VOV.K'Ho- Mờ jơnau kờñ nam 2029 lơh gơs mờ ai ngui gơl gùng rơndeh lòt mhar Quy Nhơn – Pleiku, tŭ do càr Gia Lai gam lơh ngan tơm ntrờn ù tiah mờ lơh jăt broă lơh tơnguh mhar lơh ală tiah trồm gùng, rơbàng gùng tàm jơh gùt gơl gùng. Mờ nùs nhơm “Sơrlèt trồ tơngai jai pha trồ mìu”, càr gam lơh ngan lơh mhar broă lơh, mơya kung gam pal gàr kơl jăp broă lơh mờ ring lơngai rài kis làng bol tàm tiah geh rơndăp broă lơh.

VOV.K’Ho- Pơgap mờ do tòm 80 nam, Mpồl ling dimơ 146- Mpồl ling sơn rờp bơh Mpồl ling dờng dimơ 146 (Mpồl ling Trường Sa dê), Tiah 4 Ling dà lềng, geh tơnggơs, cèng bal gơnoar broă is ồn dờng màng: sền gàr gơnoar tờm ală bồt dờng Trường Sa bơh Dà lơgar tờm dê. Bơh ală ngai sơn rờp gam rơbô bơta kal ke, suơ̆i siar tàm tiah dà lềng, ală rơnàng kwang bàng, cau ling Mpồl ling dờng dimơ 146 neh kơ̆ nùs dòn song ơm kơ̆ tàm bồt, sơr lèt gan bòl glar kal ke, bơt bơtàu nùs nhơm rcang gàr lài kơnhăp kơ̆ tàm tiah dà lềng rơya dờng. 48 nam bơt bơtàu, tam lơh mờ tào dờng kung là 48 nam ală rơnàng kwang bàng, cau ling Mpồl ling Trường Sa cih tai jơnau cih dờng màng sền gàr dà lềng mờ dà kơl hề, nùs nhơm lơh ngan, kơnòl mờ jơh bal bơta phi să ngềt ngơ̆t.

VOV.K'Ho- Tàm Hà Nội, Cơldŭ lơh broă Củ tịc lơgar bơyai lơh pơrjum ƀăo yal Jơnau sồr bơh Củ tịc lơgar dê bè 9 adăt neh geh Dơ̆ pơrjum dơ̆ Dùl, Quôk hội khoă XVI ring bal.

VOV.K'Ho- Mpồl lơh broă bơh Broă lơh Bơtàu tơngguh Liên hợp quốc dê (UNDP) mờ Mpồl Ătbồ Dà lơgar ală rơndăp broă lơh dà bơtơ̆t rbòng dà (CPO) geh dơ̆ lơh broă mờ Anih duh broă Làng bol càr Dăk Lăk nàng kờñ tă bơsong ală gơkòl tàm lam lơh ală rơndăp broă lơh gơdờp mờ tam gơl nhơm trồ tiah.

VOV.K'Ho- Anih duh broă Làng bol càr Lâm Đồng neh ai lơh jăt Broă rơndăp lơh ai priă bơcri dà lơgar nam 2026, jơnau kờñ pơnđơl lơh jăt ai priă 100% broă rơndăp lơh geh jàu, pơgồp bơnah lơh geh gơguh “2 nơm khà”.

VOV.K’Ho- Ngai 13/5, tàm Hà Nội, Tổng Ƀí thư, Củ tịc lơgar ồng Tô Lâm đơng lam dơ̆ lơh broă mờ bàr pe Ƀộ, mpồl, gah broă, anih lơh broă bè bơyai lơh, broă lơh bơh Mpồl Sồr lơh Dà lơgar dê bè lơh sir kơrnoat boh lam, adat boh lam mờ Mpồl Sồr lơh tam gơl pa wơl sền gàr adat boh lam Dà lơgar.

VOV.K’Ho- Mho ngai 13/5, Tỉñ ủy càr Dăk Lăk pơrjum Mpồl Sồr lơh bơcri priă bơt bơtàu hìu bơsram ai ală sàh tiah nhàr lơgar, ai tơlik gùng dà broă lơh hòi jà mpồl cau dong kờl broă lơh hìu bơsram nàng di tŭ ai hìu bơsram mut bơsram tàm nam bơsram pa.

VOV.K’Ho - Drim ngai 13/5, - Củ tịc Quôk hội ồng Trần Thanh Mẫn đơng lam dơ̆ lơh broă mờ Mpồl sồr lơh bơh Quôk hội dê bè bơtàu tơnguh jak chài, măi mok tam gơl pa bơceh lơh, tam gơl sồ dà lơgar mờ Mpồl sồr lơh tam gơl sồ bơh Quôk hội dê.

VOV.K'Ho- Ƀí thư Đảng Dà lơgar, Ƀí thư Đảng ủy Mặt trận Dà lơgar, ală mpồl cau dà lơgar, Củ tịc Anih duh broă Mặt trận Dà lơgar Việt Nam khoă X mò Bùi Thị Minh Hoài, pơn jat tai geh pin dờn uă, pơrjum bơyai pồ at gơnoar broă Củ tịc Anih duh broă Mặt trận Dà lơgar Việt Nam khoă XI, tơngai lơh broă bơh nam 2026 – 2031.

VOV.K’Ho- Drim ngai 13/5, tàm tiah Kah kơlôi cau ling Gạc Ma (càr Khánh Hoà), Mpồl lơh broă sồ 17 còp mờ lơh broă tàm bàr pe bồt gơwèt Tiah is ồn Trường Sa (càr Khánh Hoà) mờ hìu dra DK1 neh bơyai lơh dơ̆ chu ñàng kah kơlôi 64 nă kwang bàng, cau ling Ling dà lềng Làng bol Việt Nam neh khin cha chơ̆t phi să tàm broă lơh Gạc Ma ngai 14/3/1988.