Jàu khà jờng Cau khin cha jak chài mpồl crong làng bol dơ̆ 4 ai mpồl phàu crong Càr lơgar in mờ đơs tàm dơ̆ bơyai lơh, ồng Tô Lâm, Tổng Bí thư, Chủ tịch lơgar sồr kâp ủy, gơnoar atbồ mờ Mpồl phàu crong Càr lơgar Hà Nội pơn jat tai bơsram uă gùng dà Đảng dê bè bơtàu tơnguh dà lơgar, bơtàu tơnguh Càr lơgar, bơt bơtàu Ling klàng tàm rài bơtàu tơnguh pa.

Ồng Tô Lâm, Tổng Bí thư, Chủ tịch lơgar pin dờn là, kâp ủy, gơnoar atbồ ƀòn dờng Hà Nội rơp geh uă broă lơh bơceh lơh, đơng lam, sồr lơh, pơgồp bal nền nòn đah gàr kơ̆ sơlơ sền gàr dà lơgar, lơngap lơngai mờ bơtàu tơnguh lơh sa, niam chài mờ lơh broă mờ lơgar ndai, mpồl phàu crong mờ ală rơnàng làng bol Càr lơgar rơp tam klac bal, lơh ngan lơh gơs jak tơl kơnòl broă mờ Đảng, Dà lơgar mờ làng bol dê jàu, lơh ngan lơh ngan ngồn broă rơndap lơh Càr lơgar 100 nam neh git nền.