VOV.XơĐăng - Tung tơdroăng rêh ối kơpong kuăn pơlê hdroâng kuăn ngo a kong pơlê Dak Lak, rơtế ƀă mâu tíu pêi cheăng, mâu ngế ki châ kuăn pơlê loi nhuô̆m rak vế hnoăng cheăng ki kal tung tơdroăng ‘mâi mơnhông khu tơrŭm tâi tâng kuăn pơlê, rak vế gâk kring tơniăn ƀă thăm mơnhông cheăng kâ rêh ối pơlê pơla. Vâi châ pơtih môi tiah mâu ngế ki tŏng gum tơ’lêi hlâu la krá rơdêi dêi kuăn pơlê, cho kông tơdjêp loi khât pơla râ Đảng, kăn pơkuâ ƀă Kuăn pơlê.

VOV.Xơ Đăng - ‘No liăn pro kơchô ăm kơpong ngo cho hvêa prôk ki kal tung tơdroăng pơkâ pêi la ngiâ mơnhông tê mơdró peăng kong ngo dêi kong pơlê Quảng Ngãi. Rơtế ƀă tơdroăng ki pro klêi túa pơkâ, tơ’mot liăn ing pơlê pơla veăng tơlo ƀă tơbleăng pêi mâu tơdroăng tơnêi têa pơkâ, kong pơlê rế hía rế mơjiâng pro kơchô tiô chal nôkố, tro ƀă pêt mơjiâng ƀă tê tơmeăm, gum kuăn pơlê peăng kong ngo mơdêk pêi lo liăn, pơhlêh tơdroăng rêh kâ ối.

VOV.Xơ Đăng - Mâu hơnăm hdrối mê hía nah, kơnôm tơbleăng pêi tơƀrê mâu tơdroăng kơdroh kơtiê dêi Chin phuh môi tiah: Gum túa rêh kâ ối, tơnêi ối, tơnêi pêi, hngêi ối ƀă hên ki ê a kơpong hdroâng kuăn ngo, lối rơpâu rơpŏng kuăn pơlê a hên cheăm ối tung pơlê kong krâm Ayun hdrối nah, kong pơlê Gia Lai hiăng rế hía hluăn ing kơtiê. Tung mâu tơdroăng ki châ tơbleăng pêi, troăng hơlâ hbru ăm ro kăn vâ kuăn pơlê păn hiăng pro pơxúa tơƀrê khât. Kơnôm tơdroăng hâk vâ păn, ro dêi mâu rơpŏng pơrá hiăng ai kuăn, mơdêk pêi lo liăn ƀă hluăn ing kơtiê.

VOV.Xơ Đăng - Klêi kơ’nâi 4 khế pêi cheăng khu râ kăn pơkuâ péa râ, mâu cheăm a kong pơlê Quảng Ngãi hiăng tơniăn tơdroăng cheăng tơ’lêi hlâu. Laga, tung hneăng apoăng pêi cheăng, hên tíu xuân trâm hên pá puât ‘na mơngế pêi cheăng, tơdroăng cheăng, kơmăi kơmok, kŏng ngê̆ thông tinh. Kong pơlê Quảng Ngãi dế pơtối pêi pro mâu troăng tah lôi pá puât, tŏng gum cheăm pêi cheăng châ tơƀrê tâ.

VOV.Xơ Đăng -  Plei Pông, cheăm  Chư A Thai, kong pơlê Gia Lai hdrối nah cho kơpong pro kăch măng. Pêi pro troăng hơlâ mơjiâng thôn pơlê nếo tung kơpong hdroâng kuăn ngo, Plei Pông châ rah xo pro tíu vâ chiâng pơlê thôn pơlê nếo tiô pơkâ. Mâu hơnăm hdrối, rơtế ƀă tơdroăng tơmâng ngăn tŏng gum dêi Đảng ƀă Tơnêi têa, kuăn pơlê a kơpong pro kăch măng Plei Pông mơnhông hiâm mơno tơrŭm, mơeăm mơnhông.

VOV.Xơ Đăng - Kơtăn ing kơphô̆ Pleiku dâng 30km, pơlê Kép, cheăm Ia Ly, kong pơlê Gia Lai mâu hơnăm achê kố chiâng tíu ki hmâ troh dêi tơmối tung tơnêi têa ƀă kong têa ê. Ôh ti xê xua ki lĕm tơniăn dêi kong ngo mê tíu kố dế ‘mâi mơnhông troăng xiâm túa lĕm tro, cheăng tê̆n ếo pơtâk, pơchế chal krâ dêi kuăn ngo Jarai, châ ‘mâi mơnhông ƀă châ tơdjâk troh tơdroăng pro ôm hyô pơlê pơla. Ngế ki veăng tơdjâk tơdroăng mê cho nâ H’Uyên Niê, ngế kơdrâi ai hiâm mơno kơhnâ, dế rơtế ƀă vâi krâ nhŏng o rak vế ƀă mơnhông cheăng ếo pơtâk chal krâ.

VOV4.Xơ Đăng - Kong pơlê Dak  Lak hiăng tơkŭm po châ tơƀrê Hneăng hôp Đảng ƀô̆ kong pơlê roh má môi, ƀă dế tung mâu hâi apoăng dêi hneăng ƀă hnoăng cheăng ki nếo. Hnoăng cheăng mê cho, tơkŭm po rơdâ rêm kơvâ cheăng lâp kơpong ki kân ing kng ngo chu troh a tơbăng têa kơxĭ, mơjiâng túa cheăng ki ó rơdêi ăm tâi tâng hneăng mơnhông pơtối. Hên tơdroăng cheăng pêi pro ki nhên, kong pơlê dế thâ rĕng pêi pro, mơnhông krá tơdroăng ki mơdêk ăm chal ki mơnhông.

VOV.Xơ Đăng - Xua ai tuăn i hiâm djâ troăng ahdrối dêi môi ngế đảng viên, pôa Kơ Să Ha El, ối a cheăm Lạc Dương, kong pơlê Lâm Đồng ôh tá xê to pêi cheăng rơkê kơhnâ má môi tung hnoăng cheăng, mê ối pơtối veăng pleăng dêi hnoăng cheăng tơná drêng hiăng lo pơtê cheăng. Pôa cho ngế ki djâ troăng eăng bâ tung hnê mơhnhôk, brôk tơdjâ kuăn pơlê pleăng dêi tơnêi pro troăng, mơnhông pêi chiâk pêi deăng, mơjiâng thôn pơlê nếo.

VOV.Xơ Đăng - Mâu hơnăm achê kố, hên cheăm kơpong kong ngo peăng mâ mâ hâi luô kong pơlê Quảng Ngãi hiăng tah mâu loăng plâi ki ôh tá djâ châ tơƀrê pơhlêh pêt kơphế kơpong kong hngiú Arabica – hdrê loăng ki tơtro ƀă kong prâi rơnguôt. Ing troăng pêi mơnúa apoăng, kơphế rĕng chiâng loăng plâi ki xiâm, kum kuăn pơlê hdroâng kuăn ngo tơniăn tăng cheăng pêi ƀă mơ-eăm hlŭn ing kơtiê.

VOV.Xơ Đăng -  Klêi kơ’nâi pơtê hnê hriâm xua hơnăm hiăng krâ, thái Nguyễn An Sơn ối a thôn 7, cheăm Čư̆ Mgar, kong pơlê Dak Lak hiăng vêh bă kơdrum kơphế dêi rơpŏng bă pêt kơphế tiô kih thuât nếo, pôa ôh tá xê to mơjiâng châ tơƀrê cheăng kâ krá tơniăn mê ối troh lâp lu troăng pêi pêt troh hên rơpŏng kuăn pơlê ki ê bă châ kong pơlê rah vâ kheăn kơdeăn kuăn pơlê pêi chiâk deăng Việt Nam ki rơkê hơnăm 2025.