Jat hơ̆, càr sồr ală sàh, sơnah ƀòn, tiah is ồn, anih lơh broă, mpồl tờm bơcri priă lơh gơs broă lơh bơt bơtàu, sền swì mờ ring bal rơndap ù tiah tiah drà, ƀòn lơgar; ală sàh pal lơh gơs rơndap ù tiah bal kâp sàh tàm quý 2 nam do. 

Mpồl atbồ rơndap broă lơh bơcri priă lơh sồ 1 geh jàu bơt bơtàu rơndap ù tiah bal tiah drà gơ wèt mờ 5 sơnah ƀòn rềp bal geh Xuân Hương - Dà Làc, Lâm Viên - Dà Làc, Xuân Trường - Dà Làc, Cam Ly - Dà Làc mờ Lang Biang - Dà Làc, lơh gơs tàm nhai 8 tus do. Mờ kung lam lơh rơndap ù tiah bal tiah drà gơ wèt mờ 4 sơnah ƀòn rềp bal tiah Bảo Lộc tơnơ̆ tŭ geh jơnau đơs bơh Mpồl Lơh kơnòl broă sùm Tỉnh ủy càr dê. Mpồl atbồ rơndap broă lơh bơcri priă lơh sồ 2 lam lơh ală sră pơ àr lơh rơndap ù tiah bal tiah drà gơ wèt mờ 6 sơnah ƀòn rềp bal tiah Phan Thiết mờ 2 sơnah ƀòn rềp bal Phước Hội - La Gi, lơh gơs tàm nhai 6 do tơn. Gơ wèt mờ Tiah lòt nhơl dà lơgar tơnau dà Tuyền Lâm, geh jàu mhar lơh rơndap ù tiah bal tus nam 2050 tơnơ̆ tŭ kơnòl broă rơndap ù tiah geh kĭ ring bal.