Tơnơ̆ tŭ geh mìu dà tih dà lìu lơh aniai tơn, bơh priă dong kờl, Anih duh broă Làng bol càr Khánh Hoà neh lơh nền dong kờl tơl nă cau tàm hìu bơnhă geh hìu gơtìp ngơr bam tàm dà 1 tơlak đong. Bơdìh hơ̆ tai, kơnòm bơsram bơh kâp dùl tus hơđăng, geh dong kờl tai 800 rbô đong. Tus tŭ do, Sờh Priă jền càr Khánh Hoà neh tơrgùm jơh mờ tam pà 445 tơmàn đong nàng ală sàh, sơnah ƀòn dong kờl làng bol.

Củ tịc Anih duh broă Làng bol càr Khánh Hoà ồng Trần Phong pà gĭt: mpồl kwang bàng tàm ală sàh, sơnah ƀòn gam lam lơh uă kơnòl broă, bè: bơsong jơnau gơlời wơl, lam lơh jăt kơnòl broă bơtàu tơngguh lơh sa – mpồl bơtiàn, bơsong ală jơnau sồr jal mhar kờñ ngan bơh cau làng bol dê…Bulah bè hơ̆, broă dong kờl priă tă lơh ai làng bol in là kờñ ngan jal mhar ngan, sơrbăc mhar. Ồng Trần Phong tơngkah, dilah lam lơh lơyài ir rơ̆p lơh tơrmù tĕ jơnau gơtha niam chài kòn bơnus bơh broă dong kờl dê.