Tơnơ̆ dùl nam lam lơh, càr Dăk Lăk neh pồ tơl 102 mpồl lơh broă sră pơ àr gơnoar ătbồ kâp sàh, ai Anih tờm Drơng broă sră pơ àr gơnoar ătbồ dà lơgar dê mŭt lơh broă, pơgồp bơnah tơrmù dipal mpồl lơh broă, tơngguh uă cồng nha bơsong sră nggal sră pơ àr gơnoar ătbồ mờ drơng làng bol, mpồl lơh sa kă bro in. Bulah bè hơ̆, ƀòn lơgar kung gam tìp sơl kal ke bè pơgồp bal tàm tơrbŏ đah ală kâp, ờ tơl cau lơh broă gĭt wă broă mờng lơh tàm bàr pe broă mờ kơn jơ̆ lơh bal tai kơnòl broă gơ wèt mờ kwang bàng kâp hơđơm.

Đơs tàm dơ̆ lơh broă, mò Bùi Thị Quỳnh Vân, Lam bồ phó Mpồl Rơndăp broă Dà lơgar cih dờp ală jơnau dan bơh càr Dăk Lăk dê gơrềng tus rơndăp mpồl lơh broă, cau lơh broă sa priă nhai, bơta dong kờl mờ tam gơl sồ nàng tơrgùm wơl, yal kâp geh gơnăp gơnoar in, lơh bơnàng jă lơh sir kơrnoăt boh lam, gùng dà broă lơh tàm tơngai tus.