VOV.Xơ Đăng - Rôh livestream tơbleăng tê plâi sầu riêng inâi Amĭ Kâo - “Sầu riêng dêi nôu” a cheăm Ea Knuêč, kong pơlê Dak Lak ƀă veăng ai jâ Ngô Thị Minh Trinh - Kăn hnê ngăn Đảng ủy cheăm tơbleăng tơdrêng  ƀă kuăn pơlê ki pêi chiâk, kơxo hâi lơ 24/8, hiăng po klêi tơniăn, tơbleăng lâp lu ki pơ’lêh nếo ing cheăm.

VOV.Xơ Đăng - Khu xiâm ngăn ‘na Pêt hdrê loăng ƀă Rak vế pơkeăng xôh kơdê oâ hdrong (Khu xiâm ngăn chiâk deăng ƀă Kong prâi) nếo tơrŭm ƀă Khu ngăn Pêi chiâk ƀă Kong prâi kong pơlê Dak Lak rơtế ƀă tíu pêi cheăng ai tơdjâk troh tơkŭm po Rôh hôp khoa hok “Troăng hơlâ pêt tơmeăm tung chiâk deăng ngiât, krúa, tâ tá, kơdroh mơ’no trếo ‘mêi, pêt krá tơniăn a mâu hdrê loăng pêt ki xiâm a Dak Lak”. Tơdroăng kố hiăng tơ’mot hên hĭn kăn pơkuâ kơvâ cheăng, khu ki hriăn ‘na khoa hok, khu mơdró kâ, khu pêi cheăng tơrŭm ƀă kuăn pơlê pêi chiâk veăng hôp.

VOV.Xơ Đăng - Vi ƀan kong pơlê Dak Lak nếo tơbleăng pơkâ ‘na pêt mơjiâng tơmeăm, tê ngi kong têa ê plâi sầu riêng rơnó hơnăm 2025, pơkâ pêi pro tơdâng tơ’mô troăng tơniăn krí plâi, uâ bro, tê tơxâng pơkâ tê ngi kong têa ê.

VOV.Xơ Đăng -  Tiô pôa Nguyễn Hà Lộc, Phŏ Kăn pơkuâ ‘na Pêi chiâk deăng ƀă Kong prâi kong pơlê Lâm Đồng, rơtế ƀă mâu loăng plâi ki ê, mắc ca eăng môi tiah môi kơvâ ki mơnhông tơtêk dêi kong pơlê.

VOV.Xơ Đăng - Hlo tơdroăng ki ai pơreăng châi klêa chu châu Phi tâ tú tung lâp lu, kong pơlê Gia Lai dế mơeăm hbrâ mơdât, sap ing păn, xâ chêh troh pơto chơ, tê mơdró vâ mơdât pơreăng châi klêa chu châu Phi tâ tú.

VOV.Xơ Đăng - Khu xiâm hnê mơhnhôk pêi chiâk Tơnêi têa (Khu xiâm ngăn ‘na Chiâk deăng ƀă Hyôh kong prâi) nếo tơkŭm po hneăng hôp mơhnhôk pêi chiâk @ ƀă pơxá “Troăng hơlâ mơnhông krá tơniăn kơpong pêt loăng kong ki kân rơtế ƀă hlá mơ-éa mơnhên rak ngăn kong tơniăn ton”. Hneăng hôp cho vâ vêh tối tơdroăng pá, tối tơdroăng pêi cheăng ƀă pơkâ troăng hơlâ po rơdâ tơnêi pêt kong xo loăng kân châ mơnhên ƀă hlá mơ-éa, ai tiô pơkâ ‘na kơchơ mơdró vâ rôe tung tơnêi têa ƀă kong têa ê.

VOV.Xơ Đăng - Hâi lơ 4/8 hdrối kố nah, Khu xiâm ngăn ‘na Chiâk deăng ƀă Hyôh kong prâi hiăng mơjiâng Tơdroăng pơkâ kơxô̆ 3015/QĐ-BNNMT, pơkâ túa ki ‘măn rak tơniăn kế kâ ƀă plâi sầu riêng hiăng tum ki mơ’no tê kong têa ê. Ƀă kong pơlê Dak Lak, cho kơpong ki pêt hên má môi tung lâp plâi tơnêi, tơdroăng pơkâ kố thăm rế ai pơxúa kân khât, xua châ pơkâ tro tiô rơnó ki vâ krí plâi.

VOV.Xơ Đăng - Kơxo lơ 11/8, a Đà Lạt, Tíu xiâm Hnê mơhnhôk pêi chiâk Tơnêi têa tơrŭm ƀă Khu ngăn chiâk deăng ƀă Kong prâi kong pơlê Lâm Đồng po rôh hôp “Pêt mắc ca châ tiô pơkâ VietGAP tro ƀă tơrŭm tê mơdró plâi”.

VOV.Xơ Đăng -  Xap mơ’nui khế 6 troh nôkố, kong pơlê Gia Lai  tối ai 14 tíu tâ tú pơreăng châi klêa chu châu Phi a 14 to cheăm, thế prâu tâh 721 to chu ƀă tâi tâng ki hngăm lối 46 tâ̆n.

VOV.Xơ Đăng - Rơhêng vâ châ rak ki tơniăn lĕm dêi plâi sầu riêng ton xŏn, kal pro môi troăng kơnía khât - tíu ki mâu troăng tơkŭm dêi pó pơrá tơrŭm bă xúa tơtro.