Tàm hơ̆, gah tơnhàu phan kuơ tàm ù mờ lơh mờ măi mok lơh gơlik phan, crăp mòn phan ndrờm gơguh rlau 22%; lơh gơlik mờ tac đèng gơguh rlau 12%. Kờp bal ală nhai bồ nam, sơñio khà lơh sa mờ măi mok bơh càr Lâm Đồng dê gơguh rlau 8% pơndrờm dùl tŭ bal mờ nam lài. 

Gàr sùm khà gơguh niam là phan lŭ bơt bơtàu gơguh mờr 21%; biap, plai chi lơh gơlik phan kờp dŭ geh mờr 16 rbô tấn, gơguh rlau 12%; khà ồs đèng gơguh 7%, phan bauxite trà kờp dŭ rlau 642 rbô tấn. Tŭ do, càr gam tă bơsong ală bơta gơ kòl tàm ală rơndap broă lơh đèng càl nàng gơtùi tơrbŏ pờ tơlik ồs đèng tàm nhai 6 do tơn, pơgồp bơnah tàm broă bơtàu tơnguh lơh sa mờ măi mok.