Mut tàm tơngai lơh broă pa, Mặt trân Dà lơgar Việt Nam càr Gia Lai lam lơh 6 broă lơh lơh broă tờm; Tam gơl pa mblàng yal, lơh geh bơta ring bal mpồl bơtiàn; chồl pràn mblàng yal sồ mờ gĭt ală bơta mpồl bơtiàn; Tơnguh uă cồng nha jat sền mờ hơ wơl; lơh kơ̆ ală broă lơh làng bol lơh tờm tàm ƀòn lơgar; Lơh jat geh cồng nha ală dơ̆ hòi jà, srơh tàm pơrlòng kơnhăp kơ̆.

Đơs đơng lam tàm pơrjum dờng, Ƀí thư Tỉñ ủy càr Gia Lai ồng Thái Đại Ngọc sồr Mặt trận càr tàm tơngai tus pơn jat tai lơh jat gơnoar broă tờm tàm broă bơt bơtàu mpồl tam klăc dờng jơh gùt jơi bơtiàn dê. Pơrjum dờng neh cribơyai ai 134 nă kwang bàng, Mpồl Duh broă sùm geh 9 nă cau; ồng Nguyễn Ngọc Lương, Phó Ƀí thư Tỉñ ủy càr, Củ tịc Anih duh broă Mặt trận Dà lơgar Việt Nam càr tơngai lơh broă bơh nam 2024-2029, pơn jat tai geh pồ at gơnoar broă Củ tịc Anih duh broă Mặt trận Dà lơgar Việt Nam càr khoă I. Pơrjum dờng kung cribơyai ai Mpồl cau ala mat geh 26 nă cau tàm mpồl tus bal Pơrjum dờng cau ala mat gùt lơgar Mặt trận Dà lơgar Việt Nam càr Gia Lai tơngai lơh broă bơh nam 2026-2031.