Đơs tàm Pơrjum, Tổng Ƀí thư ồng Tô Lâm cih dờp, đơs niam ngan bơta lơh ngan, pơnđơl pràn, nùs nhơm lơh krơh, lòt lài mờ ală cồng nha lơh geh bơh Anih duh broă Đơng lam Đảng Kwang àng Dà lơgar, Ƀộ Kwang àng dê tàm nam 2025. Sồr lơh bàr pe kơnòl broă tờm kwơmàng tơngai tus, Tổng Ƀí thư ồng Tô Lâm sồr, mpồl Kwang àng Làng bol tơrgùm jơh nùs jơh pràn sền gàr ngan lơngăp lơngai, niam ờdo ờdă Pơrjum dờng cau ala măt gùt lơgar dơ̆ XIV Đảng dê mờ tĕ khà cau ala măt Quôk hội khoă XVI, tĕ khà cau ala măt Mpồl duh broă Làng bol tơngai lơh broă bơh nam 2026- 2031.

Tổng Ƀí thư ồng Tô Lâm đơs sùm, nàng lơh geh cồng nha Jơnau lơh nền tàm pơrjum bơh Pơrjum dờng khoă XIV dê mờ ală gùng dà kwơmàng bơh Đảng dê kờñ pal jơh nùs lơh ngan, lơh ngan dờng ngan, bơta tam gơl pràn kơldang bơh jơh gùt Đảng, gùt làng bol, gùt ling klàng dê bal mờ nùs nhơm jơh ală tài bơta bơtàu tơngguh bơh dà lơgar dê, tài gơboh gơbài Làng bol dê; tàm hơ̆ gơnoar broă, bơta tă pơgồp bơh mpồl Kwang àng Làng bol dê is ồn kwơmàng ngan.