Tàm dơ̆ lơh broă, bàr gah neh cri bơyai bè broă bơtàu tơnguh git gơ̆p Tam klăc bal kwơ màng tơl ală bơta đah lơgar Việt Nam mờ lơgar Nga tàm bơta gùng dà broă lơh bal mờ lơgar ndai krơi is, lơh tờm is lơgar Việt Nam dê; cri bơyai bè ală gah broă lơh broă bal tờm mờ bơta geh tàm tơngai tus.

Ală cau ala măt kung cri bơyai bè bơta geh tàm tơrbŏ bal bơta pràn bơh lơgar Nga dê tàm ală gah broă măi mok pa; cri bơyai bè ală kơrnoăt lơi bè bơto cau lơh broă mờ kơlôi sơnơng bal nàng gàr broă lơh bal do bơtàu tơnguh kơl jăp mờ geh cồng nha tàm tơngai jŏ jòng. Ồng Nguyễn Thanh Nghị kơ̆p kờñ kwang bàng tàm Mpồl kwang bàng, đơng lam lơgar Nga dê tàm gơnoar broă bơh să tờm dê gơs cau tơrbŏ bal ai bơta git gơ̆p đah bàr lơgar in, dong kờl nùs nhơm lơh bơyô bal ờs mờng đah lơgar Việt Nam mờ lơgar Nga ngai sơlơ bơtàu tơnguh niam bơnĕ, kơl jăp tài bơta pas gơs bơh bàr lơgar dê.