VOV4.Xơ Đăng - Hdrối nah, hơkêh cho ká ki kơhiâm dêi kong kế, ai hên a têa kroăng Srêpok tơdjêp pơla 2 to kong pơlê Dak Lak ƀă Dak Nông. La hên hơnăm kố kuăn pơlê a pơlê kong kơdrâm Ƀuôn Ma Thuột, kong pơlê Dak Lak ƀă tơring Čư̆ Jut, kong pơlê Dak Nông hiăng păn chiâng dâi lĕm hơkêh tung klôh têa pro pơxúa tơƀrê ‘na cheăng kâ, pêi lo liăn ngân.

.VOV4.Xơ Đăng - Rơnó kơphế hneăng hơnăm 2024-2025, yă kơphế pơtối tâk, ing mê, pro kuăn pơlê ki pêi kơphế khoh rơhêng vâ pơtối châ mung liăn, malối ƀă mâu khu mơdró ki tê rôe kơphế, mơ’no tê kơphế. Vâ tơniăn ăm tơdroăng ki ăm mung tiô túa nếo, Hngêi rak liăn tơnêi têa ki cheăng a kong pơlê Dak Lak hiăng pơkâ thế mâu hngêi rak liăn khŏm mơ-eăm pêi pro hnoăng cheăng ăm kuăn pơlê, ăm khu mơdró kâ châ mung liăn.

VOV4.Xơ Đăng - Vâ tơniăn ƀă pêi klêi tơdroăng tăng ngăn kong a mâu kong pơlê kơpong Tây Nguyên tung hơnăm 2025, kơxê hâi lơ 28/11, Khu xiâm ngăn chiâk deăng ƀă mơnhông thôn pơlê hiăng tơkŭm po Hôp tơbleăng tăng ngăn kong a mâu kong pơlê kơpong Tây Nguyên vâ môi tuăn, tăng troăng rơhlâ tơkŭm pêi pro.

VOV4.Xơ Đăng - Hâi lơ 28/11, Khu ngăn ‘na Chiâk deăng ƀă Mơnhông thôn pơlê kong pơlê Dak Lak tơkŭm po rôh hôp “Mơgêi ƀă mơnhên tối Pơkâ 24/2017  dêi Hô̆i đong hnê ngăn kong pơlê ‘na Mơnhông pêt kơphế krá ton troh hơnăm 2020, troăng tơmiât troh hơnăm 2030”; Mơgêi rơnó krí kơphế 2023 -2024.

VOV4.Xơ Đăng - Tah lôi túa pêi cheăng tiah hmâ ing ton nah “Pôm tơnêi tơviah, hdrê tơnêi hmâ’’, kơpong pêt kân rơdâ 80 ha a kĭng pơlê kong kơdrâm Ƀuôn Ma Thuột, kong pơlê Dak Lak dêi Kŏng ti veăng tơlo liăn Sweet Potatoes cho kơ pong tơnêi ki hiăng ôh tá hơpok lĕm xua ngế ki ai tơnêi mê hiăng ăm mâu khu, mâu ngế mung pêt pôm ló a tơnêi ki mê, hên ngế tô tuăn xâu pôm ló ôh tá kâi xông kân, hên hdrong kâ. La Sweet Potatoes hiăng pêi cheăng tơƀrê. Sap nah troh nôkố, mơngế pêt pôm ló a Tây Nguyên pêi châ 30 tâ̆n/ha hiăng hôm. Tâng kơdrum pôm ló dế lâk xo dêi Kŏng ti pêi châ kơpêng 50 tâ̆n/ha. Ƀai chêh kơ’nâi kố ai tối túa pêt pôm ló ki krê xêh ƀă tơƀrê hên dêi khu mơdró.

VOV4.Xơ Đăng - Ing hơnăm 2019 nah troh nôkố, hên rơpŏng kuăn pơlê a mâu tơring Lak, Krông Bông, kong pơlê Dak Lak hiăng mơnúa pêt păn ƀă hiăng chiâng ƀă cheăng pêt loăng yâu păn hdrong xo prế. Malối cho a mâu kơpong hngế hngo, kơpong pêt loăng yâu păn hdrong xo prế hiăng pro pơxúa tơƀrê liăn ngân. Ngế chêh hlá tơbeăng ai chêh tối ki ai khât a cheăm Hòa Lễ, tơring Krông Bông, kong pơlê Dak Lak.

VOV4.Xơ Đăng - Hlo tơdroăng pơreăng châi klêa chu Châu Phi pơtối tâ tú rơ-iô a hên  cheăm, tơring tung kong pơlê, mê kong pơlê Dak Lak dế thâ pêi hên mâu troăng rơhlâ mơdât vâ rak tơniăn tung kong pơlê ƀă tơniăn xiâm tê hơ’nêh chu tung rôh Tết Ất Tỵ hơnăm 2025.

VOV4.Xơ Đăng - Kong pơlê Kon Tum dế pơtối mơdêk tơdroăng pêt mơjiâng loăng pơkeăng a kơpong hdroâng kuăn ngo kum kuăn pơlê mơdêk pêi lo liăn kơdroh kơtiê krá tơniăn.

VOV4.Xơ Đăng - A tơring Čư̆ Prông, kong pơlê Gia Lai, kuăn pơlê pêt pía kái dế trâm ƀă tơdroăng ki pía kái ôh tá ai plâi, ôh tá lĕm sap nah tá hâi chói trâm.

VOV4.Xơ Đăng - Kong pơlê Kon Tum nôkố ai 17.000 ha loăng plâi pêt xúa kơmăi ki dâi lĕm tung pêt rak ngăn. Tơdrêng ƀă mơdêk ki tơƀrê tung cheăng kâ, mâu tơdroăng  cheăng pêi mê ối cho xiama ki vâ mơnhông lâp kong pơlê, po troăng ki xiâm mơnhông ôm hyô ngăn chiâk deăng, troăng hơlâ pêi chiâk tiô túa nếo ƀă krá tơniăn.