VOV.K'Ho- Bơh tàm ală tam gơl tàm tiah làng bol jơi bơtiàn ờ gal cau tàm càr Lâm Đồng dê, ală kra ƀòn, cau geh bơngă pin dờn kung gam là anih kơl dìng bơh ƀòn lơgar dê, là cau tơrbŏ bal ai gùng dà broă lơh bơh Đảng, adăt boh lam bơh dà lơgar dê tus mờ tơl hìu làng bol. Mờ bơngă pin dờn bal mờ kơnòl, ală cau do pơgồp bal tàm broă lơh geh nùs nhơm ring bal mpồl bơtiàn, gàr bơta niam chài, bơ̆t bơtàu mpồl tam klăc dờng mờ dùl nùs bal bơtàu tơnguh lơh sa mpồl bơtiàn càr dê.

VOV.K’Ho- Di dơ̆ tơngkah kir sơnrai 50 nam ngai ƀòn dờng Hồ Chí Minh chờ hờp cèng mat Chủ tịch Hồ Chí Minh, drim 1/7, Anih duh broă làng bol ƀòn dờng Hồ Chí Minh bơyai lơh sơnđờm mut lơh 8 broă lơh bơt bơtàu, rơndăp broă lơh tờm mờ kờp jơh priă bơcri lơh rlau 253 rơbô tơmàn đong.

VOV.K'Ho- Mho ngai 30/6, tàm Hìu duh broă Đảng Dà lơgar, ồng Tô Lâm, Tổng Bí thư, Chủ tịch lơgar đơng lam Dar pơrjum dơ̆ sơnrờp bơh Mpồl Sồr lơh Dà lơgar dê bè lơh broă mờ lơgar ndai mờ mŭt gơrờm bal mờ ală lơgar.

VOV.K’Ho- Drim do (01/07), mpồl ala mat Thành ủy, Mpồl duh broă Làng bol, Anih duh broă Làng bol mờ Anih duh broă Mặt trận Dà lơgar Việt Nam ƀòn dờng Hồ Chí Minh bơyai lơh pơ dơng bơkàu kah kơlôi Chủ tịch Hồ Chí Minh tàm Suơn bal rùp mòn Chủ tịch Hồ Chí Minh, di tơnkah 50 nam ngai ƀòn dờng Sài Gòn - Gia Định pơn yờ să cèng mat sơnđan Chủ tịch Hồ Chí Minh.

VOV.K'Ho- Tơnơ̆ tŭ yal Rơndap ù tiah càr mờ bơyai lơh geh cồng nha Pơrjum hòi jà bơcri priă mờ 25 rơndap broă lơh geh lơh sră cơng tàng, kờp jơh priă bơcri rơlao 40 rbô 200 tơmàn đong, càr Dăk Lăk gam geh uă tŭ niam bơtàu tơnguh.

VOV.K’Ho- Tàm tơngai ală jơnau sồr tơlir ngai sơlơ gơ gơs bơta sồr pal geh nàng tus bal ală anih kă bro gùt plai ù, ală tiah tàm Tây Nguyên gam rcang lài tam gơl broă lơh bơtàu tơnguh jat gùng dà tơlir, pa ngan mờ kơ̆ kơnhăp. Tam gơl tơlir ờ mìng là jơnau sồr mut gơrờm bal lơm mờ gam pờ geh tŭ tơngai tơnguh uă bơta pràn jak tàm pơrlòng, gơ hòi gơ jà bơcri priă mờ sơlơ tơnguh tai bơta kwơ phan bơna dê.

VOV.K'Ho- Ngai òr (30/06), Mpồl duh broă Làng bol càr Lâm Đồng khoă XI, tơngai lơh broă bơh nam 2026 tus 2031 bơyai lơh Dar pơrjum dơ̆ 4, tơrgùm sền wơl cồng nha bơtàu tơnguh lơh sa mpồl bơtiàn 6 nhai bồ nam, ai geh uă kơrnoăt boh lam, broă lơh bal mờ kơnòl tờm 6 nhai lồi nam 2026.

VOV.K'Ho- Drim òr (30/06), tàm Hìu Quốc hội, Bộ Chính trị bơyai lơh Pơrjum gùt lơgar kơlôi sơnơng, bơsram, đờm jăt mờ lơh jăt Jơnau lơh nền tàm pơrjum sồ 10 ngai 08 nhai 6 nam 2026 bơh Bộ Chính trị dê bè bơtàu tơnguh lơh sa geh priă bơcri lơgar bơdìh dê.

VOV.K'Ho- Pơrjum yal rơndap ù tiah càr Dăk Lăk tơngai bơh nam 2021 tus nam 2030, broă rơndap lơh tus nam 2050 mờ Hòi jà bơcri priă nam 2026. Tàm pơrjum, ală cau bơcri priă neh kĭ sră cih kah lơh broă bal bơcri priă tàm càr Dăk Lăk mờ kờp jơh priă bơcri cih tàm sră rlau 1 tơlak tơmàn đong.

VOV.K’Ho- Anih cribơyai lơh sa Làng bol dê lơh is Việt Nam 2026 geh lơh dar kâp hơ đơm tàm càr Dăk Lăk. Ờ mìng tàm bơyai bè tam gơl wơl kơrnuat boh lam, anih cribơyai gam tơrgùm jòi broă lơh ai ală bơta gơ kòl gam lơh kòl yan tiah lơh sa nă să is bơtàu tơnguh, bơh sră pơ àr gơnoar atbồ, ù tiah tus tam gơl sồ mờ cau lơh broă.