VOV.K'Ho- Jơnau tơngit mho do dơ̆ bàr, ngai 02 - 11 – 2026, geh ală jơnau tơngit tờm tơnơ̆ do:

VOV.K’Ho- Càr Dăk Lăk pa yal Broă rơndăp lơh bal tiah drà Buôn Ma Thuột tus nam 2050, lơh geh ù tiah tiah drà uă anih tờm, pờ ơnàng ală bơta tờm gơn kơnờm, gùng kềng lơh sa, sơlơ tơnguh tai tàm tơrbŏ bal tiah kơh bơnơm mờ tiah jat kềng gah dà lềng đah Jum tàm gùl lơgar, lơh geh ù tiah pa gơ hòi gơ jà bơcri priă mờ sơlơ tơnguh tai bơtàu tơnguh tiah drà.

VOV.K’Ho- Tam gơl Adat Ù tiah là broă geh cau tĕ khà mờ làng bol sền gròi ngan, ngan là ală jơnau cih bè ai wơl ù, tơm wơl priă, dong kờl, rơndap ƀòn ơm kis pa mờ lơh nền giă ù. Tàm hìu pơrjum Quốc hội, uă cau ala mat neh yal broă lơh tă bơsong bơta gơ kòl bơh mùl màl, gàr niam gơnoar kuơ dipal làng bol dê, mờ kung ngui geh cồng nha bơta pràn ù tiah drơng bơtàu tơnguh lơh sa mpồl bơtiàn.

VOV.K'Ho - Bơh broă tam phan mìng kơnờm jơh tàm bơta mờng chài, lơh broă sa sươn sre tàm Dăk Lăk gam rơhời tam gơl tus ătbồ jăt broă pơlam lơh, gơ jăt bal mờ màh sồ tiah tam mờ jơnau tơnggĭt jòi gĭt anih tờm lơh. Bơta tam gơl do ờ mìng lơh geh jơnau sồr bơh drà tăc mờ lơgar ndai dê lơm mờ gam gơ tơlik jơnau sồr pa gơ wèt mờ cau lơh broă sa: lơh gơlik phan di broă pơlam lơh, cih yal wil tơl mờ kong kơnòl bè bơta niam phan lơh geh bơh sươn sre bơh sươn tơn.

VOV.K’Ho- Kòp mprơm gơlik mhàm gam gơlik geh kal ke ngan tàm càr Dăk Lăk, khà cau gơbàn kòp sùm gơguh uă mờ uă tiah geh kòp pa gơlik geh tàm mpồl bơtiàn. Tềng đap jơnau pơhìn kòp bơtờp uă, gah lơh sơnơm gam sơlơ jat sền véc- tơ, bơsong tiah geh kòp, ƀồm dà sơnơm, lơh pràn ală broă lơh rơcang lài kơryan kòp kung bè sơlơ tơnguh tai broă lơh sơm kòp; mờ kung tơngkah lài làng bol bañ sền ờ sơp kòp.

VOV.K'Ho- Tam gơl phan tam, ngui bơta chài măi mok mờ rcang bơtàu tơnguh broă lơh sa gam dong làng bol jơi bơtiàn dồ ết nă cau tàm càr Lâm Đồng tơnguh uă priă lơh geh, hời rơ hời lik klàs rƀah. Bal mờ bơta pràn bơh ală broă lơh jơnau kờñ dà lơgar, bơta tam gơl tàm broă kơlôi sơnơng, broă lơh bơh làng bol dê là bơta tờm kwơ màng nàng tơrmù rƀah kơ̆ kơnhăp.

VOV.K’Ho - Sap cing mồng tàm ală thôn ƀòn, ală gùng đơs pơnđik tiah dà lềng gam geh uă bơyô kơnòm să tàm càr Dăk Lăk sền gàr, tàm pơrdờn wơl bơh broă lơh ală mpồl đơs crih tamya tàm kâp hơ đơm dê. Tơnơ̆ tơrgùm dùl càr, ală broă lơh tìp mat lơh kwèng niam chài pơn jat tai geh bơyai lơh, lơh gơlik tai tŭ niam nàng ơruh pơnu ală bă tiah yal tơnggit bơta niam chài ƀòn tờm dê, bơsram, đòm jat mờ tàm bơrkuăt bal mờ gơp.

VOV.K'Ho-

VOV.K'Ho

VOV.K'Ho-

VOV.K'Ho- Jơnau yal yau Klau Grăn Dhŏng kòn cau Rơđê dê yal bè klau Grăn Dhŏng- dùl nă klau pơnu tơryang tơryồng, khin cha mờ geh uă nùs nhơm kờñ gơboh kòn bơnus. Klau pơnu neh sơr lèt gan uă kal ke, bơta lòng, gơ sơ̆t phan jàñ bơsak dong klàs geh ùr ơruh hàng niam.... cèng wơl rài kis wil tơl, gơboh gơbài ai hìu bơnhă mờ ƀòn lơgar in.

VOV.K'Ho - Kàl tơnhào kơphê gam tus rềp, tài bè hơ̆, rcang sền gàr suơn chi lài mờ tơngai tơnhào là broă lơh kờñ pal geh nàng sền gàr cồng nha lơh broă bơh hìu bơnhă dê.