Broă lơh geh bơyai lơh tơn mờ tàm tơrbŏ bal pờ tơlik tơn tàm internet tus 102 sàh, sơnah ƀòn tàm càr. Kwang đơng lam bồ càr Dăk Lăk neh tơ lềt phan yal sơn đờm lơh rơndap broă lơh bơt bơtàu phan bơna tam gơl sồ càr Dăk Lăk tơngai bơh nam 2021 tus nam 2025, broă rơndap lơh tus nam 2030 – broă lơh tờm gờm chờ Pơrjum dờng Đảng ƀộ càr tơngai lơh broă bơh nam 2025 tus nam 2030. 

Càr lam lơh “100 ngai lơh broă uă” (bơh ngai 17/7 tus ngai 25/10/2025) srơh “bơsram sră jơh gùt làng bol sồ” pơnđơl pràn lơh gơ rề jơnau git wă, bơta chài măi mok yal tơnggit jơnau mờ tam gơl sồ jrô ơnàng tus tơl thôn, ƀòn, tổ zân phố. Srơh wèt tus jơnau kờñ nàng tơl nă làng bol, ngan là tiah làng bol jơi bơtiàn dồ êt nă cau mờ làng bol tàm tiah sar lơgar ngài git ngui ală broă drơng ala sồ, git ngui broă drơng ala dà lơgar pờ tơlik tơn tàm internet mờ ală măi mok sồ drơng lơh sa, kă bro. Kung tàm dơ̆ bơyai lơh, ală cau ala mat gam geh sền broă ngui ală măi mok sồ, phan AI dong kờl jòi git jơnau cih, broă rơndap lơh tam pà kâp, lam lơh sră pơ àr gơnoar atbồ dà lơgar.