Tiô mâu ngế rơkê, mâu khu rak ngăn tối, mơhé ai hên tơmeăm khoăng, Dak Lak xuân dế trâm hên xơpá pơloăng mơnúa mê chôa rế tâi tơmeăm khoăng ‘na kong, pêi chiâk deăng ôh tá krá kak, ki pá ing hyôh kong prâi hơ’lêh ƀă pơkâ kal vâ rế ó dêi kơchơ mơdró thế pêi tro tiô pơkâ kơchơ mơdró pêi lĕm krúa, kơdroh mơ’no trếo ‘mêi.

Vâ mơnhông cheăng kâ tơ’lêi lĕm châ tơbrê, Dak Lak châ hnê tối hdrối thế pơ’lêh rơdêi ing tuăn tơmiât pêi cheăng tăng tơmeăm khoăng mơnhông tơtro pơla cheăng kâ ƀă pơtối rak tơmeăm khoăng ki lĕm, tơkŭm a mơnhông pêi chiâk deăng pơtối xúa tơmeăm, cheăng kâ pơ’lêh klêng têa, kơlo xúa iâ hyôh carbon, tơrŭm mơnhông ôm hyô tung kuăn pơlê rơtế ƀă pơtối rak túa lĕm tro tơmeăm khoăng a têa kơxĭ, kong kế.

Jâ Đặng Thị Thủy, Phŏ pơkuâ ngăn Chiâk deăng ƀă Hyôh kong prâi kong pơlê Dak Lak ăm ‘nâi mơnhông cheăng kâ tơ’lêi ôh ti xê to troăng ki pơkâ thế pêi tơdrêng vâ Dak Lak la ngiâ pêi tro tiô pơkâ mơnhông krá tơniăn ton.