VOV4.Xơ Đăng - Kơpong tíu tơkăng kong cheăm Ia Nan, tơring Đức Cơ, kong pơlê Gia Lai cho tơnêi tíu ki xơpá, tâi tâng cho kuăn ngo rêh ối. Xua tơdroăng cheăng kâ rêh ối kơtiê, kuăn pơlê ôh tá hlê plĕng, tơdroăng ăm kuăn ‘nĕng lăm hriâm a hngêi trung ối trâm hên xơpá. Pơla hdrối kô nah, rêm râ kơvâ cheăng, mâu khu, mâu tơrŭm cheăng, mâu mố đô̆i gak tơkăng kong hiăng tơrŭm ƀă hngêi trung, tơbleăng troăng rơhlâ kum mâu hok tro kơtiê kơpong tơkăng kong lăm troh hngêi trung.

VOV4.Xơ Đăng – Châ hriâm tơdroăng ki rơkê dêi khoa hok kih thuât, hên kuăn pơlê hdroâng Dao a cheăm Čư̆ Suê, tơring Čư Mgar, kong pơlê Dak Lak hiăng chôa hơ’lêh tuăn tơmiât tung pêi pêt tơmeăm, tơrŭm pêi cheăng, hlê plĕng tíu ki vâ tê mơ’no, hnối uâ mơdiê dâi lĕm mâu tơmeăm pêi pêt chiâng kơnâ tơmeăm ki mơdró mê.

VOV4.Xơ Đăng - A hneăng hôp ôh tá ai pơkâ hdrối roh má 5, Kuô̆k hô̆i hneăng 15, 1 tung 4 tơdroăng cheăng ki kal châ mâu kăn tơkŭm tơpui tơno ‘na Tơdroăng pơkâ ‘na túa cheăng, troăng prôk ki krê xêh dêi tơdoăng pêi pro hnoăng cheăng xiâm tơnêi têa. Mâu kăn Kuô̆k hô̆i vâ môi tuăn ‘nâng ‘na xing xoăng hnoăng cheăng ăm râ tơring tung pơkuâ nguăn ƀă tơkŭm pêi pro hnoăng cheăng xiâm dêi tơnêi têa; tơdrêng amê, pơkâ thế thăm mơdêk tơdroăng ki xúa liăn ngân ăm mâu kăn ƀô̆, ki rơhêng vâ tối cho a râ tơring vâ pêi pro mâu hnoăng cheăng xiâm tơnêi têa.

VOV4.Xơ Đăng - Ƀă troăng rơhlâ “Ulâi kal ai droh rơtăm, ulâi ai tơdroăng pá kô ai droh rơtăm”, tung hơnăm 2023, đoân viên, droh rơtăm kong pơlê Gia Lai hiăng tơbleăng hên tơdroăng pêi pro, cheăng pêi ai pơxúa tung mơhnhôk “Hơnăm ối nếo mơjiâng thôn pơlê nếo’’. Ing mê, thăm pro um méa ếo ngiât ki pleăng hnoăng cheăng tơná xông pêi pro, đi đo ai hnoăng cheăng pêi ƀă tơdroăng mơnhông dêi pơlê pơla.

VOV4.Xơ Đăng - Cho kuăn ngo Tày rêh ối ƀă xông kân a pơlê xiâm Đông Khê, kong pơlê Cao Bằng - tíu ki prôa tĭnh pro ƀă plôi, tơdrá hơdruê then hiăng chôu pâ tung tuăn ngôa, mê mơhé lăm rêh ối u lâi kơpong tơnêi ki lâi, pôa Nông Văn Hưu (57 hơnăm) xuân ối chôu pâ hâk vâ hơdruê tiô tơdrá ton nah dêi kuăn ngo tơná ƀă đi đo tơmiât ƀă tơdroăng pêi pro ti lâi vâ pơtối rak vế, hnê tơdroăng hơdruê kố ăm kuăn pơlê tíu ki pôa dế rêh ối.

VOV4.Xơ Đăng - Hơnăm 2023, hiăng ai 3 to cheăm chêh inâi mơjiâng thôn pơlê nếo châ mơdêk a’ngêi tâ. Maluâ tá hâi ai cheăm ki lâi kâi châ pêi pro tŭm mâu tơdroăng ki hiăng mơ’no, laga, tơdroăng mơjiâng thôn pơlê nếo hiăng ăm hlo ki châ tơƀrê khât, mơdêk tơdroăng pêi lo kế tơmeăm, liăn ngân ƀă mơnhông tuăn ngôa rơkê plĕng ăm kuăn pơlê.

VOV4.Xơ Đăng - Hơnăm 2023, kơnôm mơhnhôk pêi cheăng tăng liăn ngân, pơtối rak túa lĕm tro tung tơdroăng mơjiâng thôn pơlê nếo a kơpong hdroâng kuăn ngo kong pơlê Kon Tum a hiăng hlo pơ’lêh hên. Ƀă hnoăng cheăng cho xiâm tung mơjiâng thôn pơlê nếo, hên kuăn pơlê hdroâng kuăn ngo a kong pơlê Kon Tum hiăng mơ-eăm tung pêi chiâk mơdêk pê lo liăn ƀă veăng pơ’lêh ngiâ méa thôn pơlê.

VOV4.Xơ Đăng - Hơnăm 2023, maluâ trâm pá tơdjuôm ‘na cheăng kâ, la kơnôm ing tơdroăng ki rĕng ƀĕng ƀeăn tung pêt mơjiâng mâu hdrê loăng, rơkê xúa kơmăi kơmok chal nếo tung pêt tơmeăm, pêi lo liăn dêi vâi krâ nhŏng o hdroâng K’Ho a cheăm Hiệp An, tơring Đức Trọng, kong pơlê Lâm Đồng pơtối châ mơdêk tơ’nôm. Cheăm Hiệp An xuân hiăng pêi klêi tơdroăng mơjiâng thôn pơlê nếo mơdêk tiô pơkâ mơ’no.       

VOV4.Xơ Đăng - Ƀă tơdroăng ki krâ ‘măn camera séa mơnhên ngăn mâu khu ngế ki ok xok hmâng to lo vâ, po văng nhâ, mơgrúa tơnêi tíu rơtôh vâ pêt reăng drăng mâu tíu ki hmâ ok xok, mê cho hnoăng cheăng dêi đoân viên droh rơtăm ki pêi pro a kơpong achê tíu tơkăng pơla 2 to cheăm Dak Liêng ƀă Dak Nuê, tơring Lăk, kong pơlê Dak Lak, ing mê, hiăng chiâng tơdroăng ki ngiât, krúa, lĕm tâ. Tơdroăng ki ok xok hmâng to lo vâ a kơpong kố hiăng chía kơdroh. Tuá pêi pro mê hiăng châ tơƀrê khât tung mơ’no hnoăng cheăng veăng pro mơgrúa kơdrum deăng, tơnêi tíu, hyôh kong prâi, ing hnoăng cheăng ki lĕm tro kố, mâu đoân viên droh rơtăm a mâu pơlê cheăm ki ê kal athế hriâm tâp, pêi pro ƀối.

VOV4.Xơ Đăng - Tơdroăng tơbleăng pêi 3 Hnoăng pơkâ dêi tơnêi têa ‘na mơjiâng thôn pơlê pơla hơnăm 2021-2025; kơdroh kơtiê krá tơniăn pơla hơnăm 2021-2025; mơnhông cheăng kâ - rêh ối kơpong kuăn ngo ƀă kong ngo pơla hơnăm 2021-2025’’ trâm xơpá, tơvâ tơvân, cho xiâm ki xing xoăng râ ƀă xing xoăng hnoăng pêi pro hâi troh tui lui, ối hên hlá mơ-éa hnê pro tơdroăng pêi pro trâm xơpá. Pơla kố, bú ối 2 hơnăm nếo cho hiăng tâi pêi pêi pro mâu tơdroăng pơkâ pơla hơnăm 2021-2025. Tiah mê, kal ai troăng rơhlâ pêi tơƀrê ki lâi vâ tŏng kum xiâm ing mâu tơdroăng ối pá, tơvâ tơvân tung pơla hdrối nah?