Ală rơndăp broă lơh pơgồp bal tàm broă bơtàu tơnguh phan bơna, ai geh broă lơh mờ lơh pràn lòt nhơl ƀòn lơgar in. Mơya, nàng lơh geh cồng nha, ală rơndăp broă lơh pal pơgồp bal mờ jơnau kờñ mùl màl bơh drà kă bro dê, ala mờ broă mìng kơ̆p gơn tơnguh priă phan bơna.

Tàm pơrjum bơyai bè hìu ơm, ù lơh hìu ơm lòt nhơl pa geh bơyai lơh tàm càr Gia Lai, ală cau jăk chài đơs là, bơta kwơ tơrbŏ bal dà lềng mờ bơnơm mìng gơtùi geh tŭ phan bơna ndrờm bal, phan lòt nhơl uă bơta mờ khà cau năc geh tơl. Bơdìh hơ̆ tai, pal lơh gơs adăt boh lam, ndrờm bal gơnoar ngui, gơnoar ngui ù mờ gơnoar lơh. Broă atbồ, lơh broă kung pal geh sền gròi, gàr priă geh, priă tă lơh niam wơl mờ bơcri tai, wèt tus bơtàu tơnguh kơl jăp.