VOV.Xơ Đăng - Mơnhông pêt sâm Ngọc Linh, hên mâu kong pơlê a kơpong kong ngo hiăng mơnhông pêt sâm Ngọc Linh po ăm troăng hơlâ vâ hluăn ing kơtiê, mơdêk pro kro mơdrŏng. Mâu vâi pú hơnăm ối nếo akố hiăng khên mơ’no liăn rôe hdrê pôm ki kố vâ mơnhông pêi cheăng kâ, rế vâ rak vế ngăn loăng pơlái kế kong.

VOV.Xơ Đăng - Cheăm Hồng Sơn, kong pơlê Lâm Đồng hdrối nah cho kơpong tơnêi ôh tá pêt klâi. Ing rôh ki ai hno têa, tíu kố châ pêt báu klâng, plâi tuâk ƀă achê kố ai tơ’nôm mâu ƀăng klâng pêt reăng sen. Reăng sen ối pro ăm tơdroăng ôm hyô, hlối pro pơxúa péa tơdroăng ƀă pêi lo liăn krá tơniăn ăm kuăn pơlê.

VOV.Xơ Đăng -  Sap ing kố troh mơ’nui hơnăm 2026 thế kêi đeăng mơjiâng kơmăi chêh ‘măn ‘noăng chư chêh tơnêi têa ‘na tơnêi tơníu tơkŭm, môi tuăn sap apoăng troh tá tui lui, tơdâng tơ’mô, hên pơkâ ƀă dâng 106 rơtuh pôh tơnêi tung lâp tơnêi têa, tơniăn xúa tiô hâi khế ai khât.

VOV.Xơ Đăng - Hâi lơ 25/3, a kong pơlê Dak Lak, Khu xiâm ngăn ‘na Chiâk deăng ƀă Hyôh kong prâi tơkŭm po “Rôh hôp hnê hriâm tơbleăng po troăng hơlâ pơkâ pro tíu ki tí tăng xiâm kối plâi sầu riêng a kơpong Tây Nguyên.

VOV.Xơ Đăng - Kơxê hâi lơ 24/3, a Pơlê kong kân Cần Thơ, Khu xiâm ngăn ‘na tê mơdró tơrŭm ƀă Vi ƀan kuăn pơlê dêi Pơlê kong kân Cần Thơ tơkŭm po Hôp tơpui mơdêk tê phái ăm kong têa ê hơnăm 2026.

VOV.Xơ Đăng - A tơdế tơƀăng kong kân tíu tơkăng kong peăng mâ hâi lu kong pơlê Quảng Ngãi, mâu hvêa chêng prôk lăm ngăn drô ƀăng kong rêm hâi. Ing kuăn pơlê a mâu tôh rak ngăn kong dêi kuăn pơlê troh mâu ngế cheăng rak ngăn kong dêi Kơdrum kong i lâng tơnêi têa Chư Mom Ray, tâi tâng  rơtế kơdo mơ-eăm rak kong vâ cheăng kâ ƀă rak hên nhâ loăng kuăn kiâ kong kơnía git dêi kong ngo.

VOV.Xơ Đăng - Vi ƀan kong pơlê Gia Lai nếo pơkâ ăm phêp pơhlêh tơdroăng xúa lối 3,16 ha kong a cheăm Ia Mơr vâ pêi pro Tơdroăng tơkêa bro Hno rơchôa long têa Ia Mơr.

VOV.Xơ Đăng - Pôa Đỗ Hữu Huy, Phŏ pơkuâ ngăn Đảng Dak Lak, phŏ kăn xiâm khu kăn dêi Khu hnê mơhno cheăng Pơhlêh nếo tơmiât pêi rơkê ƀă Pơhlêh kơxô̆ kong pơlê, nếo rơtế ƀă Khu tơrŭm ngăn Sầu riêng Dak Lak ƀă mâu khu hriăn ‘na khoa hok lăm ngăn ki ai khât túa pêt sầu riêng ai plâi ôh tá tro rơnó ki apoăng a kong pơlê.

VOV.Xơ Đăng - Rơnó pêt kơtếo ing hơnăm 2025-2026, a kong pơlê Gia Lai - cho rơnó kơtếo ki kân má môi Pêa tơdế Tơnêi têa - Tây Nguyên dế vâ klêi ko dêi kơtếo ƀă hiâm mơno phiu niu, ro rih dêi kuăn pơlê. Hơnăm kố, yă tê kơtếo tơniăn châ a kơlo 1 rơtuh liăn môi tâ̆n, tung pơla mê, kơxô̆ liăn ‘no rôe hdrê ƀă mâu tơmeăm vâ pêt kơtếo hiăng chía rơpâ, kơtếo chiâng dâi lĕm, ai têa ngeăm hên, tơdroăng tơrŭm pơla kuăn pơlê ki pêt kơtếo ƀă mâu hngêi kơmăi xuân châ tơniăn tâ hdrối mê hía nah.

VOV.Xơ Đăng - Klêi kơ’nâi kơdrâm phiu ro tơdah rơnó Hơngui, Têt hiăng prôk hluâ pơlê mai Hàm Hiệp, bêng Bình Thuận, kong pơlê Lâm Đồng. Ƀă mơngế pêt reăng mai akố, rêm rơnó reăng tơpo ôh tá xê to tơbleăng hơnăm nếo, mê ối cho tơdroăng ki hdró dêi tơdroăng tơrŭm klêi mê tơklâ, dêi tơdroăng pói tơngah ƀă tơkêa tơkôm rơnó Hơngui hơnăm kơ’nâi.