Mờ jơnau đơs “Rềp làng bol mờ pơlam tơn”, càr Lâm Đồng neh crơng gơs 2 rbô 765 jơnum măi mok sồ mpồl bơtiàn tàm ală thôn, ƀòn mờ mờr 16 rbô 900 nă cau tàm jơnum, dong kờl tơn làng bol ngui măi mok. Broă lơh pơlam bơta chài ngui măi mok sồ geh lam lơh ndrờm bal; 100% kwang bàng, cau lơh broă sa priă nhai dà lơgar geh bơto pơlam. Bơdìh mờ ală ơdŭ bơto bơtê tơn, uă broă lơh pơlam tàm măi mok sồ kung geh lơh, gơ hòi gơ jà gal ngan làng bol tus bal. Jat Sờh Jak chài mờ Măi mok càr Lâm Đồng, ală tiah tàm càr kung jơh nùs bơt bơtàu, lam lơh uă broă lơh, jơnau bơceh lơh geh cồng nha bè tam gơl sồ.