Sap ing apoăng hơnăm troh nôkố, pơreăng châi klêa chu châu Phi pơtối tâ tú, pro ôh tá tơniăn a hên cheăm bêng. Troh mơ’nui khế 4, pơreăng hiăng tâ tú troh a 26 to cheăm, bêng, hiăng prâu tah tâp kơđu lối 2.100 to chu. Pakĭng mê, kơvâ păn chu Dak Lak ối trâm mâu túa virus hơbáu rơkong mông, tơlŏng a kơchup chêng kơpôu ro serotype SAT1.

Tung lâp tơnêi têa tối tơdjuôm, kong pơlê Dak Lak tối krê kal thăm mơnhông tơbleăng mâu troăng hơlâ séa ngăn pơreăng, hbrâ mơdât kơtăng tơdroăng ki pơto chơ mâu kơpôu ro chu í peâp tơkâ luâ tíu tơkăng kong; hlối tơkŭm xo túa vâ séa ngăn, rĕng ‘nâi mâu tơmeăm păn ki tro.

Tiô Khu ngăn Chiâk deăng ƀă Hyôh kong prâi kong pơlê Dak Lak, kơvâ cheăng dế hbrâ séa ngăn ki tâ tú dêi pơreăng, hnê kuăn pơlê tơbleăng mâu troăng hơlâ teăm hbrâ mơdât pơreăng.