Tàm dơ̆ wă, Lam bồ Mpồl Mblàng yal bơto bơtê mờ Hòi jà làng bol Dà lơgar ồng Trịnh Văn Quyết boh bơr mờ Kwang ătbồ Anih lơh broă ala măt lơgar Cuba tàm Việt Nam ồng Rogelio Polanco Fuentes bè ală broă tờm kwơmàng lơh broă bal đah bàr Đảng tàm gah broă bồ tơnggoh, mblàng yal bơto bơtê, lơh gơs sră; dùl nùs ring bal pơgồp bal hòi jà lam lơh jăt Jơnau cribơyai ring bal lơh broă bal đah Mpồl Mblàng yal bơto bơtê mờ Hòi jà làng bol Dà lơgar mờ Mpồl Bồ tơngoh Dà lơgar Cuba, tàm hơ̆ geh bơyai lơh pơrjum cribơyai mìng dùl tơnggume tàm nam 2026.

Di dơ̆ do, ồng Trịnh Văn Quyết đơs nền Đảng, Dà lơgar mờ Làng bol Việt Nam sùm jăt sền mờ ơm rềp bal mờ Đảng, Dà lơgar mờ Làng bol Cuba; tơlik nùs nhơm pin dờn Đảng Kộng sản Cuba, mờ bơta kơ̆ nùs cíñ trị kơ̆ kơl jăp, bồ tơngoh gĭt wă mờ mờng chài kăc màng rơ̆ ru, sùm lơh kơ̆ kơl jăp tam klăc jơh gùt Đảng, gùt làng bol, geh ală broă lơh bơsong dipal nàng sơrlèt tơl ală bơta lòng, kơ̆ nùs jơnau kờñ kăc màng.