Đơs nền jơngkah ù tiah lơh broă bal gam dờng ngan, càr Lâm Đồng kơ̆p kờñ ai phan tàm dà, kơphe, plai chi bơkàu mờ ală bơta phan sa lơh gơlik phan niam uă tăc tàm ală drà mờ tăc rah rài lơgar Hàn Quốc dê. Mơkung tam gơl bơh tăc blơi phan bơna tus lơh broă bal ală bơta kwơ. Mpồl lơh sa kă bro lơgar Hàn Quốc rơ̆p tus bal bơcri priă tiah tam phan, măy mŏk lơh gơlik phan, sền gàr ơn prăp, ơn klơm, jòi gĭt anih tờm lơh mờ bơ̆t bơtàu măt kă bro is nàng jòi lơh geh cồng nha tiah tam phan dờng càr Lâm Đồng dê.

Tŭ do, càr Lâm Đồng geh 37 rơndăp broă lơh bơh cau bơcri priă lơgar Hàn Quốc dê mờ kờp jơh priă cih măt rlau 279 tơlak dolar Mỹ. Tàm 9 nhai nam 2026, priă geh bơh tăc phan bơna Lâm Đồng dê tus Hàn Quốc geh rlau 56 tơlak dolar Mỹ. Kờp priă blơi phan bơh Hàn Quốc tơmŭt tàm Lâm Đồng geh 7 tơlak 800 rbô dolar Mỹ.