VOV4.Xơ Đăng - Kơxo hâi lơ 19/12, a pơlê kong kơdrâm Ƀuôn Ma Thuột, Khu xiâm ngăn Chiâk deăng ƀă Mơnhông thôn pơlê kong pơlê  Dak Lak tơrŭm ƀă Khu xiâm ngăn chiâk deăng ƀă mơnhông thôn pơlê kong pơlê Quảng Ngãi tơkŭm po Hôp tơpui tơno tê mơdró ƀă tơdjêp tê mơdró mâu tơmeăm pê lo châ mơnhên OCOP hơnăm 2023.

VOV4.Xơ Đăng - A pơlê kong kơdrâm Ƀuôn Ma Thuột, kong pơlê Dak Lak, Tíu  xiâm hriăn plĕng ‘na Pêt kong ki ai hyôh tô rơngiâp Việt Nam nếo tơkŭm po roh hôp “Vêh mơnhông pêt kong a Dak lak: Tơ’lêi hlâu ƀă pơloăng mơnúa”. Akố, mâu ngế hriăn plĕng khoa hok hiăng mơ’no troăng hơlâ vâ ‘mâi mơnhông pêt kong tung pơla pêt mơjiâng kơphế, pêt kơphế tơrŭm ƀă pêt loăng mơjiâng kong vâ kơdroh hyôh kong prâi tô téa rế hiá rế ó.

VOV4.Xơ Đăng - Vêh mơnhông ‘na tơnêi tíu, kong kế tung pơla pêi pêt kơphế, pêt kơphế tơrŭm tá tơdroăng ki pêt mơjiâng kong vâ mơdât ƀă hyôh kong prâi pro ôh tá tơniăn. Kố cho môi tung mâu troăng hơlâ ki châ mơ’no tơpui tối tung roh hôp “Vêh mơnhông tơnêi tíu kong kế a Dak Lak: Tơ’lêi ƀă trâm pá” xua Tíu xiâm ngăn ‘na Pêt kong tơkŭm po a hâi lơ 15/12, a pơlê kong kơdrâm Ƀuôn Ma Thuột.

VOV4.Xơ Đăng - Pêi pro tiô mâu troăng rơhlâ veăng mơnhông tơƀrê tơniăn ton, hmâ ƀă hyôh kong prâi, tung pơla achê kố, hên kuăn pơlê a Dak Lak hiăng tăng, xo păn trôi vâ hbrâ mơdât mâu ôa hdrong ki kâ ‘nhiê loăng plâi, ôa rơbông, ôa prâp ƀă hía hé ki kâ ‘nhiê loăng kơphế. Tơdroăng kố ôh tá xê to kum kơdroh kơxô̆ liăn ‘no pêi, mê ối rak tơniăn ivá ƀă hlối mơdêk ki tơƀrê dêi loăng kơphế.

VOV4.Xơ Đăng - A kong pơlê Dak Lak, klêi kơ’nâi tơdroăng ki hbru ăm mah kơxô̆ kơpong pêt, mah kơxô̆ tíu ki tâ tung kơthung, châ tơbleăng a lâp lu a kong pơlê Dak Lak, hiăng ai lối rơpâu tâ̆n krui kơxái, plâi rơkuâ chí, pôm ló ƀă dâng 300 rơpâu tâ̆n sầu riêng a kong pơlê châ tê tiô troăng tê ki xiâm, pro pơxúa kơxô̆ liăn pêi lo. Tơdroăng ki tơdrăng tê tơmeăm ngi kong têa ê, ki dâi lĕm dêi kế tơmeăm pêi lo ing chiâk deăng a mâu kơpong pêt ƀă tí ki tâ tung kơthung châ hbru ăm mah kơxô̆ a Dak Lak hiăng mơnhên châ ki kơnía pơxúa ƀă tơniăn.

VOV4.Xơ Đăng - Kơxo hâi lơ 13/12, Vi ƀan tơring Tu Mrông, kong pơlê Kon Tum pơxiâm tơbleăng pêt 12 rơpâu loăng pơkeăng kong Ngọc Linh ki  nếo 1 hơnăm pa kơdâm kong kân. Kơxô̆ hdrê pơkeăng kong kố xua Ngế pro xiâm hnê ngăn Chin phuh Phạm Minh Chính ăm rơpŏng kơtiê dêi tơring tung rôh lăm pêi cheăng a tơring kố khế 8/2023.

VOV4.Xơ Đăng - A pơlê kong kơdrâm Ƀuôn Ma Thuột, Ƀơrô xing xoăng tơdroăng cheăng mơjiâng thôn pơlê nếo kong pơlê Dak Lak tơkŭm po lâm hriâm, hnê Tơdroăng rêm cheăm môi tơmeăm OCOP hơnăm 2023 ăm 150 ngế ki hriâm cho teăng mâ khu mơdró, Khu pêi cheăng, troăng rơhlâ ƀă rơpŏng pêi chiâk tung kong pơlê.

VOV4.Xơ Đăng - Khu nâp hnoăng liăn mơhá kong pơlê Dak Lak tơkŭm po rôh hôp tơpui tơno khu mơdró kâ ‘na troăng hơlâ, hlá mơ-éa chêh pro nâp hnoăng liăn mơhá rôh má II hơnăm 2023 vâ tối ƀă troăng tiâ mơnhên tŏng kum mâu tơdroăng ki xơpá ăm khu mơdró kâ.

VOV4.Xơ Đăng - Tung pơla hdrối nah, tơring Lạc Dương, kong pơlê Lâm Đồng hiăng tơmâng khât tơdroăng mơnhông pêt mâu hdrê loăng ki ai pơxúa tê lo liăn, tơ’lêi pêt a tơring kong pơlê, xúa kih thuât tung pêt rak ngăn vâ châ tơƀrê ăm kuăn pơlê tung cheăng kâ. Tung mê vâ tối cho túa tơrŭm cheăng tung pêt mâu hdrê nhâ loăng pơkeăng. Hdrối nah, loăng atiso ing tíu châ kuăn pơlê tung tơring pêt iâ tê, troh nôkố, tơnêi pêt atiso hiăng tâk 50 ha. Tơkŭm hên pêt a mâu cheăm Dà Nhim, Dà Sar, Dà Chais, Lát. Nôkố, lâp tung tơring hiăng ai vâ chê 100 rơpŏng veăng pêt ƀă tê atiso, pro pơxúa pê lo liăn hên ăm kuăn pơlê a pơlê cheăm.

VOV4.Xơ Đăng -  Cheăm Khuê Ngọc Điền, tơring Krông Bông, kong pơlê Dak Lak cho kơpong thông. Pêi lo liăn dêi kuăn pơlê ki hên sap ing pêt báu ƀă mâu prá alâi, ôh tá dâi lĕm, tơdroăng rêh ối kuăn pơlê ôh tá tơniăn. Laga ƀă ivá khŏm mơ-eăm hơ’lêh mâu hdrê pêt mơnăn păn, xúa ki rơkê plĕng dêi khoa hok kih thuât tung pêt kế tơmeăm, to lâi hơnăm vêh ngi kố, tơdroăng rêh ối vâi krâ nhŏng o hiăng hơ’lêh. Môi tung mâu hdrê pêt ki châ vâi krâ nhŏng o rah xo vâ teăng ăm báu cho alâi ngeăm, ki hên cho hdrê roê xo ing kong têa Mih.