VOV.K'Ho- Jơnau tơngit mho do dơ̆ bàr, ngai 12 - 10 – 2026, geh ală jơnau tơngit tờm tơnơ̆ do:

VOV.K’Ho- Lơh jat Jơnau lơh nền tàm pơrjum sồ 57 bơh Bộ Chính trị dê, càr Dăk Lăk lơh pràn bơto bơta chài sồ, ai drơng broă sồ tus rềp làng bol, ngan là tiah làng bol jơi bơtiàn dồ ết nă cau, tiah sar lơgar ngài tiah kal ke. Bơh ală broă lơh tàm điện thọai ngăc ngar, làng bol sồ gam rơ hời lơh geh tàm rài kis pah ngai bơh tơl nă làng bol dê.

VOV.K’Ho- Mpồl K52, Cơldŭ Chính trị, Gah đơng lam Ling klàng càr Gia Lai pa bơyai lơh lòt jòi, rồ tơrgùm geh dùl ƀồc ntìng cau chơt màng tàm jơnum làng bol tiah drà Lộc Thuận, sơnah ƀòn An Nhơn Bắc, càr Gia Lai.

VOV.K'Ho- Lơh gơlik kòi tàm Dăk Lăk gam pà gŏ gùng dà lơh jăt pa tŭ tơrmù sang nhơm ƀơ̆ tus bơdìh lơh ƀơ̆ ƀơl tiah ơm kis mơkung tơrmù priă tă bơcri bơh chờm bơh broă tơrmù khà sơntìl, phơng sih, sơnơm sền gàr phan tam, ngui dà tềm pềr mờ ờ huan chu ñhơ̆t rơhe. Tàm sàh Hoà Phú, càr Dăk Lăk, broă lơh tơrlòng lài tam kòi tơrmù sang nhơm ƀơ̆ tus bơdìh lơh ƀơ̆ ƀơl tiah ơm kis geh lam lơh tàm bă ù ơnàng 24 lồ tàm Anih Sơntìl broă lơh sa sươn sre Hoà Xuân. Bơta pal sền ngăc bơh broă lơh tơrlòng lài do dê ờ gơ ơm tàm broă bơtơl tai ală broă lơh gơlik, mờ là tam gơl broă ngui ală jơnau bơcri bơh chờm mờ ătbồ sươn sre.

VOV.K’Ho- Khà cau bơtờp kòp mprơm gơlik mhàm gơguh mhar tàm ală càr Tây Nguyên mờ gam lơh kơn jơ̆ ngan tus ală hìu sơnơm mờ pơhìn bơtờp tàm uă tiah. Anih tờm gròi sền kòp tê jê să ală càr gam mhar ngan lam lơh ală broă lơh tơrmù ƀà cau bơtờp kòp pa, gròi sền tiah kòp, ờ gŏ di lời kòp bơtờp uă tiah.

VOV.K’Ho – Tơnơ̆ 1 rlau 1 nhai mut tàm nam bơsram pa, tờm chi pa tam tàm ƀlàng Hìu bơsram ơm sa bic tơn kâp 1 mờ kâp 2 Ia Puch, càr Gia Lai neh cat cồng tơlir pa. Broă lơh bơto bơtê mờ bơsram tàm do neh gơ lòt tàm bơta rơndap tap sèng. Phan bơna hìu bơnhă dê pơn jat tai geh lơh sir mờ ală mpồl ling sền gàr tiah nhàr lơgar dờp lơh oh mi mờ hìu bơsram, bơt bơtàu dùl anih bơsram sră - pơlam tàp dipal, dong kơnòm bơsram dờng pràn tơl làm.

VOV.K'Ho- Tàm Ƀlàng dờng Đông Kinh Nghĩa Thục tàm càr lơgar Hà Nội, Ƀộ Niam chài, Tàp pràn să jan mờ Lòt nhơl bơyai lơh Dơ̆ lam lơh srơh “Tơl nă làng bol rơ wah êt ngan bơh 1 môn tàp pràn să jan dipal nàng tàp sùm”.

VOV.K'Ho-

VOV.K'Ho-

VOV.K'Ho-

VOV.K'Ho- Jơnau yal yau Klau Grăn Dhŏng kòn cau Rơđê dê yal bè klau Grăn Dhŏng- dùl nă klau pơnu tơryang tơryồng, khin cha mờ geh uă nùs nhơm kờñ gơboh kòn bơnus. Klau pơnu neh sơr lèt gan uă kal ke, bơta lòng, gơ sơ̆t phan jàñ bơsak dong klàs geh ùr ơruh hàng niam.... cèng wơl rài kis wil tơl, gơboh gơbài ai hìu bơnhă mờ ƀòn lơgar in.

VOV.K'Ho-