Do geh sền là broă lơh tam gơl pràn nàng kờñ lơh pràn broă tam gơl niam sră pơ àr gơnoar atbồ, tơnguh uă bơta pràn jak tàm pơrlòng mờ gơ hòi gơ jà ală rơndăp broă lơh gơ kơnờm drơng broă jơnau kờñ gơguh tai lơh sa 2 nơm khà bơh tiah do dê. Jat broă lơh do, tơngai lơh jat sră pơ àr dờp halà tam gơl niam gùng dà broă lơh bơcri priă lơh gơwèt gơnăp gơnoar Chủ tịch Anih duh broă Làng bol càr mờ sră pơ àr pà, tam gơl niam sră dờp dan cih bơcri priă lơh rơ̆p geh tơn lơyah niam uă ngan rlau jơh 50% pơndrờm mờ jơnau sồr gam ngui tŭ do.

Broă lơh geh ngui uă ngan gơwèt mờ ală rơndăp broă lơh phan bơna bơt bơtàu tiah lơh sa mờ măi mok, mpồl lơh sa mờ măi mok, anih tờm logistics, anih ơn prap phan hơđang ù gờl; ală rơndăp broă lơh hìu ơm, năng lượng mờ ală rơndăp broă lơh kờp jơh geh priă bơcri lơh 800 tơmàn đong rlau hơ đang. Ală sră nggal gơwèt ai lơh lài rơ̆p geh ai gĭt tềl lời wơl sền gĭt nàng tam pà bal, jat sền mờ bơsong mhar tàm jơh ală broă lơh bơsong dê. Pal sền gròi ngan là, ală sờh, gah mờ ală tiah geh sồr ai lơh lài ai mpồl cau lơh broă; tŭ tơngai nàng bơsong sră nggal. Dilah lơyài tă pơgồp jơnau đơs halà ờ hơ wơl jat di mờ tơngai pơr gon rơ̆p pal kong kơnòl gơwèt mờ tơngume gơwèt gơnăp gơnoar atbồ bơh mpồl lơh broă he dê.