Ngai do (01/12), Sơn đờm mŭt lơh “mhar lơh pa, lơh niam wơl hìu ai làng bol gơtìp dà tih dà lìu” in rơ̆p dơ̆ lĕ bal geh bơyai lơh tàm càr Dăk Lăk, do là càr pa gơtìp hoàc huơr uă ngan bè kòn bơnus bal mờ phan bơna tàm dơ̆ dà tih dà lìu dờng ngan bơh lài tus tŭ do pa do. Kờp dŭ là rơlao 680 nơm hìu lơh pa.

Bal mờ càr Dăk Lăk, Dơ̆ sơn đờm mŭt lơh, mhar lơh hìu dong kờl làng bol tàm tiah dà tih dà lìu kung geh bơyai lơh tàm càr Gia Lai, Khánh Hoà mờ priă tă lơh ờ uă ngan 170 tơlăk đong tàm 1 nơm hìu. Dơ̆ sơn đờm mŭt lơh geh lơh jăt Jơnau sồr bơh Thủ tướng ồng Phạm Minh Chính dê bè broă lam lơh, lơh “Broă lơh Quang trung” mhar lơh wơl, lơh niam wơl hìu ơm ai ală hìu nhă geh hìu gơtìp aniai tài ală dơ̆ rềs àr bơh trồ tiah pa do tàm ală càr tiah tàm gùl lơgar in. Tàm hơ̆ sơnah ƀòn Tuy An Bắc là tiah geh Anih duh broă Làng bol càr Dăk Lăk pơgồp bal mờ ling klàng bơyai sơn đờm mŭt lơh broă lơh mhar lơh, lơh niam wơl hìu ai làng bol gơtìp mìu càl dờng dà tih dà lìu pa do in. Anih duh broă Làng bol càr Dăk Lăk lơh ngan lơh pa 684 nơm hìu; lơh niam wơl rơlao 1 rơbô 500 nơm hìu mờ lơh 333 nơm hìu pơrjum mpồl bơtiàn pơgồp bal mờ rơcang pleh dà tih tàm thôn, ƀòn mờ kờp jơh priă tă lơh di pơgăp 800 tơmàn đong.