VOV4.Xơ Đăng - Mâu hơnăm hdrối mê hía nah, Khu lêng hneăng hdrối tơring Đăk Đoa, kong pơlê Gia Lai hiăng tơbleăng pêi hên tơdroăng pêi chiâk deăng tung mơhnhôk tơ’noăng ki ai pơxúa mê cho: Khu lêng hneăng hdrối pêi cheăng lĕm djâ troăng ahdrối”, “Khu lêng hneăng hdrối gum dêi rơpó tung pêi cheăng vâ kơdroh kơtiê, pêi cheăng kâ rơkê’’... Ing mê, ai mâu ngế ki kơhnâ tung kuăn pơlê, ôh tá xê to veăng ‘no hnoăng mơnhông cheăng kâ ăm pơlê pơla a pơlê cheăm mê ối hnê pơthó tơdroăng ki lĕm ton nah ăm mâu rơxông nếo pêi pro ƀối.

VOV4.Xơ Đăng - Tơdroăng mơjiâng thôn pơlê nếo pro pơxúa tơƀrê khât a kong pơlê Dak Nông ƀă mâu kơpong thôn pơlê mơnhông tơƀrê. Rêm râ, pơkuâ cheăng dêi kong pơlê dế mơ-eăm vâ rĕng pêi klêi mâu tơdroăng pơkâ pêi pơla hơnăm 2021 – 2025, pro ivá ăm thôn pơlê dêi kong pơlê châ mơnhông tung hneăng ki pơtối.

VOV4.Xơ Đăng -Vi ƀan kong pơlê Khánh Hòa nếo pơtroh hô sơ Khu xiâm pơkuâ mơngế pêi cheăng – Mô đô̆i rong râ ƀă Rêh ối pơlê pơla mơnhên vâ tơbleăng Ngế pro xiâm hnê ngăn Chin phuh séa ngăn, pơkâ mơnhên 2 tơring Khánh Sơn ƀă Khánh Vĩnh hluăn ing tơring kơtiê. Hluăn kơtiê cho tơdroăng ki kal dêi kơpong kong ngo kong pơlê Khánh Hòa, tung mê, ai tơdroăng veăng kum dêi krâ pơlê, ngế ki kuăn pơlê loi tơngah a tơring.  

VOV4.Xơ Đăng - A tơring Ia Pa, kong pơlê Gia Lai, Hnoăng Cheăng xiâm tơnêi têa kơdroh kơtiê tơniăn dế pro pơxúa kân khât ăm tơná kuăn pơlê. Tơdrêng ƀă tơdroăng ‘mâi mơnhông hngêi trăng, troăng klông, hnê tối ‘na khoa hok kih thuât, gum kuăn pơlê mơdêk ki tơƀrê tung pêi chiâk pêi deăng, păn mơnăn mơnôa, tơdroăng gum ‘na cheăng pêi gum ăm rơpŏng kơtiê a tơring xuân hiăng châ mơnhông ki tơƀrê, gum vâi krâ-nhŏng o tơniăn tung rêh ối ƀă mơnhông hluăn ing kơtiê tơniăn.

VOV4.Xơ Đăng - Kot mâ ƀă xông kân a tơring Krông Pa, môi tung mâu kơpong hơngế hngo ki xơpá má môi dêi kong pơlê Gia Lai, thái Kpă Pual ôh tá pơtê hriâm ƀă rế tơƀrê. Tơdroăng ki tơviah akố, thái Kpă Pual cho thái hnê toán, la tuăn hiâm hâk vâ ƀă nâl xiâm rêi hdroâng tơná, ƀă chiâng ngế ki rơkê păng ‘nâng tung tơdroăng hriăn cheăng kơvâ ki kố.

VOV4.Xơ Đăng - Pơla hdrối kố nah, mâu tôh kŏng ngê̆ kơxô̆ tung kuăn pơlê a Dak Lak hiăng pơtối pêi pro tro hnoăng cheăng hnê tối hnê kuăn pơlê cài đặt, xúa mâu ứng dụng kŏng ngê̆ kơxô̆ a tung kơvâ dêi tơdroăng rêh ối. Ing mê, kum tơdroăng pơ’lêh kơxô̆ a mâu pơlê cheă tơring tung kong pơlê rế pơ’lêh tơƀrê, hên ngế kuăn pơlê hiăng xúa rơkê, tơƀrê ứng dụng ki ‘no tiô troăng hyôh vâ chôa mơnhông kuăn pơlê kơxô̆.

VOV4.Xơ Đăng - Hên hơnăm kố, pơlê kong kơdrâm Pleiku, kong pơlê Gia Lai hiăng tơbleăng pêi tơdrêng mâu troăng rơhlâ vâ xăm kơklêa kơdroh kơtiê krá tơniăn, ƀă tơdoăng tơmâng khât troh kuăn pơlê mâu hdroâng kuăn ngo. Mâu luât pơkâ tong kum ai pơxúa hiăng veăng ‘no hnoăng ‘mâi mơnhong tơdroăng rêh ối dêi kuăn pơlê kơtiê tung kong pơlê.

VOV4.Xơ Đăng - Hơnăm 2021, Khu pơkuâ Đảng ƀô̆ pơlê kong kơdrâm Pleiku hiăng ai Tơdroăng pêi pro 31 ‘na pơtối mơdêk rơdêi tơdroăng kơdroh kơtiê krá tơniăn, mơdêk ki dâi lĕm tơdroăng rêh ối kuăn pơlê, ki má lối cho a mâu pơlê hdroâng kuăn ngo tung pơlê kong kơdrâm hneăng hơnăm 2021 – 2025. Ing mê, mâu khu râ kăn pơkuâ hnê ngăn Đảng, khu râ kăn pơkuâ pơlê kong kơdrâm Pleiku hiăng pơkuâ, hnê mơhno ƀă pêi pro hên troăng pêi kơdroh kơtiê ƀă châ tơƀrê hên.

VOV4.Xơ Đăng - Dak Wer, tơring Dak Rlâp cho cheăm ki apoăng dêi kong pơlê Dak Nông châ mơnhên tối cho cheăm hiăng plah thôn pơlê nếo ki râ a’ngêi tâ. Hngêi trăng, troăng prôk hiăng châ mơjiâng tŭm têk, tơdroăng rêh kâ ối, tơmeăm khoăng hiăng châ mơjiâng tŭm, hiâm tuăn dêi kuăn pơlê rế hía rế hloh hlê rơkê plĕng. Kuăn pơlê pêi chiâk a Dak Wer, ki rơhêng vâ tối ƀă vâi krâ-nhŏng o hdroâng M’Nông hiăng khên mung liăn vâ mơ’no rôe hdrê, phon, tơmeăm tung pêi chiâk pêi deăng. Tơkéa vâ tối, rơpŏng hngêi ki lâi xuân athế lăm mung liăn, mung ga chiâng chĕn, ai chĕn ‘nôi nếo chiâng kro.

VOV4.Xơ Đăng - Mâu hâi ki kố, Đảng ƀô̆, khu kăn pơkuâ ƀă kuăn pơlê mâu hdroâng kuăn ngo kong pơlê Dak Lak dế tơkŭm po hên tơdroăng tơbâ 120 hơnăm Hâi mơjiâng kong pơlê (22/11/1904 – 22/11/2024). Chi kơpong tơnêi tơkŭm ki kơnía ‘na túa lĕm tro khôi hmâ dêi mâu hdroâng kuăn ngo Tâu Nguyên rơtế túa lĕm tro ing lâp lu kơpong tơnêi dêi lâp tơnêi têa; tíu ối tung la ngiâ ki kal ƀă cho tíu xiâm, ivá mơnhông kơpong Tây Nguyên; ƀă mâu tơdroăng ki ai xêh tơ’lêi hlâu, kong pơlê Dak Lak dế mơeăm mơjiâng kong pơlê rế hía rế kró rơdêi, hên túa lĕm tro, rơkê, hơniâp ro.