Dar sơnđờm mut pơrjum geh bơta tus bal bơh ồng Lê Minh Hưng, Thủ tướng Chính phủ lơgar Việt Nam mờ Thủ tướng 4 lơgar Asean geh: ồng Sonexay Siphandone, Thủ tướng lơgar Lào, ồng Hun Manet, Thủ tướng Campuchia, ồng Anutin Charnvirakul, Thủ tướng Thái Lan mờ ồng Kay Rala Xanana Gusmão, Thủ tướng lơgar Timor-Leste.

Tàm Anih cribơyai, ồng Lê Minh Hưng, Thủ tướng Chính phủ sơnđờm mờ dùl jơnau lùp, hơ̆ là tàm dùl dunia gam tam gơl uă ngan, broă ai tơlik tŭ do ờ mìng là Asean rơ̆p gơ dờp mbè lơi lơm mờ Asean rơ̆p sền gĭt bè lơi ai rài tơnơ̆ bơh să tờm he dê tàm rài 21? Đơs tơrgùm dồ ết 59 nam lơh geh mờ bơtàu tơnguh, Thủ tướng đơs sùm hơ̆ là gùng lòt bơt bơtàu bơhiàn niam chài is bơh Asean dê mờ đơs là ală 10 nam tus do rơ̆p là gùng lòt sền gĭt rài tơnơ̆ do bơh Asean dê tàm dùl dunia mờ măi mok geh đơs wơl là cồng nha lơh geh, ală jơnau yal tơngĭt jơnau gơnăp gơnoar mờ tam gơl tơlir gam mblàng broă lơh bơtàu tơnguh. Đơs nền bơta kwơ dờng ngan rlau jơh bơh Asean dê tàm ală 10 nam tus rơ̆p lơh nền là dùl mpồl bơtiàn tam klăc bal mờ pràn is lơm digơlan tus bal sền gĭt niam ngan ai ring lơngai, lơh broă bal mờ bơtàu tơnguh bơh tiah do mờ tàm dunia... Thủ tướng đơs sùm: Việt Nam hơ pơr gon pơn jat tai lòt bal mờ Asean mờ bơta kơ̆p kờñ bơceh lơh rài tơnơ̆ do, tài bơh rài tơnơ̆ do bơh lơgar Việt Nam dê gơ jat bal mờ rài tơnơ̆ do bơh Asean dê kung bè gơ jat bal mờ ring lơngai, kơ̆ kơl jăp mờ pas gơs bal bơh jơh bal tiah do dê.