A roh tơdah, Ngế pro xiâm hnê ngăn tơnêi têa pói vâ péa pâ pơtối tơrŭm krá pêi pro châ tơƀrê hlê plĕng tơdjuôm châ tơƀrê pơla péa Kăn xiâm pơkuâ hnê ngăn Đảng, Kăn xiâm hnê ngăn tơnêi têa, ki má lối rak tiô khôi vâi krâ nah lĕm tro pơla trâm mâ khu râ kăn xiâm, mơdêk tơrŭm cheăng păng ‘nâng tung mâu kơvâ cheăng, mơ-eăm pêi pro ƀlêi trâng mâu pơkâ mơnhông mơdêk dêi rêm kong têa.

Ngế pro xiâm hnê ngăn tơnêi têa pơkâ thế Sinuâ môi tuăn, pro tơ’lêi hlâu vâ Việt Nam veăng châ tơƀrê tâ tơdroăng ‘’Tối ăm dêi pó kơchơ mơdró ki kân – Tê rôe ngi kong têa Sinuâ”, lôu péa tâ mê nếo ƀă mâu tơmeăm pêi lo ing chiâk deăng ká xi xŏng ƀă păn mơnăn mơnôa dêi Việt Nam; mơdêk ó rơdêi tơrŭm cheăng khoa hok kŏng ngê̆, hnê hriâm hnê mơjiâng; mơjiâng pơkâ pêi inhên vâ pêi pro Hơnăm tơrŭm ôm hyô Việt Nam – Sinuâ 2026 – 2027; thăm tơrŭm khăm pơlât.