VOV.Xơ Đăng - Tơring Dam Rông, kong pơlê Lâm Đồng hdrối nah cho tơring kơtiê má môi tơnêi têa, kơxô̆ rơpŏng kơtiê ai vâ chê 80%. Mâu hơnăm achê pơla koió, kơnôm pơhlêh túa mơdâ pêt, rak ngăn, khên mơnúa xúa khoa hok kih thuât tung pêi chiâk deăng, tung pêi kâ mê tơdroăng rêh kâ ối dêi kuăn pơlê hiăng châ pơhlêh hên. Tung mê, cheăng pêt hdrê loăng yâu păn hdrong hiăng mơhno tối tơdroăng ki tơtro khât, ôh ta xê gum hên rơpŏng châ hluăn ing kơtiê mê mâu rơpŏng hdroâng kuăn ngo ối kơdo mơ-eăm pêi cheăng kâ, pêi lo hên kế tơmeăm.

VOV.Xơ Đăng - A pơlê kong kơdrâm Đà Lạt, kong pơlê Lâm Đồng, Khu ngăn ‘na Pêi pêt ƀă Rak vế hdrê loăng pêt, cheăng tung Khu xiâm ngăn ‘na Chiâk deăng ƀă Hyôh kong prâi tơrŭm cheăng rơtế po Hneăng tơpui tơno ‘na Kơphế tung lâp plâi tơnêi, mê cho hneăng hôp “Séa mơnhên ngăn tơdroăng ki tơdjâk dêi tơdroăng pêt tơvât hdrê loăng ki ê tung kơdrum kơphế, ai oâ hdrong lo kâ ‘nhiê ƀă thăm mơdêk xúa pơkeăng rak vế hdrê loăng ki tơtro”. Roh hôp mê ai tá tơdroăng veăng ai mâ dêi mâu ngế ki hriăn cheăng ‘na khoa hok, mâu khu pơkuâ ngăn, khu mơdró kâ tung tơnêi têa, khu kăn hnê ngăn mâu kơvâ ki ai tơdjâk troh ƀă teăng mâ mâu rơpŏng kuăn pơlê pêi chiâk a mâu kong pơlê kơpong Tây Nguyên.

VOV.Xơ Đăng - Kố cho rơkong tơpui châ mâu kăn mơ’no tối a rôh hôp 'no tơdrêng ing troăng hyôh internet tơkŭm po a hâi lơ 10/6 a Hà Nội, ƀă tơdroăng veăng ai mâ dêi mâu kăn teăng mâ mâu khu xiâm, Khu tơrŭm Kơchâi plâi Việt Nam, mâu khu ki rơkê plĕng ‘na pêi chiâk deăng, khu mơdró kâ tê tơmeăm ngi kong têa ê ƀă mâu khu ki pêi kơdrum pêt sầu riêng a mâu tíu mơ’no a Cần Thơ, Dak Lak ƀă Tiền Giang.

VOV.Xơ Đăng -  Kơxê lơ 3/6 a Đà Lạt, Kơ koan xiâm Pêt tơmeăm – Pơkeăng rak vế hdrê kơchâi plâi pôm tơrŭm Po hôp tơpui tơno Kơphế Lâp plâi tơnêi tơkŭm po hôp tơpui tơno ‘na pêt tơvât tung kơdrum kơphế.

VOV.Xơ Đăng - Kơxô̆ liăn ăm mung ing hngêi rak liăn dế châ gum hên a mâu thôn pơlê dêi Gia Lai, veăng gum thăm mơdêk tơdroăng 'mâi mơnhông kơvâ chiâk deăng. Mâu roh ăm mung liăn troh tơrêm pơlê cheăm hơngế hơngo, rơtế ƀă tơdroăng pro hlá mơ-eá ăm mung xuân tơ'lêi hlâu hiăng pro thăm rế hlâu tâ ăm kuăn pơlê, ki malối ƀă hdroâng mơngế kuăn ngo.

VOV.Xơ Đăng - A pơlê kong kơdrâm Buôn Ma Thuột, Khu xiâm ngăn ‘na Chiâk deăng ƀă Hyôh kong prâi tơrŭm cheăng ƀă Vi ƀan hnê ngăn kong pơlê Dak Lak tơkŭm po “Roh hôp mơnhông ‘na kơvâ pêt plâi sầu riêng krá tơniăn”, tung pơla tơdroăng mơ’no tê plâi sầu riêng trâm hên xahpá, xua ôh tá hâi teăm tơxâng ƀă tơdroăng ki châ tro tiô tơdroăng pơkâ thế ing peăng mâu kong têa ki vâ rôe.

VOV.Xơ Đăng - Tơmeăm long rơchôa hno têa Đăk Pokei châ mơjiâng tung cheăm Đăk Ruồng, tơring Kon Rẫy, kong pơlê Kon Tum hiăng kêi đeăng ƀă dế kêi đeăng mơ-éa vâ pơcháu.

VOV.Xơ Đăng - Khu xiâm ngăn chiâk deăng ƀă Kong prâi nếo tơrŭm ƀă Vi ƀan hnê ngăn kong pơlê Dak Lak tơkŭm po Rôh hôp ‘Mơnhông kơvâ sầu riêng krá ton”, tơ’mot tơdroăng ki veăng ai mâ dêi kăn pơkuâ mâu khu xiâm, kơvâ cheăng, khu mơdró kâ, khu pêi cheăng tơrŭm ƀă kuăn pơlê pêi chiâk.

VOV.Xơ Đăng - A pơlê kong kơdrâm Buôn Ma Thuột, Khu xiâm ngăn ‘na Chiâk deăng ƀă Mơnhông thôn pơlê tơrŭm ƀă Vi ƀan kuăn pơlê kong pơlê Dak Lak  tơkŭm po Hôp mơnhông kơvâ cheăng pêt plâi sầu riêng krá tơniăn, tung pơla plâi sầu riêng tê ăm kong têa ê dế trâm pá  xua ôh tá pêi pro tro tiô pơkâ dêi mâu kong têa ki vâ rôe.

VOV.Xơ Đăng - Tung pơla kơvâ ngăn ‘na chiâk deăng Dak Lak tối krê ƀă lâp tơnêi êa tối tơdjuôm dế trâm hên tơdroăng pơloăng mơnúa ‘na ki dâi lĕm khât, kring vế krúa lĕm kế kâ ƀă pơkâ thế kơtăng khât ing tơdroăng ki mơ’no tê kế tơmeăm. Khu tơrŭm ngăn ‘na pêt plâi Sầu riêng Dak Lak ƀă Viê̆n Khoa hok kih thuât ‘na chiâk deăng, pêt loăng Tây Nguyên vâ kĭ tơkêa hlá mơ-éa chêh tối tơdroăng chôu vế tơrŭm cheăng pơla hơnăm 2025-2030.