Tàm dar pơrjum ƀùi drim, Quốc hội cribơyai bè rơndap lơh Adat tam gơl, bơtơl bàr pe bơta bơh Adat Bơcri priă mờ Adat ai is, bơkiar mô, phan să jan kòn bơnus mờ pà, ai ƀồc cau chơt (tam gơl). Ƀộ trưởng Ƀộ Priă jền mờ Ƀộ trưởng Ƀộ Lơh sơnơm rơp mblàng lơh loh ală broă mờ cau ala mat sền gròi. Ƀùi mho, Quốc hội cribơyai bè ală rơndap lơh Adat cau chài cah rơña mờ Adat ròng kòn ròng (tam gơl); Ƀộ trưởng Ƀộ sền gàr adat boh lam mblàng lơh loh ală jơnau đơs cau ala mat dê.

Tàm poh do, Quốc hội pơn jat tai sền swì uă rơndap lơh adat gơ wèt ală gah lơh sa, kes priă, dia, lơngăp lơngai, tiah ơm kis, năng lượng mờ atbồ mpồl bơtiàn. Mờ kung ală cau ala mat cribơyai bè jơnau lơh nền bơcri priă Broă lơh Jơnau kờñ dà lơgar rơcang lài, kơryan cau tìs tơngai bơh nam 2026 tus nam 2035 mờ bàr pe tơngume kuơmàng ndai. Kờp dŭ lài, drim ngai dơ̆ poh, Quốc hội pờ tê ring bal Jơnau lơh nền tàm pơrjum bè broă rơndap lơh bơtàu tơnguh lơh sa - mpồl bơtiàn nam 2027.