Mho òr (27/07), tàm càr Điện Biên, Tổng Ƀí thư ồng Tô Lâm neh đơng lam dơ̆ lơh broă mờ Mpồl Duh broă Đảng ƀộ càr bè broă lam lơh jat ală Jơnau lơh nền tàm pơrjum, Jơnau pơn dut bơh Đảng dà lơgar dê, tơngume tờm là broă lơh bơyai lơh Pơrjum dờng Đảng ală kâp mờ rơndap tap sèng mpồl lơh broă sră pơ àr gơnoar atbồ, mpồl lơh broă sră pơ àr gơnoar atbồ.

Tổng Ƀí thư jờng rơ nùs nhơm geh kơnòl, tam gơl pa mờ tă pơgồp bơh jơh gùt Đảng ƀộ, gơnoar atbồ, mpồl phàu crong, mpồl lơh sa kă bro mờ làng bol ală jơi bơtiàn càr dê. Pơn rơ ngan là khà gơguh GRDP mờr 9% dùl nam mờ gơ hòi gơ jà rlau 95 rbô tơmàn đong priă bơcri bơh mpồl bơtiàn. Tổng Ƀí thư ồng Tô Lâm sồr tơngai tus, càr Điện Biên kờñ pal ơn broă lơh rơndap wơl mpồl lơh broă sră pơ àr gơnoar atbồ jat broă lơh gơnoar atbồ 2 kâp là dùl kơnòl broă cíñ trị tờm; kờñ pal đal git loh broă rơndap tap sèng ờ mìng ơm wơl tàm rơndap tap sèng mpồl lơh broă mờ gam pal mut tàm bơta geh ngan tơrmù lơyah mơya ờ tơrmù kơnòl broă, tơrmù mpồl lơh broă mơya tơnguh cồng nha đơng lam, sang tĕ mpồl lơh kòn gùng ờ duh pal geh, mờ kung pơgồp bal mờ kơnòl cau nă să is, gròi sền gơnoar broă.