Tam pà 1 rơbô 100 tơmàn đong dong kờl jal mhar 4 càr tiah tàm Gùl lơgar mờ Tây Nguyên in nàng bơsong bơta gơlời wơl bơh mìu dà tih dà lìu
Thứ hai, 13:20, 24/11/2025
Cau mblàng Ndong Brawl/VOV
Cau mblàng Ndong Brawl/VOV
VOV.K'Ho- Phó Thủ tướng ồng Hồ Đức Phớc pa kĭ Sră nàng dong kờl jal mhar priă ai 4 càr Khánh Hoà, Lâm Đồng, Gia Lai mờ Dăk Lăk in nàng bơsong bơta gơlời hoàc huơr tài bơh mìu dà tih dà lìu.
Jăt mờ hơ̆, 1 rơbô 100 tơmàn đong priă tă bơh priă prăp gàr kes priă dà lơgar nam 2025 geh tam pà nàng lơh jăt ală kơnòl jal mhar, bè lơh wơl phan bơna gùng lòt, brồ guh wơl lơh sa, dong kờl rài kis mờ gàr niam rài kis mpồl bơtiàn.
(Tàm hơ̆: càr Khánh Hoà geh dong kờl 150 tơmàn đong, càr Lâm Đồng 300 tơmàn đong, càr Gia Lai 150 tơmàn đong, càr Dăk Lăk 500 tơmàn đong). Cíñ phủ sồr ală càr rơcang tă ndrờm bal kes priă, mờ hòi jà tai priă di mờ adăt boh lam ndai nàng lơh geh cồng nha, di mờ jơnau geh ai, gàr niam broă lơh loh làng, ndrờm bal. Jơnau do pà gŏ broă sền gròi, sồr lơh di tŭ bơh Cíñ phủ dê tàm broă dong kờl làng bol tiah gơtìp rềs àr bơh trồ tiah, tơrmù ờ uă ngan hoàc huơr, kơl jăp rài kis mờ gờñ brồ guh wơl lơh sa mpồl bơtiàn.
Viết bình luận