Jơnau kờñ do geh đơs tàm Pơrjum bơto pơlam tơnguh Sơñio khà tam gơl pa bơceh lơh càr dê (PII) nam 2026 bơh Sờh Jak chài mờ Măi mok càr Dăk Lăk dê bơyai lơh.

Nàng lơh geh jơnau kờñ do, càr Dăk Lăk sền gĭt tơrgùm tơnguh cồng nha ală sơñio khà bơnah bơh PII dê, ngan là ală broă jàu gơrềng tus bơta pràn jak kơlôi sơnơng mờ bơtàu tơnguh, mpồl cau jak chài măi mok, lơh broă tam gơl pa bơceh lơh tàm mpồl lơh sa kă bro, tam gơl sồ, bơtàu tơnguh uă bơta gĭt wă bồ tơngoh mờ lơh ngan ngồn kă bro phan geh cồng nha kơlôi sơnơng. Mơkung sơlơ tơnguh tai bơta pơgồp bal đah ală Sờh, gah, ală tiah tàm broă tơrgùm, sền gĭt mờ lơh sră nggal cơng tàng drơng broă lơh sền sơ wì pah nam.