VOV.Xơ Đăng - Rêm rôh troh rơnó mêi hngê, hên rơpŏng kuăn pơlê ối a kơpong kroăng Ayun, cheăm Ia Hiao, kong pơlê Gia Lai ối ôh tá tơniăn tung tuăn tơmiât xâu têa lu troh, pro ôh tá tơniăn ăm kuăn pơlê ƀă tơmeăm khoăng. Vâ gum kuăn pơlê ai tơdroăng rêh ối tơniăn tâ, Gia Lai hiăng tơbleăng Tơdroăng tơkêa bro lế lĕm pơlê nếo, pơlê tơkŭm ăm kơpong ki hmâ tro kong prâi pro ôh tá tơniăn a cheăm Ia Hiao. Tung pơla hdrối kố nah, xua hiăng châ môi tuăn ing rêm ngế kuăn pơlê, môi kơpong pơlê nếo dế chôa mơjiâng, gum kuăn pơlê hmiân tuăn pêi cheăng kâ, rêh ối.

VOV.Xơ Đăng – Sap ing mâu thôn pơlê hiăng krâ inâi tung hên rơxông, hên kuăn pơlê ki rêh ối a Dak Lak nếo mot tung tơdroăng ki klâ xoăng ‘mot tơkŭm thôn pơlê nếo. Mê ôh tá xê to tơdroăng ki tơkŭm mâu thôn pơlê, tôh kơphô̆ tiô pơkâ ki pro lê lĕm kơ koan cheăng tơnêi têa, mê ối cho ƀai toăn ki hơniâp lĕm pơla mơdêk ki tơƀrê tung pơkuâ ngăn ƀă rak vế túa lĕm tro, khôi túa tơlá ƀă tơdroăng ki tơrŭm kuăn pơlê. A bêng Ea Kao, túa pơkâ ‘mot tơkŭm hiăng châ tơdroăng ki môi tuăn sap ing pơlê, cheăm.

VOV.Xơ Đăng - Kong pơlê Dak Lak dế pơ‘lêh ‘no liăn cheăng po rơdâ tơnêi pêi chiâk chiâng mơdêk ki pơxúa tung tơrêm ƀăng tơnêi. Tơdrêng ƀă tơdroăng mơjiâng mâu kơpong pêi cheăng xua kơmăi ki dâi lĕm, mơnhông chiâk deăng hơ’lêh túa pêi ƀă hbrâ liăn vâ tơ’mot khu mơdró kân, kong pơlê chôa lâng mơjiâng xiâm pêi chiâk tiô túa nếo, krá ton.

VOV.Xơ Đăng - Drô hbêa ngo cheăm Tu Mrông, kong pơlê Quảng Ngãi (tơring Tu Mrông, kong pơlê  Kon Tum ton), lối 1 rơtuh xiâm loăng kơphế nếo pêt, xiâm ai kơpong pêi loăng plâi tơkŭm hên, gum kuăn pơlê mơngế Rơteăng ai cheăng pêi krá ton.

VOV.Xơ Đăng - Sap ing môi pơlê kĭng têa kơxĭ tro lŭp xúa tơdroăng xía vâ kong prâi pro ôh tá tơniăn, pro tơ’nhiê tâi tâng tơmeăm khoăng, nôkố Xóm Rớ, kong pơlê Dak Lak chiâng tíu ki hên kuăn pơlê ƀă tơmối troh lăm ngăn vâ ‘nâi mâu tơdroăng a tíu kố. Malối tíu kố thăm rế ai hên ngế troh drêng rơchoâ kĭng têa kơxĭ dêi Xóm Rớ nếo klêi pro ƀă mĕn bro hên ƀê tong tâng têa rơlâu lân châ hlo hên mơngiơk lĕm, pro chiâng trối môi kơtâ um nếo klêi kơchuâ, pêng tơdroăng rơhêng vâ troh ngăn hlo.

VOV.Xơ Đăng - Pêi pro tiô troăng hơlâ pro rế lĕm rah xo iâ tê mơngế pêi cheăng tung mâu khu kăn pơkuâ ngăn cheăm, bêng tung kong pơlê, mê Lâm Đồng dế thâ tơbleăng troăng hơlâ rah pro rế lĕm, tơ’mot mâu thôn, tôh kuăn pơlê kơphô̆ tiô troăng kơdroh kơpêng 50% kơxô̆ tíu xiâm pêi cheăng rak ngăn cheăm bêng. Pêi pro tiô tơdroăng tơbleăng a ngiâ, pêi pro tro tuăn kuăn pơlê, vâ châ môi tuăn tung kuăn pơlê, vâ mơdêk hnoăng pêi cheăng ai pơxúa kân khât.

VOV.Xơ Đăng – Mâu pôa krâ diâp ăm hdrêng môi xiâm loăng sâm Ngọc Linh teăng ăm liăn rơkâu hơnăm. Ƀă loăng sâm mê, môi chât hơnăm kơ’nâi ah, gá hiăng kơnâ chiâng môi liăn ngân ki kơnâ. Ai ngế ki ‘nâ prôk châng plâ hâi vâ mung péa chât rơtuh liăn, nôkố hiăng ai kơdrum sâm to lâi hrĭng rơtal. A tíu ki kơtiê má môi tơnêi têa, mơngế Rơteăng dế kơtoâ tung kong môi tơdroăng ki pơkí pro vâi chiâng kro mơdrŏng; ƀă tơdroăng pơkí mê, tơviah khât, vâi ôh tá rak krê to ăm dêi tơná.

VOV.Xơ Đăng - Rơnó mêi a Tây Nguyên hiăng troh, dế pro hên ki pá troh tơdroăng Tơkêa bro Hngêi tung hnê ai tíu kâ koi ối pơtê râ má môi ƀă râ má 2 a tíu tơkăng kong dêi kong pơlê Gia Lai. Vâ mơdêk rĕng mơjiâng hngêi trung, 500 ngế kăn ƀô̆ mâu lêng hiăng lo lăm kum mâu tíu pêi cheăng, tah ki xơpá ‘na mơngế, mơ-eăm djâ tơdroăng pêi pro a tơdroăng xúa hdrối hơnăm hriâm 2026-2027 hâi pơxiâm leh mot hriâm. Nguyễn Thảo, ngế chêh hlá tơbeăng ai ƀai chêh tối tơdroăng ai khât a cheăm tơkăng kong Ia Puch, kong pơlê Gia Lai.

VOV.Xơ Đăng - Cho mơngế châ kuăn pơlê pâ nhoăm a cheăm Hàm Thuận Bắc, kong pơlê Lâm Đồng, pôa Thông Long - krâ pơlê ôh ti xê to ngế ki tơdjêp pơla Khu pơkuâ hnê ngăn Đảng, mâu kăn ƀă kuăn pơlê Chăm, mê ối châ vâi ô eăng cho ngế thái rơkê hlŭm khiê̆n Saranai. Pôa hiăng chiâng ngế ki xiâm, veăng mơjiâng thôn pơlê nếo ƀă pơtối rak vế, khôi túa vêa vong lĕm tro ton nah dêi mơnế Chăm.

VOV.Xơ Đăng – Kơ’nâi môi hơnăm mơhnhôk túa pêi cheăng mâu kăn kong pơlê 2 râ, bêng Ea Kao, kong pơlê Dak Lak hiăng hlo hên ki pơ‘lêh ing ‘mâi hơ’lêh túa pro hlá mơ-éa, pơla rak tơniăn troh mơhnhôk kuăn pơlê veăng pro tơmeăm khoăng. Tơdroăng kuăn mơngế hlo nhên má môi cho mâu kăn achê kuăn pơlê tâ, hnê pêi tơdroăng cheăng rĕng tâ há, ƀă ‘nâi hbrâ rơnáu tung tơdroăng hnê pêi mâu tơdroăng sap ing pơlê cheăm.