VOV4.Xơ Đăng - Tơdroăng ki xiâm dêi Tơnêi têa ‘na mơjiâng thôn pơlê nếo hiăng mơjiâng ki hơ’lêh tơtro khât ăm hên pơlê - cheăm - tơring dêi kong pơlê Dak Lak. Ing tơdroăng cheăng ki kố, ngiâ méa thôn pơlê nếo rế hiá rế kro mơdrŏng, rế tơtêk, khôi túa lĕm tro mâu hdroâng kuăn ngo châ rak vế, pơtối mơdêk, ing mê, veăng kum hên ăm pơlê cheăm ki tơxâng ‘ló mơnê nhoăm.

VOV4.Xơ Đăng - Ai lối 95% kơxô̆ rơpŏng hdroâng kuăn ngo Bơhnéa rêh ối ing hên hơnăm kố, pơlê Đăk Mông, cheăm Đăk Rong, tơring Đăk Đoan, kong pơlê Gia Lai cho môi tung mâu pơlê ki djâ troăng ahdrối tung pêi pro tiô Hnoăng cheăng xiâm Tơnêi têa ‘na mơjiâng thôn pơlê nếo. Tơdrêng ƀă Khu kăn pơkuâ ngăn pơlê cheăm, tơring, kuăn pơlê hiăng kơdo mơ-eăm pêi chiâk pêi deăng, mơjiâng chiâng tơmeăm khoăng ki ai tơdjâk troh hnoăng veăng rak vế mâu túa lĕm tro vâ kum ăm ngiâ méa thôn pơlê thăm rế xông tơtêk, po ăm troăng hơlâ ki nếo ăm thôn pơlê djâ troăng ki nếo.

VOV4.Xơ Đăng - Kong pơlê Kon Tum ai dâng 54% pơ’leăng mâ mơngế cho hdroâng kuăn ngo, tung mê ai 7 hdroâng kuăn ngo ki rêh ối hiăng ton akố, mê cho: Rơteăng, Jêh - Triêng, Bơhnéa, Jarai, Brâu, Rơ Măm [ă Hre. {ă hiâm mơno kho\m châ mơnhông tơmeăm ki ai hlâu, ki tơ’lêi vâ tơtêk, kong pơlê Kon Tum hiăng chôa ‘lâng mơjiâng mâu tơmeăm ki ôm hyô, tơmeăm ki xúa, dâi, mê cho mâu tơmeăm khoăng, túa le\m tro tiô khôi hmâ kum kuăn pơlê pêi lo liăn ngân vâ mơdêk tơdroăng rêh kâ ối.

VOV4.Xơ Đăng - Djâ troăng ahdrối, ‘nâi hriâm tơdroăng xúa kŏng ngê̆ thŏng tin, klêi mê tơbleăng ăm mâu kăn ƀô̆, đảng viên ƀă kuăn pơlê hriâm, pêi pro ƀối. Mê cho túa ki kăn hnê ngăn Chi bô̆, Đảng ƀô̆ kơpong kơtiê xơpá a Sơn La teăm pêi tiô tơdroăng xúa ki nếo ‘na khoa hok kŏng ngê̆ 4.0. Ing mê, veăng djâ tơbleăng pơkâ dêi Đảng xúa tung rêh ối, tung mê, ai pơkâ ‘na mơjiâng thôn pơlê nếo.

VOV4.Xơ Đăng - Kơpong tíu tơkăng kong cheăm Ia Nan, tơring Đức Cơ, kong pơlê Gia Lai cho tơnêi tíu ki xơpá, tâi tâng cho kuăn ngo rêh ối. Xua tơdroăng cheăng kâ rêh ối kơtiê, kuăn pơlê ôh tá hlê plĕng, tơdroăng ăm kuăn ‘nĕng lăm hriâm a hngêi trung ối trâm hên xơpá. Pơla hdrối kô nah, rêm râ kơvâ cheăng, mâu khu, mâu tơrŭm cheăng, mâu mố đô̆i gak tơkăng kong hiăng tơrŭm ƀă hngêi trung, tơbleăng troăng rơhlâ kum mâu hok tro kơtiê kơpong tơkăng kong lăm troh hngêi trung.

VOV4.Xơ Đăng – Châ hriâm tơdroăng ki rơkê dêi khoa hok kih thuât, hên kuăn pơlê hdroâng Dao a cheăm Čư̆ Suê, tơring Čư Mgar, kong pơlê Dak Lak hiăng chôa hơ’lêh tuăn tơmiât tung pêi pêt tơmeăm, tơrŭm pêi cheăng, hlê plĕng tíu ki vâ tê mơ’no, hnối uâ mơdiê dâi lĕm mâu tơmeăm pêi pêt chiâng kơnâ tơmeăm ki mơdró mê.

VOV4.Xơ Đăng - A hneăng hôp ôh tá ai pơkâ hdrối roh má 5, Kuô̆k hô̆i hneăng 15, 1 tung 4 tơdroăng cheăng ki kal châ mâu kăn tơkŭm tơpui tơno ‘na Tơdroăng pơkâ ‘na túa cheăng, troăng prôk ki krê xêh dêi tơdoăng pêi pro hnoăng cheăng xiâm tơnêi têa. Mâu kăn Kuô̆k hô̆i vâ môi tuăn ‘nâng ‘na xing xoăng hnoăng cheăng ăm râ tơring tung pơkuâ nguăn ƀă tơkŭm pêi pro hnoăng cheăng xiâm dêi tơnêi têa; tơdrêng amê, pơkâ thế thăm mơdêk tơdroăng ki xúa liăn ngân ăm mâu kăn ƀô̆, ki rơhêng vâ tối cho a râ tơring vâ pêi pro mâu hnoăng cheăng xiâm tơnêi têa.

VOV4.Xơ Đăng - Ƀă troăng rơhlâ “Ulâi kal ai droh rơtăm, ulâi ai tơdroăng pá kô ai droh rơtăm”, tung hơnăm 2023, đoân viên, droh rơtăm kong pơlê Gia Lai hiăng tơbleăng hên tơdroăng pêi pro, cheăng pêi ai pơxúa tung mơhnhôk “Hơnăm ối nếo mơjiâng thôn pơlê nếo’’. Ing mê, thăm pro um méa ếo ngiât ki pleăng hnoăng cheăng tơná xông pêi pro, đi đo ai hnoăng cheăng pêi ƀă tơdroăng mơnhông dêi pơlê pơla.

VOV4.Xơ Đăng - Cho kuăn ngo Tày rêh ối ƀă xông kân a pơlê xiâm Đông Khê, kong pơlê Cao Bằng - tíu ki prôa tĭnh pro ƀă plôi, tơdrá hơdruê then hiăng chôu pâ tung tuăn ngôa, mê mơhé lăm rêh ối u lâi kơpong tơnêi ki lâi, pôa Nông Văn Hưu (57 hơnăm) xuân ối chôu pâ hâk vâ hơdruê tiô tơdrá ton nah dêi kuăn ngo tơná ƀă đi đo tơmiât ƀă tơdroăng pêi pro ti lâi vâ pơtối rak vế, hnê tơdroăng hơdruê kố ăm kuăn pơlê tíu ki pôa dế rêh ối.

VOV4.Xơ Đăng - Hơnăm 2023, hiăng ai 3 to cheăm chêh inâi mơjiâng thôn pơlê nếo châ mơdêk a’ngêi tâ. Maluâ tá hâi ai cheăm ki lâi kâi châ pêi pro tŭm mâu tơdroăng ki hiăng mơ’no, laga, tơdroăng mơjiâng thôn pơlê nếo hiăng ăm hlo ki châ tơƀrê khât, mơdêk tơdroăng pêi lo kế tơmeăm, liăn ngân ƀă mơnhông tuăn ngôa rơkê plĕng ăm kuăn pơlê.