VOV.Xơ Đăng - Hlo tơdroăng ki pá ‘na pro hlá mơ-éa tơnêi tâk hên, tung pơla mê, mơngế pêi cheăng a râ cheăm ối iâ ngế, kong pơlê Gia Lai hiăng tăng troăng ki tơ’lêi cheăng ƀă kong ngê̆. Sap ing hồ sơ khât, tơdroăng chêh pro ƀă túa chêh ‘mot tung kơmăi, kăn ƀô̆ Tíu xiâm pơkuâ ngăn ‘na pro hlá mơ-éa ƀă Ƀơrô Chêh inâi ‘na tơnêi dêi kong pơlê Gia Lai hiăng rơtế  mơnhông, “hriâm tâp” xúa tuăn ngôa rơkê kuăn mơngế pro - AI tơnêi ing hên khế hdrối vâ chêh ‘mot xúa a 135 to cheăm, bêng. Tơdroăng pêi pro AI tơnêi krê dêi Gia Lai ăm hlo hbrâ rơnáu trâu rơdâ tâ tung mơdêk xúa khoa hok kŏng ngê̆ ƀă pơ’lêh kơxô̆, ing mê, pê klêi tơbrê mâu tơdroăng ki kal a pơlê cheăm.

VOV.Xơ Đăng - Kong pơlê Dak Lak dế thâ xing xoăng pro rế lĕm mâu hngêi trung tơnêi têa, tiô tối hdrối kô kơdroh dâng 50% toăng hngêi trung. Tơdrêng ƀă tăng ngăn, tơkŭm po ngăn nếo hngêi trung, lâm hriâm, mâu cheăm bêng tung kong pơlê ƀă hngêi trung thăm mơnhông hnoăng cheăng hnê mơhriâm, tăng ‘nâi plĕng tuăn tơmiât púi vâ, pro hlâu môi tuăn, tơniăn tơdroăng xing xoăng nếo pro rế tơniăn lĕm, ôh tá tơdjâk troh mơhriâm dêi hok tro tung hơnăm nếo.

VOV.Xơ Đăng - Hbrâ vâ mot hơnăm mơhriâm nếo hneăng hơnăm 2026-2027, tơdrêng ƀă tơdroăng pêi vâ rĕng klêi mâu tơmeăm khoăng ki mơjiâng pro, kong pơlê Quảng Ngãi dế tơmâng rah xo, hbrâ mâu thái cô hnê ƀă tơmeăm hnê, kơƀăng tăng ối vâ mơnhông 4 toăng hngêi trung phôh thong ai tíu kâ koi ối pơtê râ má môi ƀă râ má péa a mâu cheăm tơkăng kong châ mot hriâm tro hâi khế pơkâ.

VOV.Xơ Đăng - Cho kong pơlê ki apoăng dêi kong pơlê Gia Lai châ rah xo mơjiâng pro túa “cheăm ki xiâm ‘na pêi cheăng tung măng”, cheăm Tây Sơn dế pro pơ‘lêh nhên tung ‘mâi hơ’lêh pêi cheăng pro hlá mơ-éa, mơnhông kăn xiâm pêi cheăng tung măng ƀă mơnhông cheăng kâ tung măng. Ing tơdroăng pêi tơbrê apoăng, kong pơlê Gia Lai kô po rơdâ túa pêi cheăng a 30 to cheăm, chôa ‘lâng mơjiâng tơdroăng cheăng pơ’lêh pêi cheăng tung măng ăm tâi tâng sap ing pơlê cheăm bêng.

          VOV.Xơ Đăng - Khu pơkuâ khôi túa lĕm tro, Tơ’noăng ivá ƀă Ôm hyô kong pơlê Dak Lak nếo tơrŭm ƀă Vi ƀan cheăm Xuân Lãnh tơkŭm po Leh xối pleăng rơnó dêi mơngế Bơhnéa a thôn Xí Thoại. Mơdĭng xối châ vêh mơhno tiô xiâm apoăng ƀă ai mơ’no tung hyôh măng internet vâ rak vế ƀă mơnhông ki kơnâ mâu tơdroăng mơdĭng tiô khôi vâi krâ nah.

VOV.Xơ Đăng - A kơpong tơkăng kong cheăm Tuy Đức, Dak Wil dêi kong pơlê Lâm Đồng, on tơhrik tơnêi têa châ djâ troh a mâu kơpong cheăm hơngế hơngo, veăng mơnhông cheăng kâ kring vế hnoăng pơkuâ tơnêi têa. On tơhrik djâ tơdroăng erêh ăm kơpong tơkăng kong.  

VOV.Xơ Đăng - Rêm rôh troh rơnó mêi hngê, hên rơpŏng kuăn pơlê ối a kơpong kroăng Ayun, cheăm Ia Hiao, kong pơlê Gia Lai ối ôh tá tơniăn tung tuăn tơmiât xâu têa lu troh, pro ôh tá tơniăn ăm kuăn pơlê ƀă tơmeăm khoăng. Vâ gum kuăn pơlê ai tơdroăng rêh ối tơniăn tâ, Gia Lai hiăng tơbleăng Tơdroăng tơkêa bro lế lĕm pơlê nếo, pơlê tơkŭm ăm kơpong ki hmâ tro kong prâi pro ôh tá tơniăn a cheăm Ia Hiao. Tung pơla hdrối kố nah, xua hiăng châ môi tuăn ing rêm ngế kuăn pơlê, môi kơpong pơlê nếo dế chôa mơjiâng, gum kuăn pơlê hmiân tuăn pêi cheăng kâ, rêh ối.

VOV.Xơ Đăng – Sap ing mâu thôn pơlê hiăng krâ inâi tung hên rơxông, hên kuăn pơlê ki rêh ối a Dak Lak nếo mot tung tơdroăng ki klâ xoăng ‘mot tơkŭm thôn pơlê nếo. Mê ôh tá xê to tơdroăng ki tơkŭm mâu thôn pơlê, tôh kơphô̆ tiô pơkâ ki pro lê lĕm kơ koan cheăng tơnêi têa, mê ối cho ƀai toăn ki hơniâp lĕm pơla mơdêk ki tơƀrê tung pơkuâ ngăn ƀă rak vế túa lĕm tro, khôi túa tơlá ƀă tơdroăng ki tơrŭm kuăn pơlê. A bêng Ea Kao, túa pơkâ ‘mot tơkŭm hiăng châ tơdroăng ki môi tuăn sap ing pơlê, cheăm.

VOV.Xơ Đăng - Kong pơlê Dak Lak dế pơ‘lêh ‘no liăn cheăng po rơdâ tơnêi pêi chiâk chiâng mơdêk ki pơxúa tung tơrêm ƀăng tơnêi. Tơdrêng ƀă tơdroăng mơjiâng mâu kơpong pêi cheăng xua kơmăi ki dâi lĕm, mơnhông chiâk deăng hơ’lêh túa pêi ƀă hbrâ liăn vâ tơ’mot khu mơdró kân, kong pơlê chôa lâng mơjiâng xiâm pêi chiâk tiô túa nếo, krá ton.

VOV.Xơ Đăng - Drô hbêa ngo cheăm Tu Mrông, kong pơlê Quảng Ngãi (tơring Tu Mrông, kong pơlê  Kon Tum ton), lối 1 rơtuh xiâm loăng kơphế nếo pêt, xiâm ai kơpong pêi loăng plâi tơkŭm hên, gum kuăn pơlê mơngế Rơteăng ai cheăng pêi krá ton.