VOV.K’Ho – Ngai 06/01, tàm Hìu lơh broă Quôk hội, Đảng, Dà lơgar yŭ rơyùm bơyai lơh tơngkah 80 nam Ngai tĕ khà dờng bơh sơn rờp pồ Quôk hội Việt nam (06/01/1946 – 06/01/2026).

VOV.K’Ho – Càr Gia Lai neh tơrmù pràn ngan broă rơndap lơh bơsong sră pơ àr gơnoar atbồ tàm uă gah – ai tơnggŏ bơta pơnđơl lơh ngan tam gơl anih bơcri priă – kă bro, tơnguh bơta niam drơng broă làng bol mờ mpồl lơh sa kă bro in.

VOV.K'Ho- Jơnau kah yau jơi bơtiàn Việt Nam dê là gùng lòt sùm bơh ală tŭ tơngai kwơmàng, ală tam gơl dờng, tŭ tơl jơnau lơh nền khin cha, dipal ngan ndrờm pờ gơlik dùl rài bơtàu tơngguh pa. Tàm gùng lòt hơ̆, Dơ̆ tĕ khà dờng ngai 06/1/1946 ờ mìng là dùl broă lơh cíñ trị dờng kwơmàng ngan, mờ gam là tŭ tơngai kah yau sơnđờm ai rài lơngăp lơngai is, khăt gơboh, làng bol lơh tờm bơh jơi bơtiàn Việt Nam dê. Sền wơl broă lơh kah yau do tàm bơta dà lơgar he tŭ do gam mŭt tàm rài brồ să jơi bơtiàn dê, sơlơ pà gŏ bơta kwơ kơ̆ kơl jăp mờ ală jơnau bơsram jrô ơnàng gơcèng bơta tŭ tơngai dê.

VOV.K'Ho- Klo ngai 05/01, Thủ tướng ồng Phạm Minh Chính neh wă ồng Vladimir Petrovich Evtushenkov, Củ tịc Tập đoàn AFK Sistema, lơgar ală ƀang Nga.

VOV.K'Ho- Anih duh broă Làng bol càr Gia Lai pa ai lơh jăt Ală jơnau neh lơh nền “Lơh niam gơnoar broă đoàn viên, ơruh pơnu dê tàm tam gơl sồ mpồl bơtiàn tơngai bơh nam 2026- 2030”, mờ jơnau kờñ ai bơta chài lơh broă mờ bơta ƀươn kwơ sồ dê tus rềp mờ làng bol, mpồl lơh sa kă bro bơh ƀòn lơgar tơn.

VOV.K’Ho- Drim òr (05/01), tàm Hà Nội, Mpồl Tă pơgồp jơnau đơs mờ Dong broă Dà lơgar bơyai lơh dơ̆ tơngkah kir sơnrai 60 nam Ngai bơhiàn Tă pơgồp jơnau đơs mờ Dong broă Đảng (5/1/1966 - 5/1/2026) mờ dờp rò Sơlòng Hồ Chí Minh dơ̆ 2.

VOV.K’Ho- Gah đơng lam Ling klàng càr neh tă pơgồp jơnau đơs mờ Duh broă sùm Tỉñ ủy càr Dăk Lăk bơyai lơh jàu rùp nggùl să Củ tịc Hồ Chí Minh pà ai 102 sàh, sơnah ƀòn tàm ù tiah dê in. Do là broă lơh geh gơtha wèt tus gờm chờ 80 nam Ngai Tĕ khà dờng sơn rờp bơh Quôk hội Việt Nam mờ gờm chờ Pơrjum dờng cau ala mat gùt lơgar dơ̆ 14 bơh Đảng dê.

VOV.K’Ho- Lơh jat jơnau pơlàm gùng bơh Dà lơgar dê bè lơh jat 3 tam gơl pràn kwơ màng, lơh geh bơnàng jă ai bơtàu tơnguh mhar mờ kơnhăp kơ̆, càr Khánh Hoà gam rcang lài lơh loh làng mờ ală broă lơh ngan ngồn. Broă tờm ngan tềng đăp mat là lơh pràn tam pà kấp, jàu gơnoar pơgồp bal mờ yờ tơnguh uă kơnòl bơh anih lơh broă geh jàu gơnăp gơnoar dê, ai tam gơl niam tiah bơcri priă, bơtàu tơnguh pràn jak lơh sa pa lơh broă lơh tam gơl pràn.

VOV.K'Ho- Ngai òr (04/01), tàm Hìu Quốk hội, Phó Củ tịc Duh broă sùm Quốk hội ồng Đỗ Văn Chiến neh tus sền dơ̆ tàp dŭt ndơl dơ̆ Tơnkah 80 nam Ngai bơyai lơh Tĕ khà dờng bơh sơnrờp pồ Quốk hội lơgar Việt Nam (06/1/1946 – 06/1/2026).

VOV.K'Ho- Ală gùng dà broă lơh bè bơto bơtê ai tiah làng bol jơi bơtiàn ờ gal cau, tiah ngài neh cèng geh ală cồng nha loh làng tàm càr Gia Lai. Uă kơnòm bơsram geh dong kờl di tŭ bè sào sa, hìu ơm, priă bơsram, lòt rê, neh dong kờl khà kơnòm bơsram lòt bơsram gơguh, broă kơnòm sơbì bơsram gơmù. Uă broă dong kờl ai mpồl cau pơgru kung neh dong kờl ală cau pơgru iang nùs bơto. Kơnờm mờ hơ̆, broă bơto mờ bơsram geh niam rơlao, cồng nha bơto bơtê geh gơguh.