Thủ tướng đơs sùm, broă lơh jat jơnau sồr kŭp ka tàm dà lềng IUU (broă lơh kŭp phan dà lềng tìs mờ adat boh lam, ờ yal mờ ờ lơh jat jơnau sồr) ờ mìng nàng lơh geh jơnau sồr jal mhar lơm mờ kwơ màng rlau tai là tài jơnau kờñ kwơ màng hơ̆ là: gàr niam broă lơh sa kơnhăp kơ̆ ai làng bol in mờ đơs nền bơta pin dờn bơh dà lơgar dê.

Nàng lơh ngan ngồn jơnau kờñ do, Thủ tướng ồng Phạm Minh Chính pà gĭt, Cíñ phủ Việt Nam neh lam lơh kràñ cê jơh nùs uă mpồl broă lơh bè lơh sir kơrnoat boh lam, jơh nùs iăt kơno ală jơnau tơngkah bơh Anih duh broă câu Âu (EC) dê nàng tă bơsong ală bơta kòl yan adat boh lam bơh sơn rờp. Bơyai lơh atbồ mờ jat sền, lơh pràn tam gơl sồ, pơgồp bal mờ ală jơnau làng bol ơm kis mờ atbồ ơhò, plung mờ ngui ală măi mok jat sền gùng lòt (VMS). Bơdìh hơ̆, lơh jat adat boh lam, lơh glài kràñ, yă ală broă lơh lơh tìs tàm tiah dà lềng lơgar ndai mờ tras kŭp ka tìs mờ adat boh lam dê.