Tàm ală anih tìp mat, ala mat Mpồl cau ala mat Quốc hội càr Dăk Lăk yal jơnau kờp dŭ broă lơh dơ̆ pơrjum, mờ khà uă broă bơt bơtàu adat boh lam, sền swì bơta lơh sa - mpồl bơtiàn, kes priă dà lơgar nam 2026 mờ lơh nền ală kơnòl broă nam 2027. Cau tĕ khà ală sơnah ƀòn Thành Nhất, Ea Kao mờ xã Hoà Phú, gơ wèt mpồl tĕ khà sồ 3 dan ală anih lơh broă geh gơnoar sơlơ tơnguh tai broă lơh gàr niam lơngăp lơngai rơndap tap sèng, ngan là kơryan cau lơh tìs măi mok sồ gam gơlik geh kal ke.

Cau tĕ khà ală ƀòn lơgar càr Dăk Lăk dê kung yal wơl bơta bơsong sră nggal ù tiah tàm bàr pe tiah gam jŏ jòng, nùs nhơm drơng broă làng bol in ờ hềt niam; dan sền gròi bơcri priă tam gơl niam tiah ơm kis, phan bơna gùng lòt, broă dong kờl, broă lơh gơ wèt mờ kwang bàng thôn ƀòn mờ tơnguh khà dong kờl kham sơm kòp ờ sa priă cau dờng sơnam in.