VOV.Xơ Đăng – Sap ing kơpong tơnêi ki ôh tá ai klâi klêi kơ’nâi tơplâ, kơnôm mơnhên tro ƀă mơdêk ƀă ki ai hlâu ôm hyô, kong ngo Mang Deang, tơring Kon Plông, kong pơlê Kon Tum nôkố hiăng chiâng môi tíu troh tung tơdroăng ki tăng ‘nâi Tây Nguyên krip tơdrŏm dêi tơmối achê hngế. 50 hơnăm klêi kơ’nâi Peăng Kơnhŏng – peăng Hdroh tơrŭm môi, kơpong tơnêi ƀă to tơplâ tơplong Măng Bút, Măng Deang, ƀă 7 to 3 to xí nah, nôkố dế pơxiâm vâ mơeăm lo a têa kơxĭ kân drêng kong pơlê Quảng Nam ƀă Kon Tum châ Tơnêi têa pơkâ thế ‘mot tơkŭm.

VOV.Xơ Đăng – Maluâ khế 3 – Khế droh rơtăm hiăng mơgêi, la mâu tơdroăng cheăng pêi pro gum pơlê pơla, tung mê ai tơdroăng mơjiâng thôn pơlê nếo dêi Đoân Droh rơtăm kong pơlê Lâm Đồng xuân dế pơtối châ tơbleăng pêi, veăng gum mơnhông ivá djâ troăng ahdrối dêi hơnăm ối nếi tung tơdroăng veăng mơnhông cheăng kâ rêh ối pơlê pơla, pơhlêh kơxô̆.

VOV.Xơ Đăng - Cheăm Tà Nung, pơlê kong kơdrâm Đà Lạt, kong pơlê Lâm Đồng, môi to cheăm ai hên kuăn pơlê hdroâng kuăn rêh ối, dế rế hía rế pơhlêh tơná rơdêi tung mơjiâng thôn pơlê nếo mơdêk, Thôn pơlê nếo tiô túa pơkâ. Ƀă tơdroăng veăng tơdjuôm hiâm mơno dêi khu pơkuâ tơdroăng kal kí ƀă kuăn pơlê, cheăm pêi châ hên mâu tơdroăng ki kal, gum mơdêk tơdroăng rêh kâ ối ăm kuăn pơlê.

VOV.Xơ Đăng - 50 hơnăm hiăng luâ, mâu kơpong kăch măng a mâu pơlê hdroâng kuăn ngo dêi kong pơlê Lâm Đồng hiăng pơ’lêh ngiâ méa. Mâu kơpong tơnêi tro tơ’nhiê xua tơplâ nah nôkố hiăng pơ’lêh tơná xông rơdêi, mơnhông chiâng mâu kơpong thôn pơlê nếo tơxâng rêh ối ƀă hên tơdroăng tơngah mơnhông rế tơƀrê. Drêng tơbâ 50 hơnăm hâi châ tơleăng lĕm kong pơlê Lâm Đồng hâi lơ (03/4/1975-03/4/2025), Quang Sáng ngế chêh hlá tơbeăng kơpong Tây Nguyên ai chêh tối mâu tơdroăng hiăng pơ’lêh ƀă tơngah rế xông tơƀrê a kơpong tơnêi kố.

VOV4.Xơ Đăng - Pêi pro tiô hnê mơhno dêi Chin phuh ‘na têa tah hngêi pơtân, hngêi xi kơchoh, kong pơlê Dak Lak dế tơbleăng pêi 4 tơdroăng vâ kum pro hngêi ối ăm rơpŏng kơtiê, vâ chê kơtiê ƀă mâu ngế xơpá tung kong pơlê. Nôkố mâu kăn kong pơlê ƀă mâu kơvâ cheăng dế tơkŭm mơ-eăm pê klêi tơdroăng pro nếo ƀă ‘mâi rơnêu 7.312 toăng hngêi ăm kêi hdrối rơnó mêi, kum mâu rơpŏng ki xơpá ai hngêi ối tơniăn.

VOV4.Xơ Đăng - Tơnêi cho xiâm tơmeăm khoăng ki kal vâ mơnhông cheăng kâ-rêh ối dêi kong pơlê Dak Lak. Ƀă tơnêi kân rơdâ lối 13.000 km2 a tơdế kơpong Tây Nguyên ƀă a tơnêi ai tơdroăng pêi ki krê xêh, tơdroăng rak ngăn ƀă ki pơxúa dêi tơnêi mê kô gum ăm Dak Lak mơnhông cheăng kâ-rêh ối, pêi ai tiô pơkâ tâk 8% ki Chin phuh hiăng pơcháu.

VOV4.Xơ Dăng - 50 hơnăm klêi kơ’nâi tơnêi têa châ tơleăng lĕm, Tây Nguyên hiăng pơ’lêh phá tơ ê. Mơngiơk drêh ngiât dêi kơpong ki xiâm pêi chiâk deăng, mâu troăng prôk, rơchôa, hno têa ki kân hiăng châ mơjiâng pro, ai têa tôh nâu ƀăng klâng, ƀăng chiâk, báu, loăng plâi cho a mâu tíu ai tơdroăng tơplâ ton nah. Mâu tíu tơplâ kân ó nah tung rôh lăm plâ Tây Nguyên môi tiah Đức Lập a peăng Mâ Hâi lu pa Hdroh, Cheo Reo a peăng Kơnhŏng, Phước An a peăng mâ hâi Lo ƀă Buôn Ma Thuột a kơpong tung dế, thăm pơ’lêh rơdêi, chiâng mâu tíu cheăng kâ châ mơnhông tơtêk hên.

VOV4.Xơ Đăng - Kơtăn kố 50 hơnăm, kơxo hâi lơ 9/3/1975 mâu lêng pro tơleăng lĕm hiăng lăm plâ Đức Lập (kong pơlê Quảng Đức ton nah), tíu tơplâ peăng Hdroh Buôn Ma Thuột. Plâ ƀlêi trâng Đức Lập châ ngăn cho rôh plâ ƀlêi trâng po troăng veăng ‘no ki kal ăm roh ƀlêi trâng a Tây Nguyên rơnó Hơngui 1975. Tơdế chal hiăng luâ, Đức Lập nah- Dak Mil nôkố hiăng chiâng môi tơring mơnhông tơƀrê dêi kong pơlê Dak Nông.

VOV4.Xơ Đăng - Kơxo hâi lơ 6/2, ai 102 to cheăm, bêng, pơlê kân dêi 10 tơring, pơlê kong kơdrâm dêi kong pơlê Kon Tum rơtế lo lăm pêi cheăng apoăng hơnăm 2025 ƀă pơxá “Lo pêi cheăng mơjiâng thôn pơlê nếo ƀă kơphô̆ rơkê plĕng”.

VOV4.Xơ Đăng - Hơnăm kố, kuăn pơlê a cheăm Kon Gang, tơring Đăk Đoa, kong pơlê Gia Lai tơdah Têt tiô khôi hmâ Ất Tỵ tung hiâm mơno phiu ro, sôk suâ păng ‘nâng. Xua hơnăm kố nah, plâi sầu riêng, kơphế châ hên, hlối kơnâ yă, hên rơpŏng kuăn pơlê tê dêi tơmeăm pêi lo châ rơtal liăn. Pakĭng mê, mâu rơpŏng ai hnoăng tơnêi têa, mâu rơpŏng kơtiê xơpá, châ râ ủy, mâu kăn cheăm, tơring tơmâng tong gum, hbru tơmeăm Têt.