Bơta tờm tàm broă lơh dê là Dơ̆ lam lơh lơh tơrlòng lài 4 broă lơh tơrlòng lài Srơh "Jơh gùt làng bol bơsram sồ", geh: "Làng bol sồ pơn rơ jak", "Ƀòn, thôn, jơnum làng bol tiah drà sồ pơn rơ jak", "Ƀòn lơgar sồ - Lơh pas bơh măi mok" mờ "Ƀòn, thôn sồ - tiah làng bol jơi bơtiàn dồ êt nă cau". Broă lơh do wèt tus jơnau kờñ bơto bơtê bơta chài ngui măi mok sồ, dong kờl làng bol tiah sar lơgar ngài mờ làng bol jơi bơtiàn dồ êt nă cau in rơcang lài gĭt mờ măi mok, drơng broă dà lơgar tàm internet mờ tơnguh uă priă lơh geh.

Bơdìh hơ̆ tai, broă lơh gam geh lơh pơrjum jak chài, bơyai mìng dùl tơngume bè ngui măi mok pa, lơh is lơm, bồ tơngoh jak kòn bơnus lơh gơlik, jòi gĭt tiah tờm lơh gơlik phan tàm ală bơta kuơ phan tàm dà, bal mờ ù tiah ràng tơlik, yal tơngĭt uă broă lơh, phan bơna măi mok pa.