VOV4.Xơ Đăng - Pêi pro tiô tơdroăng “Ngế veăng gum’’ xua Khu xiâm ngăn vâi kơdrâi Việt Nam mơhnhôk, rêm râ khu vâi kơdrâi a Lâm Đồng hiăng ai mâu tơdroăng cheăng pêi nhên khât, pơxúa, chiâng “Tíu tơngah” dêi mâu vâi hdrêng kuăn tê. Ing mê, gum mâu vâi o tâ tơtôu, môi tiah hơ-ui pâ, thăm mơ-eăm tâ nếo.

VOV4.Xơ Đăng - A hơnăm 2020, pơlê kong krâm Gia Nghiã cho tíu pêi cheăng râ tơring ki apoăng dêi kong pơlê Dak Nông châ ối má môi tơdroăng pơkâ dêi tơnêi têa mơjiâng thôn pơlê ƀă 2/2 to cheăm châ mơnhên tối. Pơxiâm mot hơnăm hriâm nếo, Gia Nghiã ai pơkâ mâu tơdroăng mơ-eăm khât ƀă mơjiâng mâu kơpong thôn pơlê mơnhông cheăng kâ, kro mơdrŏng túa lĕm tro ƀă ‘nâi mơjo pâ dêi rơpó. Mâu tơdroăng mơhnhôk, mâu tơdroăng châ tơbleăng pêi ƀă troăng hơlâ “Kuăn pơlê ‘nâi, kuăn pơlê tơpui, kuăn pơlê pêi’’ hiăng pro pơxúa khât.

VOV4.Xơ Đăng - Tối troh mơngế ki kuăn pơlê loi tơngah tung kơpong kuăn pơlê hdroâng kuăn ngo, rêm ngế hmâ tơmiât troh mâu ngế krâ pơlê, mâu ngế hơnăm hiăng krâ. Laga, ƀă kuăn pơlê a pơlê Labouye A, cheăm Lạc Xuân, tơring Đơn Dương, kong pơlê Lâm Đồng, ngế ki kuăn pơlê loi tơngah drêng bú nếo lối 40 hơnăm. Mê cho ngoh Ya Dũng, môi đảng viên hơnăm ối nếo ƀă cho kăn pơkuâ hnê ngăn thôn. Xua ti lâi Ya Dũng châ kuăn pơlê loi tơngah cho xua hmâ pêi tíu ki lâi, ngoh xuân đi đo cho ngế djâ troăng ahdrối.

VOV4.Xơ Đăng - Đông kăch măng H9 kong pơlê Dak Lak a rơxông pơplâ lêng Mih nah, nôkố tơkuăm 4 to cheăm ối kopong hơngế hơngo dêi tơring Krông Bông, tung mê, ai Čư̆ Pui, Čư̆ Drăm, Yang Mao ƀă Hoà Phong. Ƀă hiâm tuăn môi mơno tiô pro kăch măng dêi hdroâng Rơđế, M’Nông ki rêh ối a tơnêi tíu ai ngo Čư̆ Yang Sing kố, H9 cho tíu ki kring vế, rak ngăn ăm Đảng ƀô̆ kong pơlê Dak Lak tung plâ hneăng hơnăm 1965 - 1975. Pơtối mơdêk hnoăng cheăng dêi kăch măng, đông Kăch măng H9 hâi kố hiăng ai tơdroăng ki mơnhông hên kơvâ ƀă dế pơhlêh rêm hâi.

VOV4.Xơ Đăng – A tơring tơkăng kong Đức Cơ, kong pơlê Gia Lai ai môi to lâm hriâm a rơnó pơtê hriâm hiăng djâ hên tơdroăng ki ro, túa ki rơkê plĕng ai pơxúa ăm mâu vâi o tơxĭn hdroâng kuăn ngo ki ai tơdroăng rêh ối pá puât. Lâm hriâm tê kơtê kố châ mâu đoàn viên, droh rơtăm dêi pơlê kân Čư̆ Ty, tơring Đức Cơ hnê.

VOV4.Xơ Đăng - Kơ’nâi lối 2 hơnăm tơbleăng tơdroăng pơkâ 749 hơnăm 2020 dêi Ngế pro xiâm hnê ngăn Chin phuh ‘na pơhlêh kơxô̆ dêi tơnêi têa, kong pơlê Kon Tum hiăng pêi châ tơƀrê mâu tơdroăng pơkâ, malối tung kơvâ pêi chiâk deăng - thôn pơlê. Kong pơlê dế mơ-eăm tah ki xơpá vâ pơhlêh kơxô̆ rĕng tâ, troh mơjiâng pêi chiâk rơkê plĕng, thôn pơlê pêi cheăng kâ rêh ối tiô túa nếo.

VOV4.Xơ Đăng - Tung hơnăm kố nah, kong pơlê Dak Lak hiăng mơhnhôk rêm khu râ tăng hên liăn, pêi tơdrêng ƀă luât pơkâ ‘no liăn mơjiâng pro, ƀă tơdroăng kơjo kum dêi Đảng, Tơnêi têa troh mâu kuăn pơlê hdroâng kuăn ngo, kơpong hơngế hơngo. Tung mê, ai hên tơmeăm khoăng ‘mâi rơnêi pro troăng prôk tiô Tơdroăng pơkâ tơnêi têa mơnhông Cheăng kâ - rêh ối pơlê pơla kơpong kuăn ngo hiăng veăng ‘no hnoăng pêi tơƀrê mơnhông tơdroăng rêh ối dêi kuăn pơlê.

VOV4.Xơ Đăng – Hên hơnăm kố, Khu mâu lêng hneăng hdrối a pơlê kong krâm Ayun Pa, kong pơlê Gia Lai pêi ai pơxúa tơdroăng mơhnhôk “Mâu lêng hneăng hdrối djâ troăng ahdrối” tung tŭm tơdroăng cheăng mơjiâng ƀă mơnhông cheăng kâ. Ƀă tơdroăng ôh tá xâu xơpá, hên mâu lêng hneăng hdrối hiăng chiâng mâu ngế ki djâ troăng lĕm ahdrối kơhnâ pêi cheăng, mơnhông cheăng kâ dêi rơpŏng hngêi, mơhno tơbleăng troh lâp lu tơdroăng kơhnâ pêi cheăng tung kuăn pơlê a mâu pơlê.

VOV4.Xơ Đăng - Mâu hơnăm hiăng hluâ, tơring Ia Grai, kong pơlê Gia Lai hiăng tơkŭm kơxô̆ liăn ƀă mơhnhôk kuăn pơlê pleăng tơnêi vâ pro mâu hngêi trăng, troăng klông. Kố xuân cho tơring apoăng dêi kong pơlê djâ tơdroăng mơhnhôk pleăng tơnêi pro troăng tung pơkâ dêi Khu pơkuâ hnê ngăn cheăng Đảng tơring ƀă mơjiâng mâu khu hnê mơhno krê ‘na pleăng tơnêi pro troăng kân. Ing tơdroăng môi tuăn dêi khu cheăng kal kí ƀă tơdroăng mơhnhôk, môi tuăn ing kuăn pơlê, hên troăng kân troh a thôn, cheăm hiăng châ pro kêi đeăng, gum thôn pơlê nếo rế hía rế xông tơtêk lĕm.

VOV4.Xơ Đăng - Pêi pro tiô tơdroăng pro nhŏng o ƀă mâu hdroâng kuăn ngo, mâu kơ koan, tíu pêi cheăng a kong pơlê Dak Lak hiăng ai hên túa pêi ki tro ƀă tơdroăng cheăng pêi ƀă ivá pêi cheăng dêi mâu tíu pêi cheăng, achê ƀă tơdroăng ki hlo ai khât a mâu pơlê. Hrĭng to kơ koan, khu tơrŭm cheăng pro nhŏng o hiăng tơrŭm ivá mơno veăng gum kuăn pơlê mơnhông cheăng kâ, mơnhông tơƀrê tung rêh ối. Ki tơrŭm krá tơniăn ƀă hnoăng cheăng pêi mê hiăng veăng ‘mâi mơnhông tơrŭm môi tuăn dêi kuăn pơlê.