Đơs tơn jơh pơrjum, ồng Tô Lâm, Tổng Bí thư, Chủ tịch lơgar đơs sùm, tàm pơn jăt ală jơnau lơh nền gùng dà broă lơh bơh bồ tơngai lơh broă dê, Pơrjum dơ̆ do lơh loh làng Jơnau lơh nền tàm pơrjum bơh Pơrjum dờng dơ̆ XIV Đảng dê, pơgồp bal bơ̆t bơtàu Đảng mờ ătbồ broă dà lơgar mờ bơtàu tơngguh dà lơgar. Dà lơgar neh ring bal pơlam gùng kơlôi sơnơng ală broă bơta tờm Đảng dê mờ gùng lòt bơtàu tơngguh jŏ jòng bơh dà lơgar dê.

Tổng Bí thư, Chủ tịch lơgar pà gĭt, Dà lơgar neh lơh nền ală jơnau lơh nền pa bè tơngguh uă pràn jak tam gơl pa is, lơh niam wơl is Đảng dê mờ ală anih lơh broă chính trị dê. Dà lơgar ring bal Jơnau lơh nền tàm pơrjum bè sơlơ bơ̆t bơtàu, lơh niam wơl tai Đảng mờ ală anih lơh broă chính trị sàng goh, kơnhăp pràn, tơl làm, lơh geh jơnau sồr bơtàu tơngguh dà lơgar dê tàm rài pa. Dà lơgar neh lơh nền tam gơl pa broă lơh kwang bàng mờ broă dong kờl gơhòi gơ jà, ngui cau lơh broă jak, rơcăng mpồl cau lơh geh jơnau kờñ bơtàu tơngguh dà lơgar dê. Tơnơ̆ dơ̆ Pơrjum tơn, ồng Tô Lâm, Tổng Bí thư, Chủ tịch lơgar sồr lơh loh làng wil tơl, di tŭ ală broă neh neh lơh nền tàm pơrjum, lơh sir jơnhoa ngan rlau jơh kơnòl broă nam 2026, lơh gơlik bơnàng jă nàng nam 2027 in tơngguh pràn, tam gơl pràn; sơlơ lòt sền, jăt sền broă lơh jăt mờ ngui niam gơnoar broă làng bol dê.