Kơxo hâi lơ 13/5, hneăng hôp mâu kăn tung lâp tơnêi têa Việt Nam (Măt trận tơnêi têa) Việt Nam rôh má 11, hneăng hơnăm 2026-2031 hôp mơgêi. Hneăng hôp pơxá: “Tơrŭm- Môi tuăn dêi rơpó - Pơ’lêh - Hriăn plĕng ki nếo - Mơnhông tơbrê” hiăng tơpui tơno, tối  tâi tâng mâu tơdroăng dêi khu râ kuăn pơlê ƀă khu tơrŭm môi tuăn  tâi tâng hdroâng mơngế; mơ’nui tơdroăng pêi pro tiô pơkâ, Tơdroăng pơtroh ăm pêi pro dêi Măt trâ̆n Tơnêi têa Việt Nam hneăng 10, pơla hơnăm 2024-2026, môi tuăn troăng hơlâ,  tơdroăng pơkâ pêi pro dêi Măt trận Tơnêi têa Việt Nam hneăng hơnăm 2026-2031; ‘mâi hơ’lêh, tơ’nôm tơdroăng luât Măt trận Tơnêi têa Việt Nam; hôp tơpui tăng troăng môi tuăn rah xo Vi ƀan Tíu xiâm Măt trận Tơnêi têa Việt Nam, Khu kăn xiâm hnê ngăn.

Khu kăn pêi cheăng, mâu kăn xiâm ki ê dêi Vi ƀan Tíu xiâm Măt trâ̆n Tơnêi têa Việt Nam hneăng hơnăm 2026-2031. Hneăng hôp hiăng rah xo 397 ngế veăng cheăng tung Vi ƀan xiâm Măt tơnêi têa Việt Nam  hneăng 11, hneăng 2026-2031. (Ối kal ai 8 ngế, kô châ ‘mâi mơnhông tơ’nôm hneăng tơ’noăng rah mơngế pêi cheăng am tơtro). Tung mê, pơtối tro rah xo nếo ai 309 ngế (kơxỗ 77,8%) tơbleăng nếo ai 88 ngế (kơxô̆ hên iâ 22,2%).

Klêi hôp rah xo Vi ƀan xiâm Măt trâ̆n tơnêi têa Việt Nam  hneăng 11, hneăng 2026-2031, Vi ƀan xiâm Măt trâ̆n tơnêi têa Việt Nam hneăng 11 tơkŭm po Hôp roh má Môi. Tiô tơdroăng, a rôh hôp mơgêi, mâu kăn hnê ngăn Hneăng hôp tơbleăng tối mơgêi hneăng Hôp Vi ƀan Tíu xiâm Măt trâ̆n tơnêi têa Việt Nam rôh má môi hneăng 11 ƀă tơbleăng Khu kăn Hnê ngăn Vi ƀan Tíu xiâm Măt trâ̆n tơnêi têa Việt Nam hneăng 11.