhên)... mâu kơpong ki mê cho ki xiâm ki kal tung tơdroăng kơdĭng kơnhŏng têa, kring vế têa kơxĭ ƀă kơjo kum cheăng kâ tung kuăn pơlê krá tơniăn.

VOV.Xơ Đăng - Klêi kơ’nâi tơmot chiâng môi, Gia Lai nôkố ai 283 long, rơchôa hdoăng têa ƀă tâi tâng hdoăng châ dâng 1,2 rơtal met khô̆i têa. Kố ôh tá xê to têa vâ châ rak ‘măn, mê ối ai hnoăng mơ’no têa tôh tơmeăm khoăng, kơdroh ki tơdjâk dêi kong prâi ƀă hên kơpong kuăn pơlê rêh ối. Laga, tung pơla kong prâi ôh tá tơniăn rế hía rế ó, hên long rơchôa hdoăng têa châ mơjiâng ing chât hơnăm hdrối hiăng tơ’nhê, pơkâ thâ pêi pro ‘na mơ’no liăn rơnêu krá lĕm vâ tơniăn long, rơchôa, hno têa drêng rơnó mêi khía mơhot kân troh.