VOV.Xơ Đăng - Rơnó mêi a Tây Nguyên hiăng troh, dế pro hên ki pá troh tơdroăng Tơkêa bro Hngêi tung hnê ai tíu kâ koi ối pơtê râ má môi ƀă râ má 2 a tíu tơkăng kong dêi kong pơlê Gia Lai. Vâ mơdêk rĕng mơjiâng hngêi trung, 500 ngế kăn ƀô̆ mâu lêng hiăng lo lăm kum mâu tíu pêi cheăng, tah ki xơpá ‘na mơngế, mơ-eăm djâ tơdroăng pêi pro a tơdroăng xúa hdrối hơnăm hriâm 2026-2027 hâi pơxiâm leh mot hriâm. Nguyễn Thảo, ngế chêh hlá tơbeăng ai ƀai chêh tối tơdroăng ai khât a cheăm tơkăng kong Ia Puch, kong pơlê Gia Lai.

VOV.Xơ Đăng - Cho mơngế châ kuăn pơlê pâ nhoăm a cheăm Hàm Thuận Bắc, kong pơlê Lâm Đồng, pôa Thông Long - krâ pơlê ôh ti xê to ngế ki tơdjêp pơla Khu pơkuâ hnê ngăn Đảng, mâu kăn ƀă kuăn pơlê Chăm, mê ối châ vâi ô eăng cho ngế thái rơkê hlŭm khiê̆n Saranai. Pôa hiăng chiâng ngế ki xiâm, veăng mơjiâng thôn pơlê nếo ƀă pơtối rak vế, khôi túa vêa vong lĕm tro ton nah dêi mơnế Chăm.

VOV.Xơ Đăng – Kơ’nâi môi hơnăm mơhnhôk túa pêi cheăng mâu kăn kong pơlê 2 râ, bêng Ea Kao, kong pơlê Dak Lak hiăng hlo hên ki pơ‘lêh ing ‘mâi hơ’lêh túa pro hlá mơ-éa, pơla rak tơniăn troh mơhnhôk kuăn pơlê veăng pro tơmeăm khoăng. Tơdroăng kuăn mơngế hlo nhên má môi cho mâu kăn achê kuăn pơlê tâ, hnê pêi tơdroăng cheăng rĕng tâ há, ƀă ‘nâi hbrâ rơnáu tung tơdroăng hnê pêi mâu tơdroăng sap ing pơlê cheăm.

VOV.Xơ Đăng - Ing troăng hơlâ, hlo achê tung pêi pro dêi mâu kăn cheăm, kuăn pơlê cheăm Chư A Thai, kong pơlê Gia Lai hiăng môi tuăn pleăng tơnêi, tah dêi kơnâng vâ po rơdâ troăng prôk a thôn pơlê. Mâu troăng nếo pro mê ôh tá gum to tơdroăng prôk lăm, chơ tơmeăm hlâu tâ mê ối mơhno ki rơdêi ‘nâi tơrŭm dêi rơpó, môi tuăn pơla mâu kăn ƀă kuăn pơlê tung mơ jiâng thôn pơlê nếo.

VOV.Xơ Đăng - Kơ’nâi vâ chê 1 hơnăm pêi cheăng túa mâu kăn kong pơlê 2 râ, kong pơlê Lâm Đồng dế trâm xơpá drêng kơxỗ mâu ngế kăn ƀô̆ pêi cheăng a râ cheăm, bêng lối hên. Hên tơdroăng cheăng pơcháu ing râ tơring, râ kong pơlê châ pơtroh ăm cheăm, la mâu kăn ƀô̆ cheăm ki ton nah hâi hmâ, hâi hlê plĕng ƀă tơdroăng pêi cheăng dêi cheăm tiô túa nếo, hên kăn ƀô̆ pâ pơtê cheăng, hiăng pro tơdjâk troh ki rơhéa dêi tơdroăng cheăng mâu kăn dế pêi. Ing tơdroăng mê, Lâm Đồng dế tơkŭm tah ƀai toán ki pá ‘na mơngế pêi cheăng a cheăm vâ túa pêi cheăng dêi mâu kăn kong pơlê 2 râ pêi cheăng  ai pơxúa, tơbrê tâ.

VOV.Xơ Đăng - Mơhé nếo hmâ achê ƀă tơdroăng tê mơdró điê̆n tưh dâng 2-3 hơnăm, kuăn pơlê ƀă khu pêi cheăng tơrŭm a Gia Lai hiăng rĕng tăng hlo, ‘nâi hlối po ăm tơdroăng tê tơmeăm pê lo ing chiâk deăng, tơmeăm krê dêi kong pơlê. Tơdroăng pơ’lêh kơxô̆  ăm hlo, drêng ki pá ‘na tơnêi tíu rế pá hlo tơmeăm pêi lo, tơmeăm ki kong pơlê pê lo cho rôh ki tơ’lêi vâ tơbleăng châ tê hơngế, prôk rĕng tâ.

VOV.Xơ Đăng - Cheăm Đak Sơ Mei - kơpong lăm pro kăch măng chal ki mê nah – cho pơlê xiâm Khên tơnôu Wừu a kong pơlê Gia Lai, dế “hiăng pơlêh tơ-ê rế hiá rế niân nok” tơdroăng rêh ối rế hiá rế phâi tơtô hiăng troh ƀă kuăn pơlê a kơpong kăch măng mê.

VOV.Xơ Đăng - Pơla kong dế tô téa ó a tíu tơkăng kong peăng mâ hâi Lu kong pơlê Quảng Ngãi, kŏng nhân a mâu tíu mơjiâng pro hngêi trung gum ăm hok tro ai tíu kâ koi ối pơtê péa râ dế thâ pêi cheăng rĕng ‘nâng. Ƀă kuăn pơlê akố, ôh ti xê to tơdroăng tơkêa bro mâu hngêi trung, mê ối cho tơdroăng tơngah ‘na môi hngêi trung hriâm lĕm tro tâ ăm kuăn ‘nĕng, cháu chái. Ngế ki lâi xuân púi rơhêng vâ hngêi trung rĕng pro klêi hlối châ mot mơhriâm.

VOV.Xơ Đăng - Cheăm Đak Sơ Mei - kơpong lăm pro kăch măng chal ki mê nah – cho pơlê xiâm Khên tơnôu Wừu a kong pơlê Gia Lai, dế “hiăng pơlêh tơ-ê rế hiá rế niân nok” tơdroăng rêh ối rế hiá rế phâi tơtô hiăng troh ƀă kuăn pơlê a kơpong kăch măng mê.

VOV.Xơ Đăng - Rơpâu pŭm gât khêi hdrâ ƀă dêi rơpó pa kĭng têa kơxĭ. Mâu hngêi ai pái veăng hlo ki hiăng ton hơnăm drêng prôk drô troăng pơlê lĕm krúa. A kơno plong hên vâi tê ká xi xŏng peăng kơxo má ƀă a kong xêi măng drêng plong tơnăng ká troh. ‘Núa têa kơxĭ ai prêi ƀă têa ngiât. Tâi tâng mê tơkŭm ƀă chiâng ki lĕm krê a têa kơxĭ…  Mê cho pơlê Lò, môi pơlê ton nah a kĭng têa kơxĭ bêng Hòa Hiệp, kong pơlê Dak Lak, cho môi tíu ki vâ pơtih tơdroăng pro ôm hyô a tơmeăm ton nah.