VOV.K’Ho- Mho ngai 27/8, tàm Hìu lơh broă Chính phủ, ồng Lê Minh Hưng- Thủ tướng Chính phủ wă Kwang atbồ anih lơh broă ala mat lơgar ndai, Cau lam bồ anih lơh broă ala mat cribơyai broă mờ lơgar ndai ală lơgar Asean tus còp să.

VOV.K’Ho- Ngai (27/8), Mpồl lơh broă bơh Bộ Priă jền neh geh dơ̆ lơh broă mờ Anih duh broă Làng bol càr Quảng Ngãi bè broă bơtàu tơnguh lơh sa mpồl bơtiàn bơh tiah do dê.

VOV.K’Ho - Broă lơh bơt bơtàu Hìu bơsram ơm sa bic tơn bàr kâp tàm sàh tiah nhàr lơgar Ia Puch, càr Gia Lai gam lơh sir cơldŭ bơsram, tiah ơm sa bic tơn tus lơh niam ƀlàng hìu bơsram, di tŭ wă kơnòm bơsram tàm ngai sơn đờm mut nam bơsram pa.

VOV.K'Ho- Mho ngai 27/8, tàm Hìu duh broă Đảng Dà lơgar, ồng Tô Lâm, Tổng Bí thư, Chủ tịch lơgar đơng lam dơ̆ lơh broă mờ Mpồl Rơndăp broă Dà lơgar mờ ală anih lơh broă geh gơrềng ai jơnau đơs bè Ală jơnau neh lơh nền sơlơ tơngguh, bơ̆t bơtàu, lơh niam wơl tai Đảng mờ ală anih lơh broă chính trị sàng goh, kơnhăp pràn tơl làm, lơh geh jơnau sồr bơtàu tơngguh dà lơgar dê tàm tơngai pa.

VOV.K'Ho- Anih duh broă Làng bol càr Dăk Lăk neh ai lơh jăt jơnau lơh nền ai gơnoar Kông ty Pơgồp bal priă Bơtàu tơngguh Năng lượng lơh geh wơl Nam Việt Phú Yên lam lơh rơndăp broă lơh Hìu măy đèng càl pràn 48 MW, kờp jơh priă bơcri lơh mờr 1 rbô 460 tơmàn đong.

VOV.K'Ho- Drim òr (27/08), tềng đăp mờ broă đơng lam bơh ồng Lê Minh Hưng, Thủ tướng Chính phủ, Bộ Bơto bơtê mờ Bơsram bơyai lơh Pơrjum tơn jơh nam bơsram 2025-2026, lơh jăt kơnòl broă nam bơsram 2026-2027.

VOV.K'Ho- Drim òr (27/08), ồng Trịnh Văn Quyết, Kwang lam bồ Mpồl mblàng yal mờ Bơto bơtê Dà lơgar neh tus jào Gai lòng 80 sơnam Đảng ai 3 nă đảng viên dờng sơnam tàm càr Thanh Hoá in.

VOV.K'Ho- Mpồl lơh broă bơh Anih duh broă Làng bol càr Dăk Lăk lòt sền bàr rơndăp broă lơh tiah drà tờm tàm sơnah ƀòn Tân An.

VOV.K’Ho - Tơngkah kir sơnrai 81 nam Kac màng nhai 8 mờ Sơntờm Dà lơgar (02/9), drim ngai 27/8, tàm Hà Nội, ồng Trần Thanh Mẫn - Chủ tịch Quốc hội tus bal dơ̆ yal tơnggit pang sră “Bơta pràn jơi bơtiàn Việt Nam dê tàm broă lơh bơt bơtàu mờ sền gàr Dà lơgar tờm” bơh Đại tướng Lương Cường - Chủ tịch lơgar lài do dê.

VOV.K’Ho- Mho òr (26/08), tàm Cơldŭ lơh broă Đảng Dà lơgar, ồng Tô Lâm, Tổng Bí thư, Chủ tịch lơgar lơh broă mờ Mpồl rơndăp broă Dà lơgar bè Ală jơnau neh lơh nền tơn jơh Jơnau lơh nền tàm pơrjum sồ 26 bè tơrgùm bơt bơtàu mpồl kwang bàng ală kấp ngan là kấp kwơ màng.