Ồng Tô Lâm, Tổng Bí thư, Chủ tịch lơgar đơs nền Việt Nam sùm kờñ broă lơh bơ̆t bơtàu, bơtàu tơngguh dà lơgar Campuchia; đơs sùm gĭt gơ̆p đah 2 Đảng, 2 lơgar Việt Nam – Campuchia mờ pe Đảng, pe lơgar Việt Nam – Campuchia – Lào là jơtài kwơmàng ngan kờñ pal pơn jăt tai prăp gàr, ngui niam. Tổng Bí thư, Chủ tịch lơgar sồr tơngguh uă cồng nha lơh broă ală mpồl lơh broă bal gam geh tŭ do, ngan là dơ̆ tìp đah đơng lam Chính phủ, Ling klàng, Kwang àng mờ Cribơyai broă mờ lơgar ndai pe lơgar.

Đơs niam ngan cồng nha pơrjum bơyai đah ồng Hun Manet, Thủ tướng lơgar Campuchia mờ ồng Lê Minh Hưng, Thủ tướng lơgar Việt Nam, Tổng Bí thư, Chủ tịch lơgar tơlik nùs nhơm chờ hờp tềng đăp bơta bơtàu tơngguh tơl làm bơh gĭt gơ̆p 2 lơgar dê, mờ bơnàng jă là pin dờn chính trị, lơh broă bal ling klàng – kwang àng kơ̆ kơnhăp, kă bro phan gơguh tai niam, tìp măt lơh kwèng ơruh pơnu ngai sơlơ li la. Bàr đah kung đơs sùm gơnoar broă pơlam gùng jŏ jòng Đảng dê, mơkung tam pà bơta wèt sền bè chồl tơngguh lơh broă bal jak chài, măy mŏk mờ tàm tơrbŏ bal bơtàu tơngguh tàm tŭ tơngai pa.