Đơs tàm Anih cribơyai, Thủ tướng ồng Phạm Minh Chính đơs loh: Anih cribơyai Lơh sa kàl hàm nam 2025 ờ mìng là dùl broă ală lơgar kuơmàng, mờ gam là tềl pờ gơs dùl gơl gùng pa bềng bơta kơp kơnờm tàm gùng lơh broă bal bơtàu tơnguh mờ mut gơ rờm bal ală lơgar bơh Việt Nam dê; tài ring lơngai, kơ̆ kơnhăp, lơh broă bal mờ bơtàu tơnguh tàm tiah do mờ tàm dunia. Thủ tướng đơs sùm, Anih cribơyai Lơh sa kàl hàm nam 2025 là broă kuơmàng ai tơnggŏ loh làng bồ tơngoh jak bơtòm tơrgùm bal, broă rơndap lơh tam pà bal mờ lơh broă gơ rề uă bơh Việt Nam dê bal mờ mpồl bơtiàn ală lơgar. Thủ tướng pin dờn ală jơnau bơceh mờ jơnau hơ pơrgon geh đơs tàm Anih cribơyai Lơh sa kàl hàm nam 2025 rơp pơn jat tai gơ rề uă mờ geh lam lơh ngan ngồn mờ ală broă lơh ngan ngồn – pờ gùng ai ală bơta kơp kơnờm lơh broă bal pa mờ ală broă lơh ngan ngồn in nàng bal mờ gơp bơt bơtàu dùl rơnàng tơnơ̆ do bơtàu tơnguh tơlir, bơtàu tơnguh sồ mờ niam chài kòn bơnus ai jơh ală kòn bơnus dunia in.